Génesis 21:10 - Bible in Tzeltal de Oxchuc y Tenejapa

¹⁰ Te Sara jich la yalbey te Abraham: —Tena loq'uel te ants soc te yale, ac'a bajt'uc. Ma me xju' te pajal ya yich'bat jilel abiluc soc te cal Isaac te yal jcriada —la yut.

Bible in Tzeltal Bachajón

¹⁰ Ha yu'un la yalbe te Abraham: Tena loq'uel soc yal te criada ini, yu'un ma xhu' te pajal ya yich'bat hilel abiluc soc te cal Isaac, la yut.

Génesis 21:10 Referans Kwoze

San Juan 8:35

Te mach'a ay ta mosoile, ma'yuc sna stuquel. Yan te mach'a ja' snich'an te yajwal nae, stalel ay sna stuquel.

1 Juan 2:19

Ja' nix te mach'a loq'uic bael ta coliltique. Ja'uc me to, yu'un nanix ma junuc ayotic soc a. Te yu'unuc junuc ayucotic soque, jc'axel jun ayotic soc te jichuque. Ja'uc me to, te bit'il loq'uic baele, yu'un tey me ya xchicnaj ta jamal a te ma jpisilticuc te jun ayotique.

1 Pedro 1:4

Jich me ya yac'beyex awu'uninic te bila q'uejbil ta ch'ulchan yu'un te Diose. Ma sna' xjin, soc ma sna' sts'ilaj, soc ma sna' xlaj yutsilal te bila ya yac'beyexe.

Gálatas 4:7

Jich yu'un ma'yuquexix ta mosoil, yal-snich'anexix Dios uuc te ja'exe. In te bit'il yal-snich'anex te Diose, jich ta swenta Cristo ya me yac'beyex awich'ic te bila yalojbey sc'oplale.

Gálatas 3:18

Jich yu'un teme ta swenta mandalil te ay bendicione, jich ma ja'uquix ta swenta te bila la yal Dios ta stojol te Abrahame. Ja'uc me to, te Abraham ac'bot bendición yu'un Dios ta swenta nax te bit'il jich albot yu'une.

San Mateo 22:13

“Te muc' ajwalile la yalbey te abatetique: “Chucbeya sc'ab yacan. Ch'oja bael ta q'uejel ta ijc' q'uinal ta banti ya xc'o yoq'uetay sba soc tey ya xc'o sjets'ulay ye a”, la yut.

Génesis 25:19

Yan te Isaac te snich'an Abraham, jich ay sc'oplal stuquel.

Génesis 25:6

Yan te yalatac te yan antsetic la yic' yinamin te Abraham, ja' nax la yac'bey smajt'anic stuquelic, jich la sticun bael ta stojol sloq'uib c'aal te c'alal cuxul to a. Ma la yac' sjoin sba soc Isaac te yantic snich'nabe.

Génesis 22:10

La stsac ta sc'ab te scuchillo, c'an slow a te snich'ane.

Génesis 20:11

La sjac' te Abraham: —La cal ta co'tan te ma'yuquex ta xi'el te Diose. “Ya me smilonic ta scaj quinam”, xoon ta snopel.

Génesis 17:21

Yan te Isaac jc'axel me ya jpas trato soc stuquel, ja' me te anich'an ya x'ayin ta swenta Sara ta yan ja'wil, jich ora te bit'il to —xi' sc'oplal yu'un.

Génesis 17:19

Ja'uc me to, la yal te Diose: —La calbat awaiy, ja' la calbat te ya me x'ayin yal te awinam Sara, Isaac sbiil ya xc'ot awu'un. Jc'axel ya jpas trato soc stuquel, swenta sbajt'el q'uinal soc te jayeb sts'umbale.

Proverbios 22:10

Teme ya yich' loq'uesel te jach-c'ope, ya xch'ay bael te c'opetique, soc ya xlaj bael te toybaile.

Jueces 11:2

Te yinam Galaad ay yantic yalatac. Te c'alal muc'ubic, la stenic loq'uel ta sna te Jefté. La yalbeyic te ma'yuc ta swenta sna stat, ta scaj te yal te yan antse.