Génesis 22:7 - Bible in Tzeltal de Oxchuc y Tenejapa

⁷ Te Isaac la yalbey te state, ja' te Abrahame: —Jtat —xi'. —¿Bila, jnich'an? —la yut. La yal te Isaac: —Ay c'ajc' soc ay cuchillo, pero ¿banti ay te chij te ya xtuun yu'un milbil smajt'an Dios te ya jchic'beytique? —xi'.

Bible in Tzeltal Bachajón

⁷ Te Isaac la yalbe te Abraham te state: Jtat, xchi. ¿Bin a, jnich'an? xchi te Abraham. La yal te Isaac: Li' ay te c'ahc' soc te si', pero ¿banti ay te tuminchij te ya xtuhun yu'un te scohtol chic'bil mahtanil? xchi.

Génesis 22:7 Referans Kwoze

Romanos 8:15

Melel te Espíritu te ac'botex awiq'uique, ma ja'uc ya yaq'uex xan ta mosoil yu'un te xiwele. Melel ja' ya yaq'uex ta alnich'an yu'un te Diose. Ja' swentail te jich ya caltique: “Jtat”, te xootic ta stojole.

San Juan 18:11

Te Jesús jich la yalbey te Pedroe: —Ac'a ochel ta sna te apuñale. ¿Yu'un bal ma puersauc ya xwoclajon te bit'il jich ya sc'an te Jtat te ya xc'ot ta jwentae? —la yut.

San Mateo 26:42

Jich bajt' ta xchebal buelta ta sc'oponel te Diose: —Jtat, teme puersa ya xc'ax jwocole, ac'a pasuc te bila ya sc'an awo'tane —xi'.

San Mateo 26:39

Been xan bael jtebuc te Jesuse. Tey la stinan sba coel c'alal ta lum ta sc'oponel te Diose. Jich la yal: —Jtat, te yacuc xju' te ma xc'ot ta jwenta in woclajel to, ja'uc me to, ma me ja'uc ya jpas te sc'anjel co'tane. Ja' ac'a pasuc te bila ya sc'an awo'tan atuquele —xi'.

Éxodo 12:3

Albeya ta stsojbol alumal israeletic: “Ta slajunebal c'aal yu'un te u, juju-jtul ta apisilic ya me atsaquic juju-jcojt' chij o tentsun ta chajbalchajp na.

Génesis 8:20

Te Noé la spasbey scajtijib smajt'an Cajwaltic. La stsa te chambalametic soc te mutetic te lec sc'oplale. Juju-jcojt' ta chajbalchajp la smilbey smajt'anin te Diose soc la xchic'bey scojt'ol ta scajtijib.

San Juan 1:29

Ta yan c'aal te Juan la yil te yac ta noptsajel tel Jesús tey a te banti aye. Jich caj yal yu'un: —Ilawilic in to. Ja' te mero Alalchij yu'un Dios, te ya xch'aybey smul spisil te mach'atic ayic ta balumilale.

San Juan 1:36

La yil yac ta c'axel bael te Jesuse. Jich la yal te Juane: —¡Ilawilic in to. Ja' te mero Alalchij yu'un te Diose! —xi'.

Apocalipsis 13:8

Spisil te mach'atic nainemic ta balumilale la slajin sbaic ta stojol te muc'ul chambalame, ja' te mach'atic ma nacaluc sbiilic ta lista swenta cuxinel te yich'oj te Alalchij te laje, te la yich' ts'ibuyel c'alal to te bi ora pastaj te ch'ulchan balumilale.

Génesis 22:8

La sjac' te Abraham: —Jnich'an, Dios ya slebotic te chij ya xtuun cu'untic ta spasel te smajt'ane —la yut. Pajal yacalic ta beel bael xchebalic.

Éxodo 29:38

“Ya me awac'bon milbil jmajt'an jujun c'aal. Ma me xcom ta aq'uel ta scajtijib ta chiq'uel te milbil jmajt'ane, cha'cha'cojt' me chijetic te jujun ya'wilale.