Génesis 21:14 - Bible in Tzeltal de Oxchuc y Tenejapa

¹⁴ Ta buen sab jajch' te Abrahame. La yich' tel we'elil, soc jun yawil ja' nojel ta ya'lel te pasbil ta nujc'ul, la yac'bey xcuch bael te Agare. Soc la yac'bey ta sc'ab te yale, la sticun bael soc. Jich a bajt' te Agar, loc' bael ta melmonel ta jochol taquin q'uinal ta nopol Beerseba.

Bible in Tzeltal Bachajón

¹⁴ Hich buen sab hahch te Abraham, la yich' tal pan soc jun nuhcul yawil ha', la ya'be sq'uech bahel te Agar, soc la ya'be te yal, la sticon bahel soc. Hich loc' bahel, melmonel ta behel ta jochol taquin q'uinal Beerseba.

Génesis 21:14 Referans Kwoze

San Juan 8:35

Te mach'a ay ta mosoile, ma'yuc sna stuquel. Yan te mach'a ja' snich'an te yajwal nae, stalel ay sna stuquel.

Eclesiastés 9:10

Spisil te bi ya xju' awu'un spasele, pasa me. Jun me awo'tan xapas, melel ta muquenal te banti quechel ya xbaate, ma'yuc bi ya xju'ix ta pasel tey a, soc ma'yuquix bi ay ta na'el, ma'yuquix bi ay ta nopel, soc ni ayuc xan swentail tey a te p'ijil c'ope.

Proverbios 27:14

Teme ya apatbey yo'tan ta aw te apat-axujc' te ijc' to a te q'uinale, jich ya xc'ot ta yo'tan te bit'il yacat ta yixtac'optayele.

Salmos 119:60

Cac'ojix puersa, ma ba ya xch'ajubon ta spasel te mandaliletic awu'une.

Salmos 107:4

Ch'ayemic ta beel ta ji'ileltic ta jochol taquin q'uinal a, ma ba la stabeyic sbelal ni junuc lum te banti ya xju' ya xnainique.

1 Reyes 19:3

Elías la yaiy te nopol ya xlajix ta milele. Swenta yu'un jich ma xlajinbot xcuxlejal a, bajt' ta lum Beerseba te ay ta sq'uinal Judá. Tey la yijq'uitay a te yabate.

Génesis 26:31

Sab jajch'ic, la yalic ta stojol Dios te bit'il jc'axel c'ux ya yaiy sbaique. Jich la sc'oponic xan jilel te Isaac, jun yo'tan bajt'ic.

Génesis 25:6

Yan te yalatac te yan antsetic la yic' yinamin te Abraham, ja' nax la yac'bey smajt'anic stuquelic, jich la sticun bael ta stojol sloq'uib c'aal te c'alal cuxul to a. Ma la yac' sjoin sba soc Isaac te yantic snich'nabe.

Génesis 21:31

Jich yu'un Beerseba sbiil c'ot te q'uinal te banti ay te pozo, yu'un tey pastaj te trato yu'unic ta xchebalique.

Génesis 16:7

Taot yu'un te ch'ul abat yu'un Dios ta jochol taquin q'uinal, nopol ta sloq'uibja' ay ta sbelal Shur.

Isaías 16:8

Te ts'usubiltic yu'un Hesbón soc yu'un Sibma, bolobix ta lubajel yabenal, la yich' c'asel yu'un te ajwaliletic yu'un te nacionetique. Te sc'abc'abe c'otic c'alal ta Jazer, la spuc sbaic bael c'alal ta jochol taquin q'uinal soc ja' to la staic jejch' mar.

Génesis 46:1

Jich a loc' bael te mamal Israel, soc la yich' bael spisil sbiluc. C'ot ta lum Beerseba sbiil, tey c'o yac'bey smajt'an a te Dios yu'un te state, ja' te Isaaque.

Génesis 37:15

Ay jtul winic la sta sba soc te José te bit'il jowejem ta be. Jojc'obot yu'un te winique: —¿Bi ya ale? —xi' sc'oplal yu'un.

Génesis 26:33

Jich yu'un te Isaac la slebey sbiil te pozo, Seba sbiil c'ot yu'un. Ja' swentail te bit'il Beerseba sbiil c'oem te lum c'alal ora to.

Génesis 24:54

Patil och ta we'el te winic soc te mach'a jayeb sjoinej tel, ta patil bajt'ic ta wayel. C'alal jajch'ic, la yal te winique: —Ya me awac'oniquix sujt'el bael ta sna te cajwale —xi'.

Génesis 22:19

Jich yu'un te Abraham sujt' bael ta bay jilem te abatetic yu'une. Jajch'ic ta beel, jich la sjoin sbaic bael, bajt'ic ta Beerseba, tey nain a te Abrahame.

Génesis 22:3

Jich yu'un te Abraham buen sab a jajch' ta yan c'aal, la xchajban sburro. La yic' bael te snich'ane, ja' te Isaac, soc la sjoin bael cheb abatetic yu'un. La xch'uybey bael si'il te milbil smajt'an te Diose. Jajch'ic ta beel, bajt' ta banti albot yu'un te Diose.

Génesis 21:33

Te Abraham la sts'un jpejt' tamarisco-te' ta Beerseba, tey la sc'opon a te Cajwaltic Dios te stalel cuxul sbajt'el q'uinale.

Génesis 19:27

Ta yan c'aal ta buen sab bajt' te Abraham ta bay la sc'opon te Cajwaltique.

Génesis 21:13

Te yal te acriadae, muc'ul lum ya xc'ot uuc, te melel ja'at nix anich'an —xi' sc'oplal yu'un te Diose.

Génesis 21:15

C'alal laj ya'lel te nujc'ule, la yijq'uitay jilel te squerem-al ta yaxinal ch'in te'.

Proverbios 27:8

Jich bit'il ja'mal mut te q'uejel yijq'uitayej jilel te specheche, ja' nix jich te mach'a c'ubul ay ta beel te yijq'uitayej jilel te slumale.

Génesis 28:18

C'alal sacub q'uinal, jajch' te Jacob. Te ton la sts'anjolin, la stejc'an tey a swenta señail soc la xch'ultes, la smal ta aceite, melel tey c'oponot yu'un a te Diose.

Josué 3:1

Ta yan c'aal ta buen sab te Josué soc spisil israeletic loq'uic bael ta Sitim, c'otic ta muc'ja' Jordán, tey c'o spas scampamentoic a.

1 Samuel 15:12

C'alal sacub, ta buen sab ba sta te Saúl, pero albot te ma ba tey ay a, baem laj ta Carmel. Tey laj baem ta stejc'anel muc'ul ton swenta seña sna'ojibal yat'el, soc sujt' lajix bael ta Gilgal.

2 Crónicas 29:20

Te muc' ajwalil Ezequías jajch' ta buen sab, la stsob spisil te jtsobwanejetic yu'un te lume, bajt'ic ta templo yu'un te Cajwaltique.