Génesis 19:24 - Bible in Tzeltal de Oxchuc y Tenejapa

²⁴ Te Cajwaltic la yac' tel azufre soc c'ajc' ta ch'ulchan jich bit'il ja'al ta stojol te lum Sodoma soc te lum Gomorra.

Bible in Tzeltal Bachajón

²⁴ Hich te Jehová la yac' tal ta ch'ulchan azufre soc c'ahc' ta stojol Sodoma soc Gomorra.

Génesis 19:24 Referans Kwoze

Deuteronomio 29:23

Ya me yilic ta spisil te lumq'uinale, ja' nax ya xchicnaj azufre, ats'am soc c'ajq'uem lum. Ma me ayuc bila ya xju' ta ts'unel tey a, soc ma'yuc bila ya yac' sit tey a, ni junuc wamal ya xch'i tey a, jich te bit'il ta Sodoma, Gomorra, Adma soc Zeboim, te la slajin te Cajwaltic ta swenta sc'ajc'al yo'tan soc yilimba.

Isaías 13:19

Te Babilonia, te t'ujbil perla yu'un te nacionetique, xch'alilic c'oem soc toyol q'uinal ya yaiyic yu'un te caldeoetique, jich me ya xc'ot te bit'il lum Sodoma soc te lum Gomorra te c'alal la jine.

Judas 1:7

Jich bit'il te lum Sodoma soc Gomorra soc te yan lumetic te ayic ta sjoylejale, pajalic soc te ch'ul abatetic te la calixe. La sle smulic ta sbaq'uetalic. C'aic ta spasel te sjoy sbaic nax ta winiquil te ya yuts'inbey sbaic sbaq'uetalique. Ja' in lumetic to, ja' ejemplo ta stojol spisil ants-winiquetic te ac'botic castigo ta c'ajc' sbajt'el q'uinal.

2 Pedro 2:6

Dios la yac'bey tulan castigo te cheb lumetic, ja' te Sodoma soc te Gomorrae. Tan a jilic ta c'ajq'uel yu'un. Ja' ejemplo jilem ta stojolic spisil te ants-winiquetic teme ma sc'an yich'ic ta muc' te Diose.

Amós 4:11

—La jlajinex jich bit'il la jlajin Sodoma soc Gomorra; jich jilat te bit'il xutumte' loq'uesbil tel ta c'ajc'. Ja'uc me to, ma la asujt'es awo'tanic ta jtojol yu'un —xi' ta tulan te Cajwaltique.

Jeremías 50:40

Jich ya xjil te bit'il Sodoma soc Gomorra soc te lumetic te nopol ayic soque, te c'alal ya yich' jinele. Ma'yuc mach'a ya xba ainuc tey a, ni ma'yuc mach'a ya xc'ax. Jo'on Ajwalilon, jich ya cal.

Lamentaciones 4:6

Te smul te jlumal Israele, ja' muc' xan yu'un a te smul Sodoma; ta ora nax laj ta jinel, manchuc me ma'yuc mach'a tal sjin.

Jeremías 20:16

Ja' me winic to jichuc me te bit'il lumetic te Dios ya sjin sbajt'el q'uinale. Ac'a chicnajuc awetic ta sab yu'un xc'uxul, soc señail guerra ta olil c'aal.

Job 18:15

Ya yich' tsumel sc'aal te snae; te biluc yu'une ya yich' tsijts'anel ta asufre.

Oseas 11:8

“¿Bit'il c'an quijq'uitayat ta co'tan, Efraín? ¿Bit'il c'an ch'ayucat ta co'tan, Israel? ¿Jich bal c'an jinat te bit'il la jin te lum Adma, jich bal ya jpasbat ta atojol te bit'il la jpasbey te lum Zeboim? Bayal ya xc'opoj co'tan awu'un; ta spisil co'tan ya jna'belat yo'bolil aba.

Jeremías 49:18

melel jich me ya xjil bit'il Sodoma soc Gomorra, soc te lumetic te slac'oj sba soc te c'alal la yich'ic jinele. Ma me ayuc mach'a ya xba nainuc xan tey a, soc ma'yuc mach'a ya xc'ax. Jo'on Ajwalilon te ya cale.

Isaías 1:9

Te Cajwaltic te Spisil ya xju' yu'une, te manchuc lajuc scoltayotic, jich c'oemotic te bit'il te lum Sodoma soc Gomorra te jichuque.

Salmos 11:6

Te Cajwaltic ya me yac'bey woclajel jichuc ja'al; ya me xtal c'ajc' soc azufre ta stojolic te mach'atic amen yo'tanique, soc ya xtal c'ajc'al ic' ta stojolic te jich ya xbacub spisil bitic ay. Jich ya sc'an ya x'ac'bot stojic yu'un te Cajwaltique.

San Lucas 10:12

Ya calbeyex te c'alal ya sta yorail ya yich' castigo in lum to, c'ax jich castigo ya yich' a te bit'il lum Sodoma.

Apocalipsis 14:10

ya me x'ac'bot yuch'ic te vino, ja' te yilimba Dios te xujt' ma'yuc scape, te nojel yu'un a te vasoe. Ya me x'ac'bot c'axuc bayal swocolic ta c'ajc' te yac ta tilel ta azufre ta sitic te ch'ul abatetic yu'un te Diose soc ta sit te Alalchije.

Génesis 13:10

Te Lot la stoy sit, la yil spamal te spamlej yu'un Jordán c'alal ta lum Zoar, la yil ma'yuc swocol yu'un ja' tey a. Yu'un jich ay yilel te bit'il t'ujbil awalts'unubile, ja' pajal yilel soc te sq'uinal Egipto. (Jich ay ta spamlejal te c'alal ma to xjinot yu'un Cajwaltic a te lum Sodoma soc te lum Gomorra.)

