Génesis 2:17 - Bible in Tzeltal de Oxchuc y Tenejapa

¹⁷ ja' nax te te' swenta sna'el te bila lec soc te bila ma lecuque, ma me xalo'bey sit stuquel, melel teme ya alo'bey te site, ya me xlajat yu'un —xi'.

Bible in Tzeltal Bachajón

¹⁷ yan te te' yu'un sna'el te bintic lec soc te bintic ma lecuc ma me xalo'be sit stuquel, como te bin ora yac alo'be te site, ya me xchamat yu'un, xchi.

Génesis 2:17 Referans Kwoze

Romanos 6:23

Melel te stojol te mulile, ja' te lajele. Yan te majt'anil yu'un te Diose ja' te cuxlejal sbajt'el q'uinal ta swenta te jun c'oemotic soc Cristo Jesús te Cajwaltique.

Santiago 1:15

Teme ya x'ipaj te bic'tal-o'tanile, tey ya xchicnaj a te mulile. Soc teme la yich' yip te mulile, tey ya xchicnaj a te lajele.

Génesis 3:19

Buen chic' ya x'ac'botat te bit'il ya ata awe'ele, ja' to te c'alal ya sujt'at ta lumq'uinal, melel ta ts'ubil lum pastajat, ja' nix jich ts'ubil lum ya sujt'at —xi' te Diose.

Apocalipsis 21:8

Yan te mach'atic ya xiwique, soc te ma sc'an xch'uunone, soc te mach'atic ilaybil sba te bila ya spasique, jmilawaletic, jmulwejetic, j'ac'chameletic, soc te mach'atic jch'uunej-loc'ombaetic, jpas-lotetic, ta spisilic in to, ja' me ya xbajt'ic ta bay muc' pamal c'ajc' te yac ta tilel soc azufre te ja' xchebal buelta lajele —la yuton.

Colosenses 2:13

Te ja'exe lajemex yu'un te mulile soc ma ba awich'ojic circuncisión te abaq'uetalique. Ja'uc me to, Dios la yac'beyexix acuxlejalic soc Cristo te bit'il la spasbeyex perdón yu'un spisil te amulique.

1 Timoteo 5:6

Ja'uc me to, te me'ba ants te ja' nax baem ta yo'tan spisil te bila smulanej te sbaq'uetale, lajemix c'oem te bit'il cuxul to ta q'uinale.

Gálatas 3:10

Melel spisil te mach'atic ja' smuc'ulinej yo'tanic spasel te bila ya yal te mandalile, ay ta swentaic ch'ayel. Melel jich ts'ibubil jilel ta Sjun te Diose: “Ch'ayel me ya xbajt'ic te mach'a ma jc'axeluc ya xch'uunic spisil te bila ts'ibubil ta sjunal te mandalile”, te xie.

1 Corintios 15:22

Jich bit'il jpisiltic ayotic ta lajel ta swenta te Adane, ja' nanix jich jpisiltic ya xcuxinotic ta swenta te Cristoe.

1 Juan 5:16

Teme ay mach'a la yil te yac ta sleel smul te yermanoe, teme ma ja'uc swenta lajel te smule, ac'a sc'oponbey Dios. Jich te Diose ya me yac' cuxinuc, teme yu'un nanix ma swentauc lajel te smule. Yu'un ay mulil te ya yac'otic ta lajele. In to, ma xcal te ya yich' c'oponel Dios yu'une.

1 Corintios 15:56

Te yat'ejib te lajele, ja' te mulile. Soc te yip te mulile, ja' ta swenta te mandalile.

Romanos 1:32

Te mach'atic jich yat'elique, sna'ojic stojol ta lec te bit'il ay ich'el ta c'op yu'un te mulile. Soc sna'ojic stojol teme ya spasic in mulil to, ja' ya stojic ta lajel yu'un. Ja'uc me to, jich yacalic ta spasel spisil ora, soc bin nax yo'tanic yu'un te jich nix yacalic spasel uuc te yantique.

