Génesis 2:22 - Bible in Tzeltal de Oxchuc y Tenejapa

²² Te Dios la spas ta ants te jch'ix sbaquel smoch la sloq'uesbey te winique, soc la yac'bey ta stojol.

Bible in Tzeltal Bachajón

²² Te Jehová Dios la spas ta ants te jch'ix smochbaquel, la yic' tal ta stojol te winique.

Génesis 2:22 Referans Kwoze

1 Timoteo 2:13

Melel ja' neel la yich' pasel yu'un Dios te Adane, patil la yich' pasel te Evae.

Hebreos 13:4

Ich'biluc me ta muc' awu'unic te nujbinele. Ma me xacapic ta mulwej te bit'il awic'oj abaique, melel Dios ya yac'bey castigo te mach'a ya xyal ta mulile soc te ya yaiy mulweje.

Proverbios 19:14

Ta swenta sme'-stat ya yich' sna soc sc'ulejal te quereme; soc ta swenta Cajwaltic te ya x'ac'bot yinamin te ants te ay sp'ijile.

Proverbios 18:22

Teme la sta yinam te winique, ja' me la staix te bila leque; ja' me la yich'ix a te c'uxtayel yu'un te Diose.

Génesis 2:19

Jich te Cajwaltic Dios ta ts'ubil lum la xchicnantes spisil chambalametic te ayic ta balumilal soc spisil mutetic. La yic'bey tel ta stojol Adán, swenta yu'un ya yil bi sbiil ya yac'bey stuquel. Te bit'il nix sbiil ac'bot yu'un Adán te chambalametique, jich nix sbiil c'ot abi.

Salmos 127:1

Tojol me ya yac' swocolic te jpas-naetique, teme ma ja'uc Cajwaltic te jich ya sc'ane; tojol me ya yac' swocolic ta jcanan-lum te jcananetic, teme ma ja'uc Cajwaltic te ya scanantaye.