Génesis 21:23 - Bible in Tzeltal de Oxchuc y Tenejapa

²³ Jich yu'un albon ta stojol Dios te bit'il spisil ora ma me xacontroinon, soc jnich'nab, soc te jts'umbal ta patil baele. Te bit'il la jc'uxtayat te ja'ate, ja' ni me jich ya ac'uxtayon soc spisil te mach'atic nainemic tey ta q'uinal te banti nainemate —xi'.

Bible in Tzeltal Bachajón

²³ Ha yu'un halbon ta jamal ta stojol Dios te mayuc bin ora yac acontrahinon soc jnich'nab soc te jts'umbal ta patil bahel. Hich te bin ut'il la jc'uxultayat te ha'ate, ha nix hich ya me ac'uxultayon soc te q'uinal te banti nahinemat ta ora ini, xchi.

Génesis 21:23 Referans Kwoze

Josué 2:12

Jich yu'un ya me calbeyex wocol yo'tic te yacuc awalbon ta stojol te Awajwalic te ya quich' c'uxtayel awu'unic jich nix bit'il la awich'ic c'uxtayel cu'un te ja'exe, te yacuc ac'uxtayon soc spisil mach'a ay yu'un te jtate. Ya jc'an te yacuc awac'bon señail te jichuc ya xc'ot ta pasel awu'unique.

Génesis 20:14

Jich yu'un te Abimelec la yic' tel bayal xchij soc bayal swacax, soc bayal abatetic yu'un, antsetic soc winiquetic. Spisil la yac'bey smajt'anin te Abraham, soc la sujt'esbey te yiname, ja' te Sara.

Hebreos 6:16

Jich bit'il te ants-winiquetique, teme ay bi bayal sc'oplal ta yo'tanic te bila ya yalique, ja' ya yac' ta testigo te mach'a cajal ay yu'unique. Swenta yu'un mero melel ya xc'ot te bila ya yale.

2 Corintios 1:23

Ja'uc me to, te bit'il ma to baemucon ta Corinto jich te bit'il nopbil cu'une, ja' me testigo cu'un te Diose, te scaj nax te ay ac'oplalic ta co'tan te ja'exe.

Jeremías 4:2

jich me ya xju' te ya atabon ta alel jbiil ta smelelil, ta stojil soc ta swenta bitic lequic ta pasele. Ta swenta jbiil ya me xc'ot bendición ta stojol te nacionetic, soc ya me yalbonic lec jc'oplal —xi' te Cajwaltique.

1 Samuel 30:15

Te David la sjojc'obey: —¿Ya bal ac'an ya awic'on bael tey c'alal ta banti ayic te jpoj-biluquetic ya awale? —xi'. La sjac' te egipcio-winic: —Teme ya awal ta jamal ta stojol Dios te ma ba ya amilone, soc teme ma ba ya awac'on ta sc'ab te cajwale, ya quic'at bael tey c'alal ta banti ayique —xi'.

1 Samuel 20:42

Swenta slajibal, te Jonatán la yalbey te David: —Lec ay, baan, jun awo'tan xbaat. Te bila jc'axel jchapojtic jchebaltic, ja' jchapojtic ta swenta te Cajwaltique. Jc'anojbeytic te yacuc swentainotic ta jchebaltic soc cal-jnich'an soc awal-anich'an ta cajalcaj ta sbajt'el q'uinal —xi'. Jich jajch' ta beel, bajt' te David. Te Jonatán sujt' bael ta lum stuquel.

1 Samuel 20:17

Pero te bit'il bayal c'ux ta yo'tan, jich te Jonatán la yalbey yaiy xan yan buelta te bi xchapojique, melel bayal c'ux ta yo'tan la yaiy David te Jonatán.

1 Samuel 20:13

Yan teme amen bi snopoj ya spasbat te jtate, ac'a me yac'bon buen tulan castigo te Cajwaltic teme ma ba ya calbate, soc teme ma ba ya jcoltayat swenta jun awo'tan ya xcolat baele. Ja' ac'a scoltayat te Cajwaltic, jich te bit'il coltayot yu'un te jtate.

Deuteronomio 6:13

Ch'uunaic me te Cajwaltic te Dios cu'untique, ja' nax me xawac' abaic ta abatinel yu'un stuquel. Teme ay bi ora ya ac'anic te ay bi jc'axel ya awalic ta jamale, ja' nax me xapasic ta swenta te Cajwaltique.

Génesis 31:53

Ja' me ya yilotic te Dios yu'un te amam Abraham soc te Dios yu'un te jmam Nacor —xi'. Jich la yal ta jamal te Jacob ta stojol te Dios te yich'oj ta muc' te state, ja' te Isaaque.

Génesis 31:44

Ja' lec ya jchajbantic ta jchebaltic nax, ya jpastic trato, ya cac'tic ta ilel seña —xi' soc te Jacob.

Génesis 26:28

Jich la sjaq'uic: —Yu'un quilojtic te bit'il ajoinej te Diose. Jich yu'un la caltic: “Conic, jpastic trato soc”, xootic tel,

Génesis 24:3

ya me awalbon ta stojol te Cajwaltic, te Dios yu'un ch'ulchan soc balumilal, te bit'il ma ba tey ya alebon yinam jnich'an te bay yantsil-nich'anic te cananeoetic te ayon ta yolilique.

Génesis 21:24

—Jichuc, jich ya cal ta stojol te Diose —xi' te Abrahame.

Génesis 47:31

La yal te mamal Israel: —Jamal me xawalbon ta stojol Dios —la yut. La yal ta jamal ta stojol Dios te José te jich ya spase. Jich yu'un te mamal Israel la stinan sba ta sjol swayib.

Génesis 39:3

Te yajwal la sna' stojol te joinbil yu'un Cajwaltic te José, jich yu'un lec a c'ot ta loq'uel ta spisil te bila la spase.