Ezequiel 18:32

Melel ma jc'an te ay mach'a ya xlaje. Ijq'uitayaic jilel te bila amene, jich me ya xcuxinex. Jo'on Ajwalilon te jich caloje —xi' te Cajwaltique.

Génesis 3:17

Yan te winique, jich albot yu'un te Cajwaltique: —Te bit'il la ach'uunbey sc'op te awinam te la alo'bey sit te te' te la calbate: “Ma me xalo'bey sit”, te la cutate, bolob me sc'oplal te lumq'uinal ta awenta, ay awocol ya xwe'at te jayeb c'aal ya xc'axat ta q'uinale.

Génesis 3:11

Jich la sjojc'obey te Diose: —¿Mach'a la yalbat te bit'il t'analat? ¿Yu'un bal la alo'bey sit te te' la calbat: “Ma xalo'bey sit”, te la cutate? —xi'.

Efesios 5:14

Ja' swentail te jich ay ta alele: “Wic'a asit, ja'at te wayalate, jajch'an tel ta bay te animaetique. Ya yac' tiluc saquil q'uinal ta atojol te Cristoe”, te xie.

Romanos 6:16

¿Yu'un bal ma ba ana'ojic stojol teme spasemal awo'tan ya awac' abaic ta mosoile, puersa me ya ach'uunbeyic smandal te awajwale? Jich yu'un chican teme ja' ya awajwalinic te mulil te ya yaq'uex ta lajele, o teme ja' ya awajwalinic te Diose, te ja' ya yac'beyex apasic te bila toj ta pasele.

Ezequiel 33:8

Repente ya cal te ya xlaj jtul te mach'a amen yo'tane. Teme ma ba ya awalbey yaiy te yacuc sujt'es yo'tan yu'un te smule, soc teme ma ba ya sujt'es yo'tane, te mach'a amen yo'tan ya me xlaj yu'un te smule. Pero te ja'ate ya me cac'bat amulin te bit'il ya xlaj te mach'a amen yo'tane.

Ezequiel 18:4

Jo'on cu'un spisilic te ants-winiquetique, jich te me'il-tatiletic soc nix te alnich'anetique. Te mach'a ya sle smule, ya me xlaj.

Apocalipsis 20:14

Te lajel soc te stsobjibal animaetique la yich'ic ch'ojel ochel ta bay te muc' pamal c'ajq'ue. Te muc' pamal c'ajq'ue, ja' te xchebal buelta lajele.

Romanos 8:2

Melel te mandalil yu'un te Espiritue, ja' ya yac' cuxlejal ta swenta te Cristo Jesuse, jich colon loq'uel ta libre yu'un te mulile soc te lajele.

Apocalipsis 2:11

Te mach'a ay xchiquine, ac'a me yaiy stojol te bila ya yal te Espíritu ta stojol te jch'uunjeletique. Te mach'a jayeb ya xju' yu'un tsalawe, ma ba ya xc'ax swocol yu'un te xchebal buelta lajele —xi'.

Ezequiel 33:14

Teme ya cal te ya xlaj jtul te mach'a amen yo'tan, pero teme ya squejch'an spasel te bila amene, teme ja' ya xjajch' spas te bila lec soc te bila stojil ta pasele,

Deuteronomio 30:19

Ja' c'aal in to ya cac' ta testigo ta atojolic te ch'ulchan soc te balumilale, te bit'il la cac'beyex atsaic ta swenta te cuxlejale soc te lajele, te bitic swenta bendición soc te bitic swenta castigo. Tsaaic me jiche te cuxlejale, swenta yu'un ya me xcuxinex a, soc ya xcuxin te patil alnich'anetic awu'unique.

Deuteronomio 30:15

“Aiya awaiyic, yo'tic ya cac'beyex atsaic, ja' te cuxlejal soc te lequilal, yan xan, ja' te lajel soc te bila ma lecuque.

