Génesis 20:13 - Bible in Tzeltal de Oxchuc y Tenejapa

¹³ Te c'alal Dios la yic'on loq'uel tel ta sna te jtat, jich yu'un la calbey te quinam: “Ya me ac'uxtayon. Teme ay mach'a ya sjojc'obat ta bay ya xbootic te bi awutojone: ‘Xi'lel’, xaat me cu'un”, la cut —xi' te Abrame.

Bible in Tzeltal Bachajón

¹³ Te c'alal Dios la yic'on loq'uel tal ta sna jtat, hich la jcalbe: Hich me xac'uxultayon: Bayuc ya xbohotic ya me awal te ho'on abanquilon, xchihon.

Génesis 20:13 Referans Kwoze

Génesis 12:1

Te Cajwaltic la yalbey te Abram: —Loc'an tel ta alumal soc ta sna atat, ijq'uitaya jilel te mach'atic ay awu'une, baan ta q'uinal te ya cac'bat awile.

Génesis 12:9

C'ax xan bael te Abram, squechcon nax been bael ta stojol q'uinal te Néguev sbiile.

Hebreos 11:8

Ta swenta xch'uunjel yo'tan te Abrahame, la xch'uunbey smandal Dios te c'alal la yich' iq'uel yu'une. Jich loc' tel ta slumal, bajt' ta banti q'uinal te ya x'ac'bot yu'unin yu'un te Diose. Ja'uc me to, ma ba sna'oj stojol te banti ya xc'ot te c'alal jajch' loq'uel ta slumale.

Hechos 5:9

Te Pedro la yalbey: —¿Bistuc la achap ac'op ta achebalic te la awilbeyic yo'tan te Espíritu yu'un te Cajwaltique? Aiya awaiy stojol, ayix ta ti'nail te mach'atic c'o smucbat jilel te amamlale. Ja' nix ya yich'bat bael abaq'uetal te ya smucbate —xi'.

Salmos 64:5

Ja'ic nix ya yac'bey sba yip yo'tanic ta spasel te bila amene; ya xchapic yu'un ya xchajbanic pejts' te ma xchicnaj ta ilele. Ya scuyic te ma'yuc mach'a ya xju' ya x'ilotic yu'un;

1 Samuel 23:21

Jich albotic yu'un te Saúl: —Ac'a yac'beyex bendición te Dios te bit'il la ana'bonic yo'bolil jba.

Génesis 20:5

Melel la yalbon te Abraham te ja' yijts'in te antse, soc jich nix la yal te ants te ja' sbanquil ta sc'ope. Jich yu'un jun co'tan, ma'yuc mulil ta co'tan te c'an quiq'ue —xi'.

Génesis 20:12

Melel nix a, te quijts'in te antse, melel snich'an jtat; ja'uc me to, ma ja'uc yal te jme'e. Jich yu'un la quic' quinamin.