Génesis 22:6 - Bible in Tzeltal de Oxchuc y Tenejapa

⁶ Te Abraham och ta sts'alel te si'il te milbil smajt'an Dios te scojt'ol ya yich' chiq'uele, la yac'bey xcuch bael te snich'an Isaaque. La stuch bael xutunte' soc scuchillo. Jich a bajt' xchebalic.

Bible in Tzeltal Bachajón

⁶ Te Abraham och ta sts'alel te si'il te milbil mahtanil, la ya'be scuch bahel te Isaac te snich'ane. Ha la stuch bahel xutunte' soc cuchillo, hich baht schebalic.

Génesis 22:6 Referans Kwoze

San Juan 19:17

Te Jesús la xcuch bael te scruz. Bajt' ta bay Yawil Baqueljolol sbiil te q'uinale, te Gólgota sbiil ta hebreo-c'op.

1 Pedro 2:24

Ja' la xcuchbotic jmultic ta cruz-te' ta sbaq'uetal stuquel te Cristoe. Yu'un jich ya xlaj sc'oplal ta co'tantic a te mulile, soc jich me ya cat'elintic spasel te bila leque. Melel ja' colemex yu'un te bit'il laj ta ejch'entesele.

San Mateo 8:17

Jich c'ot ta pasel te bila ts'ibubil jilel yu'un te j'alwanej yu'un Dios te Isaías sbiil te jich la yale: “Ja' la yich'botic spisil te jchameltique, soc ja' la sts'ic spisil te bila c'ux la caiytique”, te xie.

Isaías 53:6

Jpisiltic jowejemotic, jich bit'il ya spas chijetic, juju-jtul la jle jbetic jtuqueltic. Ja'uc me to, te Cajwaltic la yac' scuchbotic jmultic ta jpisiltic.

Génesis 22:5

Jich yu'un la yalbey te abatetic yu'une: —Jilanic li'to soc te burroe. Ya xboon lum to soc te quereme, ya xba jc'opon Dios soc, ta patil ya sujt'on tel soc —xi'.

2 Reyes 2:6

Jich cha'albot xan yu'un te Elías: —Jilan li'to, yu'un ya sticunon ta muc'ja' Jordán te Cajwaltique —xi'. Pero te Eliseo jich la yal: —Jc'axel ya cal ta jamal ta stojol Cajwaltic, soc nix ta atojol te ma ba ya quijq'uitayat atuquel —xi'. Jich bajt' xchebalic.