Génesis 21:7 - Bible in Tzeltal de Oxchuc y Tenejapa

⁷ Ma'yuc mach'a ay ta yo'tan te ya cac'bey snich'an te Abrahame. Ja'uc me to, la to calatabey snich'an manchuc me mamalix”, xi'.

Bible in Tzeltal Bachajón

⁷ Soc la yal xan: ¿Mach'a lajuc yalbe te Abraham te ya me ya'be schu' alaletic te Sara? Pero la to calataybe snich'an te c'alal mamalix a, xchi ta yo'tan.

Génesis 21:7 Referans Kwoze

Isaías 66:8

¿Ay bal mach'a yaiyoj stojol ta alel te bila pajal soque? ¿Ay bal mach'a yiloj te pajal soque? ¿Ya bal x'ayin jun nación ta jun nax c'aal? ¿Ya bal xchicnaj jpam lum ta ora nax? Ja'uc me to, c'alal jajch' yaiybey xc'uxul te lum Sión te ya x'ayinixe, ta patil la yac' chicnajuc te yalataque.

2 Tesalonicenses 1:10

Te c'alal ya xtale, ya me x'ich'ot ta muc' ta yolil te mach'atic ch'ul lum yu'un te Diose, soc jelawen yutsilal sc'oplal ya xbajt' yu'un ta spisilic te jch'uunjeletic yu'une. Jich te ja'exe, tey me ayex uuc a, te melel la ach'uunbotic te c'op te tal caltic awaiyique.

Efesios 3:10

Jich c'otix ta pasel ta stojol te jch'uunjeletique, swenta yu'un spisil te mach'atic ay yu'elic soc te ay yat'elic ta ch'ulchan, ya me xc'o sna'beyic sba te sp'ijil te Diose.

Números 23:23

Tojol ya yich' boltesel sc'oplal ta controinel te Jacob; ma'yuc bila ya xju' yu'un ta stojol Israel te j'ac'-chameletique. Ta ora yo'tic ya sc'anix ya yich' albeyel te Israele: “¡Ma p'isbiluc jchajp señailetic spasoj Dios ta atojolic!” xi' me.

Salmos 86:10

Melel ja'at nax atuquel Diosat; ja'at muc'at, soc ya apas jchajp at'eliletic.

Salmos 86:8

Cajwal, ma'yuc yan dios jich te bit'il ja'ate; ma'yuc bi yan ya spaj te awat'ele.

Isaías 49:21

Jich wan ya awal ta awo'tan: “¿Mach'a la yac'bon te alaletique? Jo'on ma'yuc calatac, soc ma ba x'alajon. Q'uejel ic'bilon bael ta yan lum, q'uejel ayon. ¿Mach'a la xch'ijtes? Jtuquel yijq'uitayejonic jilel. ¿Banti talemic?” xaat me —xi'.

Génesis 17:17

Te Abraham la stinan sba coel c'alal ta lum ta stojol te Diose. Jajch' ta tse'ej yu'un, jich la yal ta yo'tan: “¿Ban c'an taluc xan snich'an te mach'a mamalixe, te ayix jo'winic (100) ya'wilale? Soc ¿bit'il c'an alajuc te Sara, te lajuneb yo'winic (90) ya'wilale?”, xi' ta yo'tan.

Génesis 18:13

Te Cajwaltic jich la yalbey te Abraham: —¿Bistuc tse'ej nax la yaiy te Sara, soc bistuc la yal: “¿Ya to bal caiybey xan yutsilal te ya x'alajon te bit'il me'elonixe?” te xie?

Génesis 21:8

Muc'ub te alal Isaac, jil xchu'. Pasbot sq'uin yu'un te Abraham te bi ora jil xchu' te Isaaque.

Jeremías 20:15

Mero ma me lecuc sc'oplal te mach'a la yac'bey yutsil yo'tan te jtate, te la yalbey yaiy te ayinemix te ch'in querem te snich'ane.

1 Reyes 3:21

C'alal sacub q'uinal, jajch'on ta yaq'uel xchu' te cale, la quil te lajemixe. La quil ta saquil q'uinal te ma ja'uc te cale —xi'.

1 Reyes 11:20

Te yermana Tahpenes la yac' yal-snich'an soc te Hadad, Genubat sbiil. Te Tahpenes la xch'ijtes tey nix ta sna faraón, pajal muc'ub soc te snich'nab faraón.