Génesis 21:17 - Bible in Tzeltal de Oxchuc y Tenejapa

¹⁷ Ja'uc me to, Dios la yaiybey yoq'uel. Jich te ch'ul abat yu'un Dios la yawtay te Agar c'alal ta ch'ulchan: —¿Bi la apas, Agar? Ma xamel awo'tan, Dios la yaiybeyix sc'op te quereme.

Bible in Tzeltal Bachajón

¹⁷ Dios la ya'iybe yoq'uel te querem. Hich te ch'ul a'bat yu'un Dios la yawtay te Agar c'alal ta ch'ulchan: ¿Bin la apas, Agar? Ma xiwat, yu'un Dios a'iybotix te yoq'uel te querem te banti ay.

Génesis 21:17 Referans Kwoze

Génesis 16:11

Melel awic'ojix awal, soc ya me x'alajat. Te querem ya x'ayin, Ismael sbiil ya xc'ot awu'un, yu'un yaiyoj stojol te Cajwaltic te bit'il ay awocole.

Salmos 50:15

C'oponawon te c'alal ayat ta wocole; jo'on me ya jcoltayat, ja'at me ya awich'on ta muc'”, xi' te Cajwaltique.

Éxodo 3:7

Te Cajwaltic jich la yal xan: —Mero chican ta jsit te bit'il ay swocol te lum cu'un ta Egipto. La caiybeyix stojol sc'opic ta scaj uts'inel yu'un te jwolwanejetic yu'un te tulan at'ele. Jna'ojbey ta lec te swocolique.

Salmos 91:15

Te c'alal ya sc'oponon, ya me caiybey sc'op; C'alal ay swocol ya me xtalon ta sts'eel. Ya me cac' ta libre; ya me cac'bey yutsilal ta ich'el ta muc'.

San Marcos 5:36

Te Jesús la yaiy stojol te bi la yalique, soc jich la yalbey te jwolwanej yu'un te sinagogae: —Ma me xiwat. Ja' nax me xach'uunon —la yut.

San Mateo 15:32

Te Jesús la yic' tel te jnopojeletic yu'une. Jich la yalbey yaiyic: —Ya jna'bey yo'bolil sbaic in ants-winiquetic to, yu'un yoxebalix c'aal te sjoinejonic li'to, soc ma'yuc te swe'elique. Ma jc'an ya jticun bael ta snaic te bit'il ma'yuquix te swe'elique, teme repente ya xcom q'uinal yaiyic ta be —xi' te Jesuse.

Isaías 41:10

Ma me xiwat, joinejat me; ma me xnijc' awo'tan, melel jo'on te Dioson awu'une. Jo'on ya cac'bat awip, jo'on ya jcoltayat; ja' me jtsacojat ta jc'ab te jtsalwanejone.

Isaías 22:1

J'alwanej c'op ta swenta stenlej xatal q'uinal te banti ay bila ay ta ilele: ¿Bi ya apas te apisilic ya xmoex ta yamac'ul ta sba naetique?

Salmos 65:2

melel ya awaiy te jc'optique. Spisil mach'atic ayic ta balumilal ya xtalic ta atojol.

2 Reyes 13:23

Pero te Cajwaltic la sna'bey yo'bolil sbaic, soc tal xc'uxul ta yo'tan yu'un. Ta scaj te bi xchapoj soc Abraham, Isaac, Jacob te Cajwaltique, la sna' xan. Ma ba la sc'an slajin, soc ma ba la xch'ay ta yo'tan ta jc'axel. Jich nix ay yu'un Cajwaltic c'alal ora te Israel.

2 Reyes 13:4

Te Joacaz la sc'opon te Cajwaltique. Te Cajwaltic la yich'bey ta wenta te sc'op, melel la yil te bi la yut la yuts'in te israeletic te muc' ajwalil yu'un Siria.

1 Samuel 11:5

Ja' yorail yac ta julel ta at'el soc swacax a te Saule. La sjojc'o: —¿Bi la spas te jlumaltique? ¿Bi yu'un te yacalic ta oq'uele? —xi'. Te yajwal lum la yalbey yaiy te c'op tal yalic te winiquetic talemic ta Jabes.

Jueces 18:23

Te danetic la yaiybeyic stojol yaw te mach'atic yacalic ta nutsaw baele. Jich la sujt'es sitic, la sjojc'obeyic te Micaía: —¿Bi la apas? ¿Bistuc bayal ya awawtayotic? —xiic.

