Génesis 19:9 - Bible in Tzeltal de Oxchuc y Tenejapa

⁹ Albotic yu'un: —Q'ueja aba. Ma ja'uc ya xtal apasotic ta mandal te jyanlumat atuquel. Te ja'ate ya ac'an ya awac' aba ta ich'el ta muc'. C'ax jich ya awich' yo'tic te bit'il yantic to —xiic. La stenic te Lot, c'an swuyic te ti'naile.

Bible in Tzeltal Bachajón

⁹ La sjaq'uic: Loc'an teye, xchihic. Soc la yalic xan: Te jyanlum winic ini tal ta nahinel ta cohliltic, ¿yu'un bal ya sc'an ya x'ochix ta juez? C'ax hich bin chopol ya jpasbatcotic a te bin ut'il te yantique, xchihic. Tulan la stenic ta c'op te Lot, soc nohpojic bahel yu'un ya stop'ic te ti'nahil.

Génesis 19:9 Referans Kwoze

Éxodo 2:14

Te hebreo-winic la yalbey: —¿Mach'a la yac'bat awat'el te ya xtal apasotic ta mandale? ¿Yu'un bal ya ac'an amilon jich bit'il la amil te egipcio-winique? —xi'. C'alal la yaiy stojol te Moisés, xiw yu'un. La sna' stojol te chicnajemix te bit'il laj te jtul egipcioe.

Génesis 13:12

Te Abram tey jil ta nainel ta sq'uinal Canaán stuquel. Yan te Lot tey c'o nainuc ta lumetic ayic ta spamlej, nopol ay ta lum Sodoma.

San Mateo 7:6

“Te bila ch'ultesbile, ma me xawac'bey te ts'i'etique. Patil ya me sujt'ic tel, ya me stujt'anex ta ti'el uuc. Ma me xawac'bey yixlan perlaetic te chitametique. Patil ya me spech'anic ta teq'uel.

Jeremías 8:12

Ya me sc'an ya xq'uexawex yu'un te yacalex ta spasel te bila ma sts'ijq'uix cu'une; ja'uc me to, ma'yuc q'uexlal ta yo'tanic, maniwan ya sna'ic te bila a te q'uexlale. Jich yu'un te c'alal ya cac'bey castigo, ya me sc'ojch'in yacan, ya me xyalic jich bit'il te yantique. Jo'on Ajwalilon te ya cale”, uta me —xi' te Cajwaltique.

Jeremías 6:15

Ya me sc'an ya xq'uexawic yu'un te bit'il jich ya spasic te ma sts'ijq'uix cu'une. Ja'uc me to, ma'yuquix q'uexlal ya yaiyic yu'un, ni ma niwan sna'ic te bila a te q'uexlale. Ja' yu'un, te c'alal ya cac'bey castigo, ya sc'ojch'in sbaic soc ya me xyalic jich bit'il te yantique. Jo'on Ajwalilon te jich ya cale —xi' te Cajwaltique.

Jeremías 3:3

Ja' swentail te comenix ja'al ta yorail invierno soc ta yorail primavera. Jich awelaw te bit'il jmulawil antse; ya sc'an yacuc xq'uexawat yu'un.

Isaías 65:5

La yalic: “Ainan tey a, ma me xnoptsajat tel; c'axem to xan ch'ulajemon, ma me xnoptsajat ta jtojol”, xiic. Te ants-winiquetic jich c'oemic te bit'il c'ajc' te ya xtil sjunal c'aal; jich ya yuts'inonic te bit'il ch'ail ta jni'tic.

Eclesiastés 10:13

Melel puro amen c'opetic ya xjajch' ta yalel; soc ja' slajibal sc'op ya xc'ot te bitic mero amen nax sbae.

Eclesiastés 9:3

Te bila amen ya xc'ax ta pasel ta balumilale, ja' te pajal quechel ya xc'ot ta swentaic spisilique. Soc yan xan, te bila ya snop ta sjol soc ta yo'tan te ants-winique, nojel ta bila amen; ja' te mulile, ja' u'uninbil yu'un ta sjol te jayeb c'aal cuxule. Te bila mero slajibale, ja' te c'oel ta muquenale.

Proverbios 27:3

Te tonetic soc te ji' c'ax bayal yalalic; c'axem jich yalal yilimba a te mach'a ma sna' q'uinale.

Proverbios 17:12

Ja' lec ja'uc ya jta jbajtic soc me' oso te jajch'em sc'ajc'al yo'tan yu'un te elc'anbot te yale; te manchuc ja'uc ya jta jbajtic soc te mach'a ma sna' q'uinal te ay bila ya sc'an ya spase.

Proverbios 14:16

Te mach'a ay sp'ijile, ya xi' te bila ma lecuque, ya sq'uej sba loq'uel ta stojol; yan te mach'a ma sna' q'uinale, ma'yuc bila ay sc'oplal ta yo'tan.

1 Samuel 25:17

Pero te amamlale jc'axel amen yo'tan, ja' yu'un ma sc'an yaiy stojol te bila ya calbeytique. Yo'tic nopa awaiy, ila awil teme ay bi ya xju' awu'un spasele, melel ora in to puersa ay bi amen ya xc'ot ta pasel ta swenta te cajwal soc spisil mach'atic ay yu'un —xi' c'oel.

1 Samuel 17:44

soc jich la yalbey: —La', ya cac'bey sti'bat abaq'uetal te mutetic ya xwilic ta toyol soc chambalametic ta lumq'uinal —xi'.

Génesis 11:6

Jich la yal te Cajwaltique: “Jun nax te lume, soc jun nax sc'opic ta spisilic. Jajch'iquix ta at'el, ma'yuc mach'a ya xju' ya xcomotic yu'un ta spasel bitic la snopix ta yo'tanic spasel.

1 Samuel 2:16

Teme ya x'albot yu'un te mach'a ya yac'bey te milbil smajt'an Dios: —Neel ya sc'an ya yich' chiq'uel te xepuile, patil chican awo'tan jich yipal ya awich'ix bael a —teme xie, te yabat te sacerdote jich ya yal: —Maniwan. Puersa ya me awac'bon ta ora. Teme ma ba ya awac'bone, ya me jpojbat bael ta puersa —xi'.

Ezequiel 16:49

Te awijts'in Sodoma soc te ch'in lumetic yu'une, mero toyol la yac' sba yu'un te ay mero bayal swe'el-yuch'ele, soc te ma'yuc bila pasot falta yu'une. Pero ma'yuc bi ora ay bi la scoltay a te me'baetic soc te mach'atic ma'yuc bi ay yu'unique.