Ezequiel 18:13

teme ya sc'anbey sjol te staq'uin ya yac' ta majanele, te winic in to, ma xju' ya xcuxin stuquel. Teme la spas te bitic ilaybil cu'une, ya me xlaj ta puersa, pero ja' nix ta smul te ya xlaje.

1 Reyes 2:42

Jich la sticun ta iq'uel te Simei te muc' ajwalile, jich la yalbey: —¿Ma bal lajuc awal ta stojol Cajwaltic te ma ba ya xloc'ate? La calbat te bi ora ya xloc'at jajch'el te ya xbaat ta bayuc te jc'axel ya xlajate. ¿Ma bal lajuc awalbon jiche te lec ay, te ya ach'uunbon te jmandale?

1 Samuel 14:39

Ya cal ta jamal ta stojol Cajwaltic te jcoltaywanej cu'untic, manchuc me ja'uc te jnich'an Jonatán, pero puersa me ya xlaj —xi'. Ma'yuc mach'a la sjac' ta spisil te soldadoetique.

Deuteronomio 27:26

“Boloben me sc'oplal ta jyalel te mach'a ma ba ya xch'uun soc te ma ba sc'an ya spas bael te mandaliletic in to”. “Jichuc”, xiic me ta spisil te lume.

Números 26:65

melel te Cajwaltic la yalbey sc'oplal te ya xlajic jilel ta jochol taquin q'uinal. Ja' nax Caleb, te snich'an Jefone, soc Josué te snich'an Nun, te cuxul jilique, ma'yuc bay jtuluc jil te yantique.

Génesis 20:7

Jich yu'un ticuna sujt'el ta stojol smamlal te antse, te melel j'alwanej cu'un te Abrahame. Ya me xc'opoj awu'un ta jtojol, jich me ya xcuxinat. Yan teme ma x'aticun sujt'ele, jc'axel ya xlajat soc spisil mach'a ay awu'un —xi' sc'oplal yu'un te Diose.

Génesis 2:9

Te Cajwaltic Dios la yac' ch'iuc ta lumq'uinal spisil ta jchajp te'etic te t'ujbilic sba soc lec ta lo'el site. Soc la yac' xan jpejt' te' ta yolil awalts'unubil te ya yac' cuxinel, soc ay yan jpejt' te' ya yac' ta na'el te bila lec soc te bila ma lecuque.

Apocalipsis 20:6

Bin nax me yutsil te mach'atic cha'cuxic ta sbabial buelta cha'cuxele, soc ja'ic te ch'ul lum yu'un Dios stuquelique. Te xchebal buelta lajele ma'yuquix yip ta stojolic. Sacerdoteetic yu'un Dios soc te Cristoe, soc ya me sjoinic ta ajwalil jmil (1,000) ja'wil te Cristoe.

Jeremías 26:8

C'alal laj yo'tan ta yalel te bila albil yu'un Cajwaltic, te sacerdoteetic, te j'alwanejetic soc te lum la stsaquic, jich la yalbeyic: —¡Ya me xlajat!

1 Samuel 22:16

Pero te muc' ajwalil tulan la yalbey: —Ahimelec, na'a me ta lec te ya xlajat soc spisil te ats'umbale —xi'.

1 Samuel 20:31

Te jayeb xan c'aal cuxul ta balumilal te Davide, ni ja'uc lec ayat, soc ni ja'uc lec ya awich' awat'el ta ajwalile. Ja' yu'un ticuna ta leel, ic'bon tel, puersa me ya xlaj —xi'.

1 Samuel 14:44

Te Saúl jich la yal ta tulan: —Jonatán, ac'a yac'bon buen tulan castigo te Dios teme ma ba ya xlajat ta milele —xi'.

1 Reyes 2:37

melel te bi c'aalil ya xloc'at baele, teme c'axat ta jejch' beja' Cedrón, na'a me te c'axel ya xlajate. Pero ja'at nix ta amul —xi'.

Jueces 3:2

Te Cajwaltic la yijq'uitaybey swenta yu'un ya snopic guerra te mach'atic ma la yilic guerra ta neelale.