Génesis 21:33 - Bible in Tzeltal de Oxchuc y Tenejapa

³³ Te Abraham la sts'un jpejt' tamarisco-te' ta Beerseba, tey la sc'opon a te Cajwaltic Dios te stalel cuxul sbajt'el q'uinale.

Bible in Tzeltal Bachajón

³³ Te Abraham la sts'un jtehc' tamarisco ta Beerseba, tey la sc'opon a te Jehová Dios te stalel cuxul sbahtel q'uinal.

Génesis 21:33 Referans Kwoze

1 Timoteo 1:17

Jich yu'un, ac'a ich'otuc ta muc' te muc' Ajwalil sbajt'el q'uinal, te stalel cuxul stuquel, te ma chicanuc ta ilel, te ja' nax Dios stuquel, soc te ay yutsilal ta sbajt'el q'uinal stuquel. Jichuc.

Isaías 40:28

¿Yu'un bal ma x'ana'? ¿Ma bal awaiyojuc stojol? Te Cajwaltique, ja' te Dios te sbajt'el q'uinal aye, ja' te la xchicnantes spamal te balumilale, ma'yuc bay ya xcom yo'tan soc ma xlub; te bitic sna'oje, bajt' nax ta jyalel.

Salmos 90:2

Te c'alal ma to ayuc a te witstiquil, te c'alal ma to ayuc a te lumq'uinal soc spisil bitic ay, c'alal to ta mero namey soc ja' to c'alal ta patil bael, ja'at atalel Diosat atuquel.

Jeremías 10:10

Te Cajwaltique, ja' te Dios ta melele, Cuxul Dios stuquel, Muc' Ajwalil sbajt'el q'uinal. Te c'alal ya x'iline, ya xnijc' yu'un te lumq'uinale; te nacionetique ma xcujch' yu'un te yilimbae.

Romanos 16:26

Ja'uc me to, yac'ojix ta na'el stojol ta swenta te bila ts'ibubil jilel yu'un te j'alwanejetique. Yu'un jich smandal te Dios te stalel cuxul sbajt'el q'uinale. La yaq'uix ta na'el ta stojol spisil ants-winiquetic, swenta yu'un ya me yac' xch'uunjel yo'tanic ta stojol te Jesucristoe.

Génesis 12:8

C'ax xan bael te Abram, c'ot ta witstiquil ay ta stojol sloq'uib c'aal yu'un lum Betel. Tey la stejc'an snailpac' a, ay ta stojol smalib c'aal c'ot te Betel, ay ta stojol sloq'uib c'aal c'ot te Hai. Tey la spasbey yan scajtijib ta chiq'uel smajt'an a te Cajwaltique. La smilbey jcojt' chij ta stojol, jich la yalbey wocol a te Cajwaltique.

Génesis 4:26

Ayin snich'an te Set, Enós sbiil c'ot. Ja' yorail te caj yalbeyic wocol ta stojol Cajwaltic te ants-winiquetique.

Deuteronomio 33:27

Te Dios te sbajt'el q'uinal aye, ja' me anjibal awu'un stuquel; te yu'el sbajt'el q'uinal aye, ja' me awich'o-ip stuquel. La yac' anuc ta atojol te controe, soc ja'at la yalbat alajin ta jc'axel.

Romanos 1:20

Te c'alal la xchicnantes te balumilale, ja' ay ta na'el a te bit'il ay te Diose, manchuc teme ma chicanuc ta ilele. Ja' bi, ja' te bit'il sbajt'el q'uinal ay yu'ele soc te bit'il stalel Dios stuquele. Jich ma'yuc bila ya xju' ya smac sbaic ta c'op a.

Amós 8:14

Te mach'atic ya sc'oponic yajcananic ta Samaria, te mach'atic ya yalic: “Ac'a cuxinuc te dios awu'un, ja'at Dan”,te xie, soc: “Ac'a cuxinuc te diosetic yu'un Beerseba”, teme xiic xane, ya me xyalic, soc mero ma xjajch'iquix —xi' te Cajwaltique.

Isaías 57:15

Melel te Mach'a toyole, ja' te mach'a stalel cuxule, te Ch'ul Dios, xi' sbiil, jich ya yal: —Jo'on nainemon ta jun toyol awilal te ch'ultesbile; ja'uc me to, joinej te mach'a peq'uel soc te mach'a ay swocol ta mel-o'tane. Ya cac'bey sbujts' yo'tan soc ya xjam q'uinal yaiy.

Jueces 3:7

Te yat'el israeletic amen ta sit Cajwaltic, ja' te bit'il la yijq'uitay ta yo'tanic, soc jajch'ic ta xch'uunel te lotil dios Baal soc te antsil-dios Asera.

Deuteronomio 16:21

“Ma me xats'apic junuc sloc'omba Asera ta swenta yich'el ta muc', ma me xawaq'uic ta nopol scajtijib ta chiq'uel smajt'an te Cajwaltic te Dios cu'untique.

Génesis 26:33

Jich yu'un te Isaac la slebey sbiil te pozo, Seba sbiil c'ot yu'un. Ja' swentail te bit'il Beerseba sbiil c'oem te lum c'alal ora to.

Génesis 26:25

Jich yu'un te Isaac la spasbey scajtijib ta chiq'uel smajt'an Dios, la xchic'bey jcojt' chij tey a, soc la squejan sba ta stojol Dios. Tey la stejc'an snailpac' a, soc te abatetic yu'un la sjoq'uic jun pozo.

Génesis 26:23

Ta patil bajt' ta Beerseba te Isaac.

Hebreos 13:8

Te Jesucristoe stalel ay, ma xyanaj stuquel. Te bit'il ay te wojeye, ja' nanix jich ta ora to, soc ta sbajt'el q'uinal.

Génesis 21:32

Te bit'il ju'ix ta pasel trato ta Beerseba, jich a jajch'ic ta beel te Abimelec soc te Ficol te yabat te swentainejbey te soldadoetic yu'une. Sujt'ic bael ta bay sq'uinal te filisteoetique.

Éxodo 15:18

Te Cajwal sbajt'el q'uinal muc' ajwalil stuquel”, xiic ta c'ayoj.

Deuteronomio 32:40

Ya jtoy moel jc'ab ta ch'ulchan, jc'axel ya cal: Jtalel ayon sbajt'el q'uinal.

Salmos 93:2

Cajwal, ta xjajch'ibal to stalel ay yiptajib ta lec te amuc'ul nactijibe; te ja'at atalel ayat sbajt'el q'uinal.

Habacuc 1:12

La yal te Habacuc: —Cajwal, ¿yu'un bal ma'yucat ta sbajt'el q'uinal, ja'at te Ch'ul Diosat cu'un te mero ma xlajat atuquele? Cajwal soc jcanantaywanejat cu'un, ja'at la awac'bey yipic te caldeoetic swenta yu'un ja' ya yaq'uic castigo ta awenta.