Génesis 22:17 - Bible in Tzeltal de Oxchuc y Tenejapa

¹⁷ jich yu'un jelawen to xan ya cac'bat esmajuc bendición ta atojol. Jelawen to xan ya cac' esmajuc ats'umbal, jich yipal ya xc'otic te bit'il sji'al mar, soc te ats'umbale ya me stsal spisil yajcontro.

Bible in Tzeltal Bachajón

¹⁷ ya me ca'bat bendición soc ya cac' te ya xp'ohl ats'umbal hich yipal te bin ut'il eq'uetic te ay ta ch'ulchan soc te hi' te ay ta sti'il mar; soc te ats'umbal ya me stsal spisil scontratac.

Génesis 22:17 Referans Kwoze

Génesis 15:5

Soc ic'ot loq'uel ta jamalal la yaiy yu'un te Diose: —Ila awil te ch'ulchane, ajtaya jayeb te eq'uetique, teme ya xju' awu'un yajtayele. Jich me yipal ats'umbal ya xc'ot —xi' sc'oplal.

Jeremías 33:22

Soc te sts'umbal te cabat David soc te yantic abatetic cu'une, ja' te mach'atic sts'umbal Leví, ya me quesmantesbey yajtalul, jich bit'il eq'uetic ta ch'ulchan soc jich bit'il sji'al mar, te ma'yuc mach'a ya xju' yu'un yajtayele —xi' te Cajwaltique.

Génesis 13:16

Jich me yipal ats'umbal ya xc'oat cu'un te bit'il ts'ubil lume. Ma xju' ta ajtayel te ts'ubil lum, soc ja' nix jich ma xju' ta ajtayel te ats'umbale.

Génesis 26:4

Ya me cac' esmajuc ats'umbal, jich yipal ya xc'otic te bit'il eq'uetic ta ch'ulchan. Soc ya me cac'bey sq'uinalin spisil in q'uinal to te ats'umbale. Ta swenta ats'umbal ya me x'ac'bot bendición ta spisil ta jchajp mach'atic ayic ta balumilal.

Génesis 24:60

La sc'anbeyic bendición ta stojol Rebeca: —Ja'at quijts'in-ach'ixat, ja'ucat me sme'at tsobol ta jmil, ac'a yu'uninbeyic slumal yajcontro te ats'umbal baele —xiic.

Apocalipsis 11:15

Te sjuquebal ch'ul abat la yoq'uesin te oq'uese. Ay mach'atic tulan c'opojic ta ch'ulchan la caiy te jich la yalique: “Spisil te muc' ajwaliletic ta balumilal soc te bila ay ta swentaique, ayix ta swenta stuquel te Cajwaltique soc te Cristo yu'une. Ja' me ay ta ajwalinel sbajt'el q'uinal stuquel”, xiic la caiy.

Efesios 1:3

Jelawen yutsil te Diose, te Stat te Cajwaltic Jesucristoe, te la yac'botiquix spisil ta jchajp bendición te ay ta ch'ulchan ta swenta te Cristoe.

Deuteronomio 1:10

Melel mero bayal awal-anich'nabic la yac'beyexix te Cajwaltic te Dios cu'untique, yo'tic mero muc'ul lumexix, jich awipal c'oemex te bit'il eq'uetic ayic ta ch'ulchane.

Génesis 32:12

Te melel jich awalojbon ta jamal: “Ya me jc'uxtayat, soc jich yipal ya xc'ot ats'umbal cu'un te bit'il sji'al mar te ma xju' ta ajtayel”, te la awutone —xi'.

1 Corintios 15:57

Ja'uc me to, wocol yal Dios yu'un te ya yac'botic caiytic tsalaw ta swenta te Cajwaltic Jesucristoe.

Jeremías 32:22

La awac'bey israeletic in lumq'uinal to, te bay ya x'oquin leche soc chab c'oeme, jich nix bit'il awalojbey sc'oplal te antiguo sme'-statique.

