Génesis 21:4 - Bible in Tzeltal de Oxchuc y Tenejapa

⁴ Swaxaquebal c'aal yayinel a te Isaac te la yac'bey circuncisión te Abraham, jich bit'il albot mandal yu'un te Diose.

Bible in Tzeltal Bachajón

⁴ Ta swaxaquebal c'ahc'al yayinel a te Isaac la ya'be yich' circuncisión te Abraham, hich nix te bin ut'il pasot ta mandar yu'un Dios.

Génesis 21:4 Referans Kwoze

Hechos 7:8

Te Diose la spas trato soc te Abrahame te ja' seña c'ot te circuncisione. Jich te Abraham te c'alal ayin te snich'ane, ja' te Isaaque, ta swaxaquebal c'aal yayinel a te la yac'bey yich' te circuncisione. Jich uuc te Isaaque la yac'bey yich' circuncisión te snich'ane, ja' te Jacobe. Soc jich nix uuc te Jacobe la yac'bey yich' circuncisión te snich'nabe, ja' te lajchaytul antiguo tatiletic cu'untique.

San Lucas 2:21

Ta waxaquebal c'aal yayinel a te alale, la spasbeyic circuncisión ta sbaq'uetal. Jesús sbiil c'ot yu'unic, jich nix te bit'il albot yu'un ch'ul abat te María te c'alal ma to yic'ojuc a te alale.

San Lucas 1:59

Ta xwaxaquebal c'aal a tal yilic te ya yich' circuncisión ta sbaq'uetal te alale. C'an yac'beyic sjelolin te state, ja' te Zacariase.

San Lucas 1:6

Ta xchebalic lec yat'elic ta stojol te Diose, soc xch'uunejbeyic spisil smandal te Cajwaltique. Ma xwejt' ta leel te smulique.

Deuteronomio 12:32

“Pasaic me bael spisil ora ta spisil te bitic la calbeyex apasique. Ma me xawac'beyic xan sjoy, soc ma me xach'ayic ni junuc.

Levítico 12:3

Te alal ya me yich' circuncisión te c'alal ya sta waxaqueb c'aal yayinele.

Éxodo 12:48

Ja'uc me to, teme ay jyanlum winic nainem ta awolilique, teme ya sc'an spas te q'uin Pascua, te yu'un ya yich' ta muc' a te Cajwaltique, neel xawac'bey yich' circuncisión spisil winiquetic ta sna, jich me jun yo'tan ya xju' ya spas te q'uine, jich bit'il te mach'a mero israel-winique. Teme ma yich'ojuc circuncisión, ma me ayuc jich nax ya sti' te chambalame.