Génesis 19:30 - Bible in Tzeltal de Oxchuc y Tenejapa

³⁰ Te Lot la xi' te ya xnain ta lum Zoar, jich yu'un ba nainuc ta witstiquil ta nailch'en. La sjoin bael te cheb ach'ixetic, ja' te cheb yantsil-nich'nabe.

Bible in Tzeltal Bachajón

³⁰ Te Lot la xi' te ya xnahin ta Zoar, ha yu'un baht ta nahinel ta witsiltic soc te cha'tuhl yantsil-nich'nab. Nahin ta ch'en soc te cheb yantsil-nich'nab.

Génesis 19:30 Referans Kwoze

Génesis 19:19

Te bit'il lec awo'tanic cu'un te awabatone, soc te bit'il la ac'uxtayonic, cuxul la acoltayonic loq'uel tel; ja'uc me to, ma xju' ya x'anon bael ta witstiquil teme repente ay jwocol ya xc'oon, soc teme repente ya xlajon ta be.

Santiago 1:8

Melel teme xchebet te awo'tanique, jich ma'yuc bila lec te ya xju' awu'unic spasele.

Jeremías 48:34

Te ants-winiquetic ta Hesbón ya x'awunic yu'un xc'uxul te ma'yuquix bi ay yu'unique. Te yawique ja' to ya xc'ot ta Eleale soc Jahaza, soc c'alal ta Zoar ja' to ta Horonaim soc Eglat-selisiya, melel te sloq'uibja'etic yu'un Nimrim taquejiquix.

Isaías 15:5

Co'tan ya jc'anbey coltayel ta swenta Moab; te swinictac ya xloq'uic bael ta anel c'alal ta Zoar, soc c'alal ta Eglat-selisiya. Te bay moel q'uinal yu'un Luhit, ya xmoic bael ta oq'uel; ta sbelal bael Horonaim ya xjajch'ic ta aw yu'un xc'uxul ta stojol te tulan uts'inele.

Deuteronomio 34:3

te Néguev, te ti'ti'ja' bael yu'un te muc'ja' Jordán soc te muc'ul spamlej yu'un Jericó, ja' te lum te banti ay bayal palmaetic, c'alal ta Zoar.

Génesis 49:4

Ja'uc me to, ma ja'uc primero ya xc'oatix, melel jichat te bit'il tulan snojel ja' te ma xju' ta comele: melel la aboltesbon te jwayib te bit'il wayat soc te jcriadae.

Génesis 19:17

C'alal loq'uix bael yu'unic a, la yalbey mandal: —Anan me bael, ma me xasujt'es aba ta yilel, soc ma me xjalajat ta spamlej. Anan bael ta witstiquil, teme ma x'ac'an ya xlajate —xiic.

Génesis 14:22

Te Abram la sujt'esbey sc'op te muc' ajwalil yu'un Sodoma: —Jc'axel la calix ta stojol Dios te toyol ay stuquele, te la spas te ch'ulchan balumilal,

Génesis 13:10

Te Lot la stoy sit, la yil spamal te spamlej yu'un Jordán c'alal ta lum Zoar, la yil ma'yuc swocol yu'un ja' tey a. Yu'un jich ay yilel te bit'il t'ujbil awalts'unubile, ja' pajal yilel soc te sq'uinal Egipto. (Jich ay ta spamlejal te c'alal ma to xjinot yu'un Cajwaltic a te lum Sodoma soc te lum Gomorra.)