Génesis 2:10 - Bible in Tzeltal de Oxchuc y Tenejapa

¹⁰ Ay muc'ja' jajch'em tey a ta Edén, swenta yu'un ya ya'lelin te awalts'unubile, chaneb c'ot ta loq'uel.

Bible in Tzeltal Bachajón

¹⁰ Ay muc'ul-ha' hahchem tey ta Edén te la ya'lelin te ts'umbil q'uinale; tey jetin a, chaneb c'oht.

Génesis 2:10 Referans Kwoze

Apocalipsis 22:1

Te ch'ul abate la yac'bon quil muc'ja' te ya yac' cuxinele. Xlemet nax jich bit'il cristal. Tey loc' tel ta bay smuc'ul nactijib te Diose soc te Alalchije,

Salmos 46:4

Te muc'ja' ya yac'bey yutsilal te ch'ul lum yu'un Dios ta swenta te sc'abc'ab te ja'e. Ja' nax mero ch'ul lum stuquel yu'un te mach'a mero Toyole.

Génesis 13:10

Te Lot la stoy sit, la yil spamal te spamlej yu'un Jordán c'alal ta lum Zoar, la yil ma'yuc swocol yu'un ja' tey a. Yu'un jich ay yilel te bit'il t'ujbil awalts'unubile, ja' pajal yilel soc te sq'uinal Egipto. (Jich ay ta spamlejal te c'alal ma to xjinot yu'un Cajwaltic a te lum Sodoma soc te lum Gomorra.)