Miqueas 1:9

Melel te yejch'en Samaria ma xju' ta poxtayel; jich tabilix uuc te Judá, c'oemix c'alal ta Jerusalén, ja' te lum ta bay nainemic te jlumale.

1 Reyes 9:26

Te muc' ajwalil Salomón la spas barcoetic ta lum Ezión-geber te ay ta nopol lum Elat ta sti'il te Mar Rojo, ta sq'uinal Edom.

Deuteronomio 21:19

te sme'-stat ya me yic' bael ta stojol ta chajbajibal yu'un mamaletic yich'oj yat'elic yu'un te slumale.

Génesis 28:3

Ac'a yac'bat bendición te Dios te Spisil ya xju' yu'une, soc ac'a yac esmajucat, bayaluc me ta jmil ac'a c'otuc ats'umbal, swenta yu'un ay me bayal ta jchajp lum ya xc'ot ta awenta.

Génesis 17:6

Ya cac' esmajuc bayal ats'umbal, soc bayal ta jchajp ants-winiquetic ya xc'oat ta loq'uel cu'un, soc bayal ta jtul ajwaliletic ya xchicnaj ta awenta.

Génesis 12:2

Muc'ul lum ya xc'oat cu'un, soc ya me cac'bat bendición, soc muc' ya xc'ot ac'oplal cu'un, soc ay me bendición ta stojol yantic ta awenta.

Romanos 4:13

Ma ta swentauc xch'uunel te mandalil te albot yu'un Dios te Abraham te ya x'ac'bot yu'unin soc sts'umbal te balumilale. Toj ilot yu'un Dios ta swenta nax te xch'uunjel yo'tane.

Romanos 9:27

Jich uuc te Isaiase, la yalbey sc'oplal te israeletique: “Manchuc teme jich yipal sts'umbal Israel te bit'il sji'al te mare, ja'uc me to, scomenal xanix te ya xcolique.

Hebreos 6:14

Jich la yal: “Jo'on ya cac'bat bayal bendición soc te ya cac'bat bayal ats'umbale”, la yut.

Hebreos 11:12

Jich uuc te Abrahame manchuc teme nopol xlajix bael a, ja'uc me to, jich yipal sts'umbal c'ot te bit'il eq'uetic ta ch'ulchane soc jich yipal te bit'il sji'al sti'il mar te ma xju' ta ajtayele.

Génesis 25:11

Lajemix a te Abraham, ac'bot bayal bendición yu'un Dios te Isaaque. Nain ta bay pozo: “Ya yilon te cuxul Dios”, te xi' sbiile.

Génesis 26:24

C'alal c'ot ta Beerseba, Dios la yac' sba ta ilel ta ajc'ubal ta stojol, jich la yalbey: —Jo'on Dioson yu'un te atat Abraham. Ma me xiwat, joinejat spisil ora. Ta swenta bit'il c'ux ta co'tan te cabat Abraham, ya me cac'bat bendición, ya me cac' esmajuc ats'umbal —xi'.

Génesis 28:4

Ac'a yac'bat soc jayeb ats'umbal te bendición la yalbey te Abraham, swenta yu'un jich me ya aq'uinalin te q'uinal ta bay nainemat te jich c'oemat te bit'il jyanlum li'to, melel la yal Dios te ya yac'bey te amam Abraham —xi'.

Deuteronomio 10:22

Te c'alal c'otic ta Egipto te antiguo ame'-atatique, ja' nax lajuneb xchanwinic (70) ta jtul; pero yo'tic la yaq'uix esmajuc awajtalulic jichuc eq'uetic ta ch'ulchan te Cajwaltic te Dios cu'untique.

