Génesis 22:13 - Bible in Tzeltal de Oxchuc y Tenejapa

¹³ Jich te Abraham la stoy sit, la sujt'es sba. La yil ay tat chij te quijc'ajem xulub ta pimil ch'ixtiquil. Ba stsac te tat chije, ja' la smilbey smajt'anin te Diose, ja' sjelol te snich'ane.

Bible in Tzeltal Bachajón

¹³ Hich te Abraham la shach sit, la yil ta spat ay tat tuminchij ipajem xulub ta ch'ixiletic. Baht stsac talel te tat tuminchij, ha la smil scuenta scohtol chic'bil mahtanil te ha sjelol c'oht te snich'ane.

Génesis 22:13 Referans Kwoze

1 Corintios 10:13

Te yiljibal awo'tanic te ya xtal ta atojolique, pajal ay ta atojolic soc te yantic ta bayuc. Ja'uc me to, jun yo'tan ta jtojoltic te Diose. Jich ma xyac' jelawuc xan yip ta atojolic te yiljibal awo'tanique, ma xyac' jelawuc a te bit'il ya xcujch' awu'unique. Yu'un te c'alal ya xtal te yiljibal awo'tanique, ya me slebeyex uuc te bit'il ya xju' ya xcolex loq'uele, swenta yu'un jich me ya xcujch' awu'unic.

Isaías 30:21

Teme ya xjowejat bael ta wa'el o ta q'uexen, ya me awaiy c'op ta apat, jich me ya yalbat: “Tey ay te be, beenanic”, xi' me.

Génesis 22:8

La sjac' te Abraham: —Jnich'an, Dios ya slebotic te chij ya xtuun cu'untic ta spasel te smajt'ane —la yut. Pajal yacalic ta beel bael xchebalic.

Génesis 22:12

Albot yu'un: —Ma me xyal ac'ab, ma me xamil te quereme. La jna'ix stojol te bit'il awich'oj ta muc' ta melel te Diose, yu'un ma ja'uc la ana'bey yo'bolil sba te jip jtul anich'ane, jun awo'tan ya ac'an amilbon jmajt'anin —xi'.

Génesis 22:14

Te Abraham la slebey sbiil te ch'in q'uinale: “Ya slebotic spisil te bila ya xtuun cu'untic te Cajwaltique”, xi' sbiil c'ot yu'un. Jich yu'un ta ora to jich ay ta alel: “Ta wits ya yac' Cajwaltic te bila ya xtuune”, xi' sc'oplal.