Génesis 20:7 - Bible in Tzeltal de Oxchuc y Tenejapa

⁷ Jich yu'un ticuna sujt'el ta stojol smamlal te antse, te melel j'alwanej cu'un te Abrahame. Ya me xc'opoj awu'un ta jtojol, jich me ya xcuxinat. Yan teme ma x'aticun sujt'ele, jc'axel ya xlajat soc spisil mach'a ay awu'un —xi' sc'oplal yu'un te Diose.

Bible in Tzeltal Bachajón

⁷ Ha yu'un ticona bahel te ants ta stojol te smamalal, como ha jalwanej, ya xc'opoj awu'un ta jtojol scuenta yu'un cuxul ya xhilat. Yan teme ma ba yac aticon bahel, na'a me te ya xlajat soc spisil mach'atic ay awu'un, xchi.

Génesis 20:7 Referans Kwoze

Job 42:8

Yo'tic ya me atsaquic juqueb toroetic soc juqueb tat chijetic. Baanic ta stojol te cabat Job, ac'aic ta scojt'ol chic'bil majt'anil ta jtojol yu'un awu'unic ja'ex. Te cabat Job ya me sc'oponon ta awentaic, ya me quich'bey ta wenta te sc'ope, jich ma'yuc bila amen ya cac' c'otuc ta atojolic, manchuc me jich ya sc'an pasel ta atojolic te jichuque, melel ma ja'uc la awalic te bila smelelil jc'oplale, jich te bit'il la spas stuquel te cabat Job —xi'.

1 Samuel 7:5

Patil te Samuel la yal mandal: —Ya me jtsob jbajtic te jayeb israelotic ta Mizpa, yu'un ya me jc'oponbeyex Dios tey a —xi'.

Hebreos 13:4

Ich'biluc me ta muc' awu'unic te nujbinele. Ma me xacapic ta mulwej te bit'il awic'oj abaique, melel Dios ya yac'bey castigo te mach'a ya xyal ta mulile soc te ya yaiy mulweje.

2 Samuel 24:17

C'alal la yil David te ch'ul abat te yac smilel ta chamel te yajwal lume, jich la yalbey te Cajwaltic: —Jo'on te jtaoj jmule. Jo'on te ay bi amen jpasoje. ¿Pero bi spasojic te jlumale? Melel ma'yuc smul stuquelic. Ya calbat wocol te jo'ucon ya xc'ot ta jwenta soc mach'atic ay cu'un te castigo awu'une —xi'.

1 Crónicas 16:22

‘Ma me bi xawalbeyic te mach'atic tsabil cu'une, ma me xawuts'inic te j'alwanejetic cu'une’, la yut.

2 Reyes 5:11

Te Naamán ilin bael, jich yac ta yalel bael: —La cal yu'un ya xloc' staon, soc yacuc stejc'an sba ta jts'eel, yacuc sc'opon te Yajwal te Dios yu'une, soc te yacuc scajan sc'ab ta banti ay te jchamele, te jich ya xlecubone.

1 Juan 5:16

Teme ay mach'a la yil te yac ta sleel smul te yermanoe, teme ma ja'uc swenta lajel te smule, ac'a sc'oponbey Dios. Jich te Diose ya me yac' cuxinuc, teme yu'un nanix ma swentauc lajel te smule. Yu'un ay mulil te ya yac'otic ta lajele. In to, ma xcal te ya yich' c'oponel Dios yu'une.

Hebreos 1:1

Ta namey q'uinal Dios la sc'opon te namey q'uinal jme'-jtatic ta swenta te j'alwanejetic yu'une. Ma junuc nax buelta te la sc'opone, soc yanyan te bit'il la sc'opone.

1 Corintios 14:4

Te mach'a ya xc'opoj ta yan c'opile, stuquel nax ya sta yip yo'tan a. Yan te mach'a ya yaiy j'alwaneje, ja' ya sta yip yo'tanic a spisil te jch'uunjeletique.

Ezequiel 33:8

Repente ya cal te ya xlaj jtul te mach'a amen yo'tane. Teme ma ba ya awalbey yaiy te yacuc sujt'es yo'tan yu'un te smule, soc teme ma ba ya sujt'es yo'tane, te mach'a amen yo'tan ya me xlaj yu'un te smule. Pero te ja'ate ya me cac'bat amulin te bit'il ya xlaj te mach'a amen yo'tane.

Ezequiel 3:18

Teme repente ay ya calbey sc'oplal yu'un ya xlaj jtul mach'a amen yo'tan, pero teme ma ba ya ac'opone soc teme ma ba ya awalbey yaiy te ya yijq'uitay te amen yat'ele swenta jich ya xju' ya xcuxin xane, ya me xlaj yu'un te smule, pero ja'at me ya quich'at ta c'op yu'un.

Jeremías 27:18

Teme smelelil te ja' j'alwanejetic soc teme smelelil c'opojonix te jo'one, c'anbonic ta jtojol jo'on te Ajwalilon te Spisil ya xju' cu'une, te ma me xcac' bael ta Babilonia te sbiluquil templo te ay to jileme, soc ta bay spalacio te muc' ajwalil ta Judá, soc ta bay Jerusalén”, xi' te Cajwaltic —xoon.

Jeremías 15:1

Te Cajwaltic la yalbon: —Manchuc me ya xtal stejc'an sbaic ta jtojol li'to te Moisés soc Samuel, te jo'one ma ja'uc ya jna'bey yo'bolil sba yu'un a te lume. Albeya, ac'a loc'uc bael ta jtojol, ac'a bajt'uquic.

Jeremías 14:11

Te Cajwaltic la yalbon: —Ma me xawalbon wocol ta sc'anel yutsilal in lum to.