Deuteronomio 13:17

“Ma me ayuc ya awich'ic jilel te bitic ayic ta swenta lajel, jich me ma'yuc bi ora ya x'ilin ta atojolic a te Cajwaltique. Ya me sna'beyex yo'bolil abaic, ya me yac' esmajuquex, jich nix te bit'il jc'axel yalojbey te antiguo ats'umbalique,

1 Crónicas 27:23

Te David ma la yac' ta censo te mach'atic ma to loq'uemuc jtab ya'wilale, melel te Cajwaltic yaloj te ya yac' esmajuc te israeletic, jich bit'il mero bayal eq'uetic te ay ta ch'ulchan.

2 Crónicas 1:9

Jich yu'un yo'tic, Cajwal Dios, c'otesa ta pasel te bila la awalbey te jtat David, melel la awac'on ta muc' ajwalil ta stojol te lum te mero ma xju'ix ta ajtayel jichuc ts'ubil lume.

Oseas 1:10

Ya me sta sc'aalelal te mach'atic israeletic te jichic te bit'il sji'al mar, te ma'yuc mach'a ya xju' yu'un sp'isel, ni yajtayel. Te bit'il la yich' albeyel: —Ma lumuquexix cu'un te ja'exe —te xi' sc'oplalique, Dios me ya yalbey: —Ja'ex me yal-snich'anex te cuxul Dios —xi' me sc'oplalic.

Génesis 32:13

Tey c'ax ajc'ubal yu'un te Jacob, soc la xchajbanbey smajt'an te sbanquil Esaú, chican te bila ay yu'une:

Éxodo 32:13

Na'a me te abatetic awu'un, ja' te Abraham, Isaac soc Israel. Te melel ja'at nix jamal la awalbey ta stojolic: “Ya cac' esmajuc ta lec te ats'umbale, jich me ya xc'ot te bit'il eq'uetic ta ch'ulchan”, te xaate. Soc la awal xan: “Spisil te q'uinal calojbeyex, ya me cac'beyex, awu'unic me sbajt'el q'uinal”, melel xaat —xi' te Moisés.

Deuteronomio 1:11

Te Cajwaltic te Dios yu'un te antiguo jme'-jtatic, ac'a yac' esmajanic bayal buelta xan a te bit'il ayex ta ora in to, soc ac'a yac'beyex bendición jich nix te bit'il yalojbotique.

Deuteronomio 13:18

teme ya ach'uunbeyic smandal te Cajwaltic te Dios cu'untique, soc te ya awaq'uic c'otuc ta pasel spisil te mandaliletic yu'un te jo'on la cac'beyex ta ora in to, soc te ya apasic te bila lec ta sit te Cajwaltique.

2 Samuel 17:11

Yo'tic jo'on ya calbat, ac'a stsob tel sbaic ta atojol spisil te israeletic ta spamal sq'uinalic, c'alal ta Dan soc c'alal ta Beerseba, melel mero bayalic ta jtul jichuc ji' te ay ta ti'mar. Te ja'at nix ya xba awac' ta guerra.

1 Reyes 4:20

Te Judá soc Israel mero ma xju' ta ajtayel te yajwale, jich te bit'il ji' ay ta ti'mar. Ay bayal swe'el-yuch'elic; mero bin nax yo'tanic ainic.

Nehemías 9:23

La awac' ayinuc bayal yal-snich'anic, jich yipal c'ot te bit'il eq'uetic ta ch'ulchane. La awic' bael ta yu'uninel te lumq'uinal awaloj ya awac'bey yu'unin te antiguo sme'-statique.

Isaías 48:19

Te ats'umbale ma me p'isbiluc yajtalul te jichuque, ma xju'ix ta ajtayel jich bit'il sji'al mar. Jo'on ma'yuc bi ora la sc'an co'tan te ya jinat te jichuque; ni ma la sc'an co'tan te ya quijq'uitayate, te ya jch'ay jsit ta atojole —xi' te Cajwaltique.

Oseas 2:1

Ja' yorail te jich me ya awalbeyic te awermanotac winiquetique: —Lumotic yu'un Dios —xaex me. Soc ya me awalbeyic te awermanatac antsetique: —Na'bil yo'bolil abaic —xi' me sc'oplal awu'unic.