Génesis 20:5 - Bible in Tzeltal de Oxchuc y Tenejapa

⁵ Melel la yalbon te Abraham te ja' yijts'in te antse, soc jich nix la yal te ants te ja' sbanquil ta sc'ope. Jich yu'un jun co'tan, ma'yuc mulil ta co'tan te c'an quiq'ue —xi'.

Bible in Tzeltal Bachajón

⁵ ¿Ma bal lajuc yalbon te ha yihts'in te ants, soc te laj yalbon te ants te ha sbanquil? Ha yu'un jun co'tan soc mayuc mulil ta jc'ab a la jpas ini, xchi.

Génesis 20:5 Referans Kwoze

Salmos 7:8

Cajwal, ja'at ya awalbey teme lec yat'elic spisil ta jchajp ants-winiquetic: albon bi yilel cat'el jpasoj soc te yutsil co'tane, albon bi yilel cat'el te ma'yuc bila amen jpasoje.

1 Reyes 9:4

Teme jich ya xbeenat ta jsit te bit'il been ta jsit te atat David, teme mero jun awo'tan soc toj awo'tan ya awac' c'otuc ta pasel spisil te jc'op soc te bila chapal sc'oplal cu'une,

1 Timoteo 1:13

manchuc teme sna'oj te la jtoybac'optay ta neelal, soc la cuts'in, soc te la quixtac'optaye. Ja'uc me to, la xc'uxtayon te Diose ta scaj te ma la jna' te bila la jpase soc te ma to jch'uunejuc a te Jesuse.

1 Tesalonicenses 2:10

Te ja'exe testigoex cu'un soc ja' testigo uuc te Diose, te bit'il ch'ultesbil co'tan soc toj nax ainon ta atojolic ja'ex te ch'uunjelexe. Ma'yuc bay la jta jmul ta atojolic.

2 Corintios 1:12

Ay bila te ya xjachbotic sbujts' co'tantic, ja' ya yalbotic ta co'tantic te lec cac'oj jbajtic ta melel li' ta balumilal to, c'axem to xan ta atojolic te ja'exe. Ja' in to ma ja'uc nax ta swenta te jp'ijiltique, melel ja' te Diose ta swenta yutsil yo'tan te jich yac'oj cuxinucotique.

Daniel 6:22

Te Dios cu'un la sticun tel ch'ul abat yu'un, ja' la smacbey ye te león-chojetique. Jich ma'yuc bila la spasbon te león-chojetique, melel sna'oj te Dios te ma'yuc bila amen jpasojbat ta atojol te muc' ajwalilat cu'untique —xi'.

Proverbios 20:7

Bin nax yutsilic te mach'atic jilemic ta q'uinal yu'un sme'-static te toj yo'tanic soc lec yo'tanic c'axic ta q'uinale.

Proverbios 11:3

Te mach'atic toj yo'tanic, toj ya x'ainic yu'un; yan te mach'atic te ma tojuc yo'tanique, ja' ya xlajinotic yu'un.

Salmos 78:72

Te David la scanantay te lum yu'un Dios; la scanantay soc la stojtes ta beel soc sp'ijil ta spisil yo'tan.

Salmos 73:13

Tojol nax te pocbil co'tan soc jc'ab, te ma ba ya jpas muliletic ae;

Salmos 26:6

Pocbilix c'oem te jc'ab, ma'yuquix te jmule. Cajwal, ya jc'an xnoptsajonix bael ta bay scajtijib amajt'an,

Salmos 25:21

Ac'a quich' canantayel awu'un te bit'il jun co'tan soc te bit'il toj cac'oj jbae, yu'un me cac'oj smuc'ul co'tan ta atojol.

Salmos 24:4

Ja' te mach'a pocbil sc'ab soc yo'tan, te ma'yuc smule; ja' te mach'a ma xch'uun lotil diosetic, soc te ma spas lote.

Job 33:9

“Mero lecon, ma'yuc bila amen jpasoj, ma'yuc falta jtaoj, ni ma'yuc jmul jtaoj.

1 Crónicas 29:17

Dios cu'un, ya jna' te ya atsajtaybotic te co'tantique, te ja' ya amulan te toj ya cac' jbajtique. Ja' swentail te toj co'tan jnopoj te tal cac' ta atojol spisil. Ta ora yo'tic to bin nax co'tan yu'un te lum awu'un te stsoboj sbaique, c'ax to xan la yaq'uic te majt'anil yu'unic ta atojole.

2 Reyes 20:3

—Cajwal, jo'on ya calbat wocol, te yacuc ana' te bit'il jun co'tan la cac' jba ta abatinel awu'une, soc spisil co'tan la jpasbat te bi la sc'an awo'tane —xi'. Och ta buen oq'uel.

Josué 22:22

—Te Cajwaltic Dios te cajal yu'un spisil te yantic diosetique, ya me sna' te ma swentauc toybail te la jpastic te scajtijib majt'anil, soc te ma yu'unuc ya jloq'ues jbajtic ta stojole. Ya me sna' stuquel, soc ya me yac'beyex ana'ic stojol te ja'exe. Yan teme ma jichuc te bit'il ya caltique, ya xju' te ma ba ya apasbotic perdón yu'un te jcuxlejaltique.

Génesis 12:13

Jich yu'un ya me awalbey yaiyic te bit'il quijts'inat, swenta yu'un jich me lec ya xc'oon ta awenta, soc jich me ya xcuxinon ta awenta —la yut.

Génesis 20:13

Te c'alal Dios la yic'on loq'uel tel ta sna te jtat, jich yu'un la calbey te quinam: “Ya me ac'uxtayon. Teme ay mach'a ya sjojc'obat ta bay ya xbootic te bi awutojone: ‘Xi'lel’, xaat me cu'un”, la cut —xi' te Abrame.

Génesis 20:16

Soc jich la yalbey te Sara: —La cac'beyix jmil ta jsejp plata te axi'lele, jich yu'un ja' me smajq'uil aq'uexlal ya xc'ot awu'un ta sit spisil yantic ajoinej. Ma me ayuc mach'a amen sc'op ta atojol —la yut.

Salmos 7:9

Dios, te toj awo'tane, ja'at ya ana' te bitic ya snop te o'tanile soc te bitic ya yal te o'tanil c'alal ta yutil. Lajinbeya sc'oplal ta jc'axel te mach'atic amen yo'tanique; yan te mach'atic lec yo'tanique, junuc me yo'tanic awu'un.