Salmos 25:14

Te Cajwaltic ja' me sjoy te mach'a ya yich' ta muq'ue, soc ya me yac'bey sna' stojol te trato yu'une.

Job 34:19

Te Dios ma yanuc sc'oplal yu'un a te mach'atic ochemic ta ajwalil, ma ja'uc toyol sc'oplal yu'un te mach'atic ay sc'ulejalique, soc ma ja'uc peq'uel sc'oplal yu'un te mach'atic ma'yuc sc'ulejalique, melel ja' la spas ta spisilic stuquel.

1 Reyes 13:6

Ja' yu'un te muc' ajwalil la sc'opon te j'alwanej yu'un Dios, jich la yalbey: —Wocoluc c'oponbon te Dios awu'une, swenta yu'un ya me xlecub a te jc'abe —xi'. Te j'alwanej yu'un Dios la sc'oponbey te Diose. Te sc'ab te muc' ajwalil lecub, jich nix c'ot te bit'il ay ta neelal toe.

1 Samuel 12:23

Jich te jo'one, ac'a me scoltayon te Cajwaltic te manchuc ya jquejch'an yalel wocol ta stojol ta awentaique, melel teme jich ya jpase, ja' me jmul ta stojol te Cajwaltique. Ja' lec ya me cac'beyex anopic bit'il ya sc'an ya awac' abaic, soc te bit'il mero toj ya x'ainexe.

1 Samuel 12:19

Ja' yu'un, jich la yalbeyic te Samuel: —Albeya wocol te Cajwaltic te Dios awu'un, te manchuc ya xlajotic jo'otic te abatotic awu'un, melel bayal jmultic ta jpisiltic, soc ja' jmultic xan te la jc'antic muc' ajwalil cu'untique —xiic.

1 Samuel 7:8

Jich la yalbeyic te Samuel: —Ma me x'acom aba ta sc'oponel te Cajwaltic te Dios cu'untique, c'opona me Dios ta jtojoltic, swenta yu'un ma ba ya x'ochotic ta sc'ab te filisteoetique —la yutic.

Levítico 6:7

Te sacerdote jich me ya stabey perdón yu'un Cajwaltic ta swenta te bila mulil te la spas te mach'a la sta falta, jich me pasbil perdón ya xjil yu'un te smule —xi' te Cajwaltique.

Levítico 6:4

jich yu'un ya me xjil ta swenta te mulile. Ya me sujt'es te bi la yelc'an, o teme ay mach'a la suj ta yaq'uel ta puersa, o teme la slo'lay, o teme ja' te biluc ch'ayemix a la sta,

Éxodo 18:17

Jich yu'un te snialmamal te Moisés la yal: —Ma lecuc te bila ya apase,

Éxodo 7:1

Jich yu'un te Cajwaltic la yalbey xan te Moisés: —Ya calbat, jich me ya xc'oat cu'un te bit'ilon ta stojol faraón. Te abanquil Aarón jich me ya xc'ot awu'un te bit'il j'alwanej ta sc'asesel te ac'ope.

Éxodo 4:16

Ja' me ya sc'asesbat ac'op ta stojol te lume. Te ja'ate ya xc'opojat loq'uel ta ye c'oem, jich me c'oemat te bit'il te Diose.

Génesis 20:18

Melel te Cajwaltic ma la yac' alajuc te antsetic te ayic ta sna Abimelec ta scaj Sara te yinam Abraham.

Génesis 12:17

Ja'uc me to, te Cajwaltic la yac'bey buen tulan castigo te faraón yu'un te antse. Ac'bot chamel soc ta sjunal sna ta scaj Sarai te yinam Abram.

Génesis 12:15

Te sjo'tac ta at'el te faraón la yilic te Sarai, buen lec c'ot sc'oplal yu'unic ta stojol te faraón, te muc' ajwalil yu'un Egipto. Jich ic'ot bael ta sna faraón te antse.

Génesis 2:17

ja' nax te te' swenta sna'el te bila lec soc te bila ma lecuque, ma me xalo'bey sit stuquel, melel teme ya alo'bey te site, ya me xlajat yu'un —xi'.

Hechos 8:24

La yal te Simone: —C'oponbonic me Cajwaltic ta jtojol te ja'exe, swenta yu'un ma me xc'ot ta jwenta te bila la awalique —xi'.

Génesis 20:3

Ja'uc me to, ta ajc'ubal c'oponot yu'un Dios ta swaich te Abimelec, jich albot: —Ya me xlajat ta ora ta scaj te ants te c'an awiq'ue, te melel ayix smamlal —xi'.

Génesis 20:8

Jich yu'un sab jajch' te Abimelec, la sticun ta iq'uel te abatetic yu'une, la xcholbey yaiyic spisil. Bayal xiw yo'tanic yu'un te abatetique.

Génesis 23:6

—Tatic, aiybon awaiy te bila ya calbat: Bayal ayat ta ich'el ta muc' cu'untic, chican banti ya amulan ya amuc ta muquenal cu'untic te mach'a lajem awu'une. Ma'yuc mach'a bi ya yalbat yu'un —xiic.

2 Crónicas 30:18

Ay muc' yajtalul c'ot ta loq'uel te sts'umbal Efraín, Manasés, Isacar soc Zabulón te la stsaquic uuc te we'elil yu'un Pascua, pero ma ba spasoj te bit'il ts'ibubil sc'oplale, ma ba xchajbanej sbaic ta stojol Dios. Ja'uc me to, te Ezequías la sc'oponbey Dios ta stojolic, jich la yal: —Cajwal, te mero lec awo'tan atuquele, pasbeya perdón te mach'atic jun yo'tan ya sna'ate,