Génesis 2:2 - Bible in Tzeltal de Oxchuc y Tenejapa

² Ta sjuquebal c'aal lajemix yo'tan ta spasel spisil yat'el a te Diose, soc la xcux yo'tan yu'un spisil te yat'el te la xchicnantes ta pasele.

Bible in Tzeltal Bachajón

² Ta shuquebal c'ahc'al hu' ta pasel spisil ya'tel te Diose; la scux yo'tan yu'un spisil te ya'tele.

Génesis 2:2 Referans Kwoze

Hebreos 4:4

Melel ta Sjun Dios jich ts'ibubil sc'oplal te sjuquebal c'aale: “Dios la yich' lewa yu'un spisil yat'el ta sjuquebal c'aal”, te xie.

Éxodo 31:17

Ja' me seña cu'untic ta sbajt'el q'uinal te ja'ex te israelexe’, xi' te Diose”, uta me —xi' te Cajwaltique. Melel te Cajwaltic waqueb nax me c'aal la spas te ch'ulchan balumilale; yan ta sjuquebal c'aal ma ba at'ejix a, la xcux yo'tan.

Deuteronomio 5:14

Yan te sjuquebal c'aal ja' me yu'un cux-o'tan stuquel, ch'ultesbil me ta jtojol te Ajwalilon te Dioson awu'une. Ma me x'at'ejat a, ni ja'uc aquerem-nich'an, awantsil-nich'an, awabat, acriada, awacax, aburro, ni biluc chambalamil awu'un, ni ja'uc te jyanlum nainem ta alumale, swenta yu'un pajal me ya acux awo'tan soc awabat soc acriada.

Éxodo 23:12

“Waqueb me c'aal xapas spisil te bitic ay ta pasel awu'une. Ta sjuquebal c'aal ya me acux awo'tan. Jich me ya xcux yo'tanic uuc te awacax soc te aburroe. Jich me ya xcha'yich' xan yip a te awabat soc te mach'a q'uejel taleme.

San Juan 5:17

Ja'uc me to, te Jesús la yal ta jamal: —Te Jtate yac ta at'el. Jich uuc te jo'one yacon ta at'el uuc —xi'.

Isaías 58:13

“Ich'a ta muc' te c'aal yu'un cux-o'tanil; ma me xawat'elin te bitic ya sc'an awo'tan a te ch'ul c'aal cu'une. Jichuc me ya xc'ot ta awo'tan te ja' jun c'aal swenta sbujts'-o'tanile; ja' te ch'ul c'aal yu'un Cajwaltic te ya sc'an te ya x'ich'ot ta muq'ue. Ich'a ta muc', ma xawat'elin xchajbanel aiyejetic awu'un a, ni ma me xbajt' ta awo'tan yu'un te bitic ya sc'an awo'tan spasele.

Génesis 1:31

Dios la yil te jelawen yutsil ta spisil te bitic pasbil yu'une. Te yijc'ubel q'uinal soc te sacubel q'uinale, ja' swaquebal c'aal abi.

Hebreos 4:10

Melel te mach'atic ya x'ochic tey a ta bay te cux-o'tan yu'un te Diose, ya yich'ic lewa yu'un yat'elic uuc jich bit'il te la yich' lewa yu'un yat'el te Diose.

Génesis 2:3

La yac'bey bendición te sjuquebal c'aal soc la xch'ultes, ja' yu'un te la xcux yo'tan ta swenta spisil yat'el te la spase.

Éxodo 31:15

Ja' yu'un, waqueb me c'aal ya x'at'ejex. Yan te sjuquebal c'aal cux-o'tan meix abi, ja' me yu'unix te Cajwaltique. Te mach'atic ya x'at'ej a te bi c'aalil yu'un cux-o'tan, ya me x'albot te ya xc'ot lajel ta swenta, xi' me te jmandale.