Biblia Todo Logo
Bib sou entènèt

- Piblisite -




Génesis 22:18 - Bible in Tzeltal de Oxchuc y Tenejapa

18 Ta swenta ats'umbal ya x'ac'bot bendición bayal ta jtul ta spamal balumilal, yu'un la ach'uunbon jmandal”, te xie —xi' sc'oplal yu'un.

Gade chapit la Kopi

Bible in Tzeltal Bachajón

18 Ta scuenta ats'umbal ya x'a'bot bendición spisil nacionetic ta swohlol bahlumilal, yu'un te la ach'uhumbon te jc'ope, xchi.

Gade chapit la Kopi




Génesis 22:18
22 Referans Kwoze  

Ja'ex ya xc'ot ta awentaic te bila ya yal te j'alwanejetique soc ay ta awentaic te trato yaloj Dios ta stojol te antiguo jme'-jtatique, te jich la yalbey te Abrahame: “Ta swenta te ats'umbale, ya me yich' bendición spisil ta jchajp ants-winiquetic”, te xie.


Ya me cac'bey bendición mach'a jayeb te lec yo'tan awu'un. Te mach'a jayeb ma lecuc yo'tan awu'une, boloben me sc'oplal cu'un ya xc'ot. Ja'at me ta awenta te ya cac' bendición ta stojol spisil ants-winiquetic ta balumilal —xi' sc'oplal yu'un te Diose.


Te Abraham albot yu'un Dios te bi yilel ya xc'ot soc te sts'umbale. “Ta spisil te ats'umbale”, ma xiuc te Sjun Diose, melel ma ja'uc la yalbey sc'oplal ta spisilic. “Ats'umbal” xi', melel jtul nax te ay sc'oplal te sts'umbale. Ja' nax te Cristoe.


Te bila mandal la calbey, ja' te ya xch'uunbonic te jc'ope, melel jo'on te Dioson yu'unic ya xc'oone, soc ja'ic te lum cu'une. La calbey te tojuc ya yac' sbaic jich bit'il la jpas ta mandal, swenta yu'un lecuc me ya xc'otic ta loq'uel a.


te melel muc'ul lum ya xc'ot sts'umbal, soc ich'bil ta muc' ya xc'ot. Spisil ta jchajp nacionetic ya me x'ac'bot bendición ta swenta Abraham.


Jelawen yutsil te Diose, te Stat te Cajwaltic Jesucristoe, te la yac'botiquix spisil ta jchajp bendición te ay ta ch'ulchan ta swenta te Cristoe.


Te sbiil te muc' ajwalil sbajt'eluc me q'uinal ay; jich ac'a jalajuc sc'oplal te bit'il ya xjalaj te c'aale. Ac'a c'otuc bendición ta stojolic spisil te nacionetic ta balumilal ta swenta stuquel. Ac'a me yalbeyic yutsilal spisil te nacionetic.


Ja' bi ja' sc'oplal te Cajwaltic Jesucristo te ja' Snich'an Dios stuquel. Ja' sts'umbal te muc' ajwalil David ta swenta sbaq'uetal.


Jich yu'un teme ta swenta mandalil te ay bendicione, jich ma ja'uquix ta swenta te bila la yal Dios ta stojol te Abrahame. Ja'uc me to, te Abraham ac'bot bendición yu'un Dios ta swenta nax te bit'il jich albot yu'une.


Te bit'il jich yaloj te Cajwaltic, te Dios cu'untic te israelotic, te ya apasbey yat'el spisil ora ja'at soc te mach'atic ay awu'une, yo'tic ya yal ta jamal: “Ma'yuc bi ora jich ya xc'otix ta pasel. Te mach'a ya yich'on ta muq'ue, ya me quich' ta wenta; te mach'a ma'yuc jc'oplal ta yo'tan, jc'axel ma'yuc swentail ya xc'ot cu'un. Jo'on Ajwalilon jich caloj.


La stsac ta sc'ab te scuchillo, c'an slow a te snich'ane.


Jich yu'un te Abraham buen sab a jajch' ta yan c'aal, la xchajban sburro. La yic' bael te snich'ane, ja' te Isaac, soc la sjoin bael cheb abatetic yu'un. La xch'uybey bael si'il te milbil smajt'an te Diose. Jajch'ic ta beel, bajt' ta banti albot yu'un te Diose.


Ja' in to, ja' lista yu'un te antiguo me'il-tatiletic yu'un te Jesucristoe te sts'umbal David te ja' sts'umbal Abrahame.


Melel tsabil cu'un te ya me spas ta mandal yal-snich'nab soc te mach'atic ay yu'un ta patil bael, te ya spasic spisil te bitic ya cac'bey snopique, te ya me spasic spisil te bitic lec soc te bitic toj ta pasele, swenta yu'un jich me ya jc'otes ta pasel te bila calojbey sc'oplal ta jamale”, xi' ta yo'tan.


Jich yipal ats'umbal ya xc'ot te bit'il ts'ubil lum. Soc ya me spuc sbaic ta bayuc c'alal ta stojol smalib c'aal, soc c'alal ta stojol sloq'uib c'aal soc c'alal ta stojol norte, soc c'alal ta stojol sur. Soc ta awenta soc ta swenta ats'umbal ya me x'ac'bot bendición spisil ta jchajp lum ayic ta spamal balumilal.


jich me ya xju' te ya atabon ta alel jbiil ta smelelil, ta stojil soc ta swenta bitic lequic ta pasele. Ta swenta jbiil ya me xc'ot bendición ta stojol te nacionetic, soc ya me yalbonic lec jc'oplal —xi' te Cajwaltique.


Muc'ul lum ya xc'oat cu'un, soc ya me cac'bat bendición, soc muc' ya xc'ot ac'oplal cu'un, soc ay me bendición ta stojol yantic ta awenta.


Jich yu'un te Moisés soc te Aarón jich la spasic spisil te bit'il nix la yal mandal te Cajwaltique.


Swiv nou:

Piblisite


Piblisite