Génesis 21:2 - Bible in Tzeltal de Oxchuc y Tenejapa

² Jich la yic' yal te Sara, jich ayin snich'an te Abraham manchuc me mamalix. Jich ora ayin te alal te bit'il albot yu'un te Diose.

Bible in Tzeltal Bachajón

² Hahch yal te Sara, hich ayin snich'an Abraham te c'alal mamalix a, ha nix ta yorahil te halbot yu'un Dios.

Génesis 21:2 Referans Kwoze

Hebreos 11:11

Soc ta swenta xch'uunjel yo'tan te Sarae, te bit'il ma x'alaje ac'bot xan yip sbaq'uetal yu'un yiq'uel te yale, manchuc teme c'axemix yorail te bit'il ya x'alaje. Jich ayin yal, yu'un xch'uunej yo'tan te ya yac' c'otuc ta pasel Dios te bila yalojixe.

Gálatas 4:22

Melel jich ts'ibubil jilel tey a te ay cheb snich'nab te Abrahame. Te jtul snich'ane, ja' yal te scriadae. Te yane, ja' yal te yinam te ay ta libree.

Hechos 7:8

Te Diose la spas trato soc te Abrahame te ja' seña c'ot te circuncisione. Jich te Abraham te c'alal ayin te snich'ane, ja' te Isaaque, ta swaxaquebal c'aal yayinel a te la yac'bey yich' te circuncisione. Jich uuc te Isaaque la yac'bey yich' circuncisión te snich'ane, ja' te Jacobe. Soc jich nix uuc te Jacobe la yac'bey yich' circuncisión te snich'nabe, ja' te lajchaytul antiguo tatiletic cu'untique.

San Lucas 1:36

Soc ya calbat awaiy: Te achapomal Elisabet ay me yic'ojix yal manchuc teme me'elixe. Albil sc'oplal te xujt' ma x'alaje, ja'uc me to, swaquebalix u yic'bel te yale.

Génesis 18:14

Ma'yuc bi wocol ta pasel yu'un te Diose. C'alal ya sta yorail, ya me sujt'on tel ta atojol. Ja' me yorail ya x'ayin yal a te Sara —xi'.

Génesis 18:10

Albot yu'un te jtule: —Jamal ya calbat, ya to me xcha'talon xan quilat ta yan ja'wil. Ja' me yorail te ya x'alaj te Sara, ja' te awiname —xi'. Te Sara ay ta bay sti' nailpac' ta spatic, jich la yaiy stojol te bi la yich' alele.

Génesis 17:19

Ja'uc me to, la yal te Diose: —La calbat awaiy, ja' la calbat te ya me x'ayin yal te awinam Sara, Isaac sbiil ya xc'ot awu'un. Jc'axel ya jpas trato soc stuquel, swenta sbajt'el q'uinal soc te jayeb sts'umbale.

Génesis 17:21

Yan te Isaac jc'axel me ya jpas trato soc stuquel, ja' me te anich'an ya x'ayin ta swenta Sara ta yan ja'wil, jich ora te bit'il to —xi' sc'oplal yu'un.

Romanos 9:9

Melel te bila yaloj Dios ta stojol te Abrahame, ja' in to: “Jich me ora ya xtalon te bit'il to. Jich me ya x'ayin yal te Sarae”, te xi' sc'oplale.

Josué 24:3

La quic' Abraham, soc la cac' beenuc ta spamal sq'uinal Canaán. La cac' esmajuc,