Génesis 21:22 - Bible in Tzeltal de Oxchuc y Tenejapa

²² Te Abraham jich ora tal ta c'oponel yu'un te Abimelec soc jtul yabat, Ficol sbiil, te swentainejbey te soldadoetic yu'une. Te Abimelec la yalbey te Abraham: —Jna'oj stojol te ya scoltayat Dios ta spisil te bitic ya apase.

Bible in Tzeltal Bachajón

²² Te Abraham ta hich ora tal ta c'oponel yu'un Abimelec soc Ficol, te jtsobaw yu'un soldadohetic yu'un, hich la yalbeyic: Dios sjoquinejat ta spisil te bintic yac apas.

Génesis 21:22 Referans Kwoze

Génesis 26:26

Te Abimelec loc' tel ta lum Gerar, tal yutsil-c'opon te Isaac. Tal soc te mach'a jun yo'tan sba soc, te Ahuzat sbiile, soc te Ficol te capitán yu'un te soldadoetic.

Josué 3:7

Te Cajwaltic la yalbey te Josué: —Yo'tic ya me cac' te ya xmuc'ub ac'oplal ta sitic te israeletique. Tey me ya yilic a te joinejat, jich bit'il la join te Moisese.

Génesis 26:28

Jich la sjaq'uic: —Yu'un quilojtic te bit'il ajoinej te Diose. Jich yu'un la caltic: “Conic, jpastic trato soc”, xootic tel,

Génesis 20:2

Tey la yal a te Abraham te ja' yijts'in te Sarae, ma ba la yal ta jamal te ja' yiname. Jich yu'un te muc' ajwalil yu'un Gerar, Abimelec sbiil, la sticun ta iq'uel te Sara, c'an yic' yinamin.

Hebreos 13:5

Ma me ja'uc xbajt' ta awo'tanic te c'ulejalile. Junuc me awo'tanic yu'un te bila ay awu'unique, melel jich yaloj te Diose: “Xujt' ma ba ya jpijt'esat soc ma ba ya quijq'uitayat”, te xie.

1 Corintios 14:25

Jich ya xchicnantesbot te bila muquen ay ta yo'tanique, soc jich me ya squejan sbaic ta yalel wocol ta stojol te Diose. Ya me yalic ta jamal te melel ja' Dios te ay ta awolilique.

Romanos 8:31

¿Bi ya caltic yu'un in to? Teme ja' ay ta jtojoltic te Diose, ¿ay bal mach'a ya xju' te ya scontroinotique?.

Isaías 8:10

Manchuc me chapal te ac'opique, ja'uc me to, ya me yich' ch'ayel ta jc'axel; manchuc me ya awal loq'uel te bila ya sc'an awo'tanic, ja'uc me to, ma xc'ot ta pasel awu'unic. Melel te jo'otique sjoinejotic Dios jtuqueltic.

Apocalipsis 3:9

Jich me ya cac' te ya xtal squejan sbaic ta atojol te mach'atic nainem ta yo'tanic te Satanase soc te mach'atic scuyoj sbaic ta judioe, ja'uc me to, ma ja'uquic, ja' nax jpas-lotetic. Jo'on me ya cac' taluc te ya squejan sbaic ta atojol, jich me ya sna'ic te bit'il c'uxat ta co'tane.

San Mateo 1:23

“Ay me jtul tec'tojom ach'ix te ya yic' alale. Ya x'ayin squerem-al, Emanuel ya xc'ot te sbiile”, te xie. Te bit'il Emanuel xi' te sbiile, “Sjoinejotic te Diose”, xi' c'oem.

Zacarías 8:23

Ta yorail, ay me lajuntul jyanlumetic te yantic sc'opic ya me sjijp'an sbaic ta sti'il sc'u' jtul judio, jich me ya yalbeyic: “Ya jc'an ya jt'unticat bael te ja'exe, melel la caiytiquix te ajoinejic te Diose”, xiic me —xi' te Cajwaltique.

Isaías 45:14

Te Cajwaltic ya yalbey te Israel: —Te mach'atic ya x'at'ejic ta q'uinal ta Egipto, te mach'atic jchonbajeletic ta Etiopía, soc te yajwal Sabá, te toyolic ta jyalele, ya me xtal yac' sbaic ta atojol. Abatetic me ya xc'ot awu'un; ayic me ta cadena ya st'unat bael. Ya me squejan sbaic soc ya me yalic wocol ta atojol: “Ta smelelil ay me ta awolilic te Diose, soc ma'yuc tsobol te Diose, ma'yuc yan”, xiic me ta yalel —xi' te Cajwaltique.

2 Crónicas 1:1

Te Salomón snich'an David la sta yip te yat'el ta muc' ajwalil te la yich' coltayel yu'un te Cajwaltique, mero c'ax muc'ub ta jyalel te yat'ele.

Génesis 30:27

La sjac' te Labán: —Teme c'uxon ta awo'tan, joinawon xan. Yu'un la quil ta swenta seña te bit'il ja'at ta awenta te yac'ojbon bendición te Cajwaltique.

Génesis 20:17

Jich yu'un te Abraham la sc'oponbey Dios, jich col te Abimelec, te yinam soc te criadaetique, alajic ta spisilic.

Génesis 28:15

Ya me joinat spisil ora, soc ya me jcanantayat bayuc ayucat, soc ya me quic'at sujt'el li' ta bay q'uinal to. Ma ba ya jpijt'esat, ja' to teme c'ot ta pasel cu'un spisil te bila calojbate —xi' sc'oplal yu'un.

Génesis 20:14

Jich yu'un te Abimelec la yic' tel bayal xchij soc bayal swacax, soc bayal abatetic yu'un, antsetic soc winiquetic. Spisil la yac'bey smajt'anin te Abraham, soc la sujt'esbey te yiname, ja' te Sara.

Génesis 31:5

La yalbey yaiyic te Jacob: —Ma jichuquix yo'tan cu'un ya quil te atatic te bit'il ta neelal toe. Ja'uc me to, sjoinejon te Dios yu'un te jtate.

1 Samuel 3:19

Te Samuel muc'ub, ja' la sjoin jujun c'aal te Cajwaltique. Spisil c'ot ta pasel yu'un, ma'yuc ch'ay baluc te sc'ope.

2 Samuel 24:7

Patil bajt'ic ta lum Tiro te joytabil ta ja' te wocol ta ochintayel, soc ta spisil te lumetic yu'un heveoetic soc te cananeoetique, ja' to c'otic ta loq'uel ta sur yu'un Judá, ta lum Beerseba.

1 Samuel 24:22

Te David la yalbey ta jamal te Saule. Patil sujt' bael ta sna te Saule. Ja' nix yorail bajt'ic ta anjibal ch'en a te David soc te swinictaque.