Éxodo 22:27

melel ja' nax me jlijc' te sc'u' te ya smuc sba yu'un a te sique. Teme ma jichuc ya apasbeye, ¿bila ya sc'u'in ta wayel? Jich yu'un teme ya sc'anbon coltayele, ya me jcoltay, melel jc'uxtaywanejon jtuquel.

Éxodo 22:23

Teme la awuts'inic, ya me sc'anbonic coltayel, jich yu'un ya me xboon ta scoltayel.

Éxodo 14:13

Te Moisés la sjac': —Ma me xiwex, junuc me awo'tanic. Ya me awilic yo'tic te bit'il ya scoltayotic te Cajwaltique. Ma me ayuc bi ora ya awilic xan te egipcioetic te ya awilic yo'tique.

Génesis 46:3

Albot yu'un te Diose: —Jo'on Dioson, Dioson yu'un te atate. Ma me x'axi' te ya xcoat bael ta Egipto, yu'un ya me cac' esmajan tey a, bayal me ta jmil ats'umbal ya xc'ot.

Génesis 16:9

Albot yu'un te ch'ul abat yu'un te Cajwaltique: —Sujt'an bael ta stojol awajwal, ch'uuna mandal ta stojol —la yut.

Génesis 15:1

Patil te Abram c'oponot yu'un Dios te chicnaj ta sit yilel, jich albot: —Ma xiwat, Abram, jo'on jcanantaywanejon awu'un, muc' me amajt'an ta bay nax c'alal —xi' sc'oplal.

Génesis 16:7

Taot yu'un te ch'ul abat yu'un Dios ta jochol taquin q'uinal, nopol ta sloq'uibja' ay ta sbelal Shur.

Génesis 22:11

Ja'uc me to, c'opoj te ch'ul abat yu'un te Cajwaltic ta ch'ulchan: —¡Abraham! ¡Abraham! —xi' sc'oplal. La sjac' te Abraham: —Li' ayon to, Cajwal —xi'.

Génesis 24:7

Melel te Cajwaltic Dios te ay ta ch'ulchan, te la yic'on loq'uel tel ta sna te jtat ta jlumal soc ta slumal te quermanotaque, ja' la sc'oponon, jich la yalbon: “Ya cac'bat soc ats'umbal in q'uinal to”, te la yutone. Ja' me ya sneeltes bael ch'ul abat yu'un te bit'il tey ya xc'o alebey yinam a te jnich'ane.

Génesis 26:24

C'alal c'ot ta Beerseba, Dios la yac' sba ta ilel ta ajc'ubal ta stojol, jich la yalbey: —Jo'on Dioson yu'un te atat Abraham. Ma me xiwat, joinejat spisil ora. Ta swenta bit'il c'ux ta co'tan te cabat Abraham, ya me cac'bat bendición, ya me cac' esmajuc ats'umbal —xi'.

Éxodo 3:2

Tey chicnaj ta stojol a te ch'ul abat yu'un te Cajwaltique, yac ta tilel c'ajc' ta yolil jpejt' ch'ix. La yil Moisés te yac ta tilel te ch'ixe; ja'uc me to, ma xlaj ta c'ajq'uel la yil.

Deuteronomio 26:7

Ja' yu'un te Cajwaltic te Dios yu'un te jme'-jtatique, la jc'antic coltayel ta stojol. La yaiybotic te jc'optic te la calbeytic wocole, soc la yilbotic te jme'bailtic, soc te at'el, te uts'inel te ay jwocoltic yu'une.

Salmos 6:8

¡Q'ueja abaic ta jtojol, ja'ex te amen awat'elique! Te Cajwal la yaiybonix te coq'uele.

Génesis 16:8

Albot yu'un: —Ja'at Agar, te scriadaat Sarai, ¿banti talemat, soc banti ya xbaat? —utot yu'un. —Anel yacon ta stojol te Sarai, ja' te cajwale —xi' te Agar.

Salmos 10:14

Ja'at awiloj atuquel te slab yo'tanic te bit'il amenique; ja'at awiloj soc ya awac'bey stoj. Ja'at ya awic' ta atojol te mach'atic ma sna' scoltaybel sbaique; ja'at jcoltaywanejat yu'un te me'ba alaletique.