Génesis 2:25 - Bible in Tzeltal de Oxchuc y Tenejapa

²⁵ T'anal xchebalic te Adán soc te yiname; ja'uc me to, ma ba q'uexawic yu'un.

Bible in Tzeltal Bachajón

²⁵ Mayuc sc'u' spac' te Adán soc te yihnam, pero ma ba q'uexawic yu'un.

Génesis 2:25 Referans Kwoze

Génesis 3:7

Jich a jambot sit xchebalic, la sna'ic stojol te bit'il t'analique. Jich yu'un la sts'isic yabenal higuera, la smac sbaq'uetalic a.

Romanos 10:11

Jich ts'ibubil jilel ta Sjun te Diose: “Spisil mach'a ja' ya xch'uun te Cristoe, ma sta q'uexlal yu'un”, te xie.

Joel 2:26

Te ja'exe, ya me xwe'ex ta lec, ja' to teme noj ach'ujt'ique. Jich me ya awalbonic yutsil jc'oplal jo'on te Ajwalilon te Dioson awu'unique, melel te jo'on ay bayal jchajp at'eliletic muq'uic la jpas ta awentaic. Ma me ayuquix bi ora ya xtaot yu'un q'uexlal te lum cu'une.

Jeremías 17:13

Cajwal, ja' smuc'ulat yo'tan te Israel; spisilic te mach'a ya yijq'uitayat ta yo'tanique ya xjilic ta q'uexlal. Spisil te mach'a c'ubul ya yac' sba soc yo'tan ta atojole, ya xch'ay ta jc'axel, jichuc biilil te ts'ibubil ta ts'ubil lum. Ya xch'ay, ta scaj te ya yijq'uitayate, ja'at te sloq'uibja' te siquet nax awa'lel c'oeme.

Isaías 47:3

ac'a chicnajuc abaq'uetal, ac'a chicnajuc ta jc'axel. Ya me quich'bey spacol, ma'yuc mach'a ya xju' ya scomon, manchuc me ya yalbon wocol —xi' te Diose.

San Lucas 9:26

Teme ya xq'uexawex cu'un, soc ya xq'uexawex yu'un te jc'ope, te Nich'anile, ya me xq'uexaw awu'unic uuc te c'alal ya xtal soc yutsilal te State soc te ch'ul abatetique.

Ezequiel 16:61

Ay bi ora ya cac'bat awantsil-alin te awixe soc nix te awijts'ine, manchuc me ma jichuc ya yal te trato chapale. Ya me ana' te bi yilel awat'el ta nameye, ya me xq'uexawat yu'un.

Isaías 54:4

Ma me xiwat, ma me xjilat ta q'uexlal; ma ba ya yixtac'optayex, ma me ayuc bi ya xq'uexawat yu'un. Ya me xch'ay ta awo'tan te bit'il q'uexawat te c'alal ach'ixat to a, soc ma me x'ana' xan te la awich' ilayel yu'un te me'ba antsate,

Salmos 25:3

Ma me ayuc bi ora ya xq'uexaw jtuluc te mach'atic smuc'ulinejat yo'tanique. Ja'uc me c'otuc q'uexlal ta stojolic te mach'atic ma'yuc swentail ya stoy sbaic ta atojole.

Éxodo 32:25

Te Moisés la yil ta lec te yac ta jowejel yo'tanic te lume, yu'un te Aarón ma la yaiy comaw. Jich la yac' sbaic ta labanel yu'un te scontroique.

San Marcos 8:38

Teme ya xq'uexawex cu'une soc teme ya xq'uexawex yu'un te jc'op ta stojol te mach'atic ayic ta q'uinal ta ora to te ma junuc yo'tanic ta stojol Dios soc te c'aemic ta mulile, ja' nix jich ya me xq'uexaw awu'unic uuc te Nich'anile, te c'alal ya xtal soc yutsilal te State soc te ch'ul abatetic yu'une —xi' te Jesuse.

Jeremías 6:15

Ya me sc'an ya xq'uexawic yu'un te bit'il jich ya spasic te ma sts'ijq'uix cu'une. Ja'uc me to, ma'yuquix q'uexlal ya yaiyic yu'un, ni ma niwan sna'ic te bila a te q'uexlale. Ja' yu'un, te c'alal ya cac'bey castigo, ya sc'ojch'in sbaic soc ya me xyalic jich bit'il te yantique. Jo'on Ajwalilon te jich ya cale —xi' te Cajwaltique.

Isaías 44:9

Ma xtuunic te mach'atic ya spasic te loc'ombaetique, soc ma xtuunic te loc'ombaetic te bayal sc'oplal ta yo'tanique. Te mach'atic ya xjajch' xch'uunic, ja' ma'sitetic c'oemic, te ma sna'ic q'uinal ta jyalele. Ja' swentail te jc'axel ya xch'ayic ta q'uinal yu'un te q'uexlale.

Salmos 31:17

Cajwal, ya cawtayat atuquel; ma xawac' spotson te q'uexlale. Ja' xawac' potsotuc yu'un q'uexlal te mach'atic amenique; muca jilel ta muquenal ta bay ma'yuquix ta aiyel stojol c'op.