Génesis 20:6 - Bible in Tzeltal de Oxchuc y Tenejapa

⁶ Albot xan ta swaich yu'un te Diose: —Jna'oj stojol te ma'yuc bila amen anopoj ta awo'tan te bit'il jich c'an apase. Jich ma la cac'bat ale amul ta jtojol, ma ba la cac'bat apic.

Bible in Tzeltal Bachajón

⁶ Hich halbot ta swayich yu'un te Diose: Ya jna' te jun awo'tan la apas ini. Ha yu'un la jcomat ta slehel mulil ta jtojol, ha scuentahil te ma ba la jca'bat apic.

Génesis 20:6 Referans Kwoze

1 Samuel 25:34

Ya calbat ta jamal ta stojol Cajwaltic te Dios yu'un te jlumaltic Israel te la scoltayat ta jc'abe, te manchuc la asuj tel aba atabelone, pajel ma'yuc cuxulix jtuluc swinic Nabal te jichuque —xi'.

1 Samuel 25:26

Pero ja' nix te Cajwaltic te la scomat ta smalel ch'ich'e, soc te ma ba la yac'bat te ja'at nix ya asutbey spacole. Te bi ya xc'ot ta swenta te Nabal, te jichuc ya xc'ot ta swenta spisil acontro soc spisil mach'atic ya slebat awocol.

Proverbios 21:1

Ay ta sc'ab Cajwaltic te yo'tan te muc' ajwalile, jich me toj ya xbeen te bit'il muc'ja', jich te bit'il ya sc'an yo'tan te Cajwaltique.

Génesis 35:5

Jajch'ic ta beel. Te jaychajp lum ta banti ayique, ma ba nutsotic yu'un, melel ac'bot xiwel ta yo'tanic yu'un Dios, jich ma ba nutsotic.

Génesis 31:7

Ja'uc me to, bayal slo'layejon, c'ax bayal buelta la sujt'es sc'op, pero te Diose ma la yac'on ta uts'inel yu'un.

2 Tesalonicenses 2:7

Melel muquen yaquix ta at'el te mulile. Ja' xanix ma to ya yich' loq'uesel bael te mach'a ay ta comawe.

Salmos 84:11

Melel te Diose, te Cajwaltique, ya yac'otic ta saquil q'uinal, soc ja' jmajq'uiltic stuquel. Te Cajwaltic c'ux ta yo'tan ya yaiy te mach'atic toj bitic ya spasic ta q'uinale, soc ya yich' ta wenta stuquel. Ma me ayuc bila ma x'ac'botic, melel spisil te bitic leque ya me x'ac'botic stuquelic.

Éxodo 34:24

Jo'on me ya jin loq'uel ta atojolic te lumetique. Ya me jmuc'tesbeyex te aq'uinalique. Ma'yuc mach'a ya snop te ya yu'uninbeyex aq'uinalic te c'alal ya xtal atejc'an abaic ta jtojol oxeb buelta te jujun ja'wile.

2 Corintios 6:17

Ja' swentail te jich la yal xane: “Loc'anic me tel ta yolilic, parte me xawac' abaic, xi' te Cajwaltique. Ma me x'atsaquic te bila ilaybile. Jich me jun nax co'tan ya quiq'uex ta jtojol.

Salmos 81:12

Ja' yu'un la cac' te ja' nix la spasic te bila swenta toybail; soc jich ainic ta spisil ora te bit'il la smulan te yo'tanique.

Salmos 51:4

Ja'at nax te jtaoj jmul ta atojole, ja'at nax atuquel, melel jo'on la jpas te bila amen, te ya awac' castigo yu'une. Ja' yu'un te castigo ya awac'bone, stojil ay stuquel, ma'yuc ta ch'ayel te bila chapal awu'un atuquele.

Génesis 39:9

Ma'yuc xan yan cajal a te bit'ilone. Te cajwal ma'yuc bi ma yac'ojbon ta jwenta, ja' nax te bit'il yinamat te ja'ate. Ma xju' te ya jpastic jich. ¿Ma bal yacuc jta jmul ta stojol cajwal teme jich ya jpase? Soc ya me jta jmul ta stojol Dios —xi'.

Génesis 20:18

Melel te Cajwaltic ma la yac' alajuc te antsetic te ayic ta sna Abimelec ta scaj Sara te yinam Abraham.

2 Tesalonicenses 2:11

Ja' swentail te Diose ya me sticunbey tulan boltesel ta yo'tanic. Yu'un jich me ya xch'uunic te lotil c'ope,

1 Corintios 7:1

Ta ora to, ya me jpasbeyex sujt'ib te bila la ajojc'obonic ta cartae: Lec teme ma sle yinam te winiquetique.

Levítico 6:2

—Teme ay mach'a la sta smul, teme yu'un ya sc'an slo'layon jo'on te Ajwalilone, scaj te la slo'lay te spat-xujq'ue, teme ay bi la yich'bey ta majanel, o teme ay bi la sq'uejbey, o teme ay bi la yelc'anbey, o teme la yuts'in,

Génesis 26:11

Jich yu'un te Abimelec la yalbey tulan mandal spisil te lume: —Ma me ayuc mach'a ya yuts'in te winic soc te yiname. Teme ay mach'a jich ya spase, ya me x'ac'ot ta lajel ta ora —xi'.

Génesis 3:3

ja' nax te sit te' te ay ta yolil awalts'unubile, yalojbotic te Diose: “Ma me xalo'bey sit stuquel, soc ma me x'apicbey sit stuquel, ya me xlajat yu'un”, xi' te Diose —la yut.

San Mateo 27:19

Te bit'il nacal ta bay chajbajibal te Pilatoe, la sticun tel aiyej te yiname te manchuc ya yac' sba a, te melel ma'yuc smul te winique. “Yu'un c'ax jwocol ta swaichinel ta ajc'ubal”, xi' tel te sc'ope.

Génesis 31:24

Ta ajc'ubal c'oponot yu'un Dios ta swaich te Labán, ja' te arameo-winique, te tey ya xc'o staix a te Jacob. Jich albot yu'un te Diose: —Tsajtaya me aba, ma me amenuc te bila ya xc'o awalbey te Jacob —xi' sc'oplal.

Proverbios 6:29

Te mach'a ya slo'lay sba soc yan ants, ma xju' te libre ya xloq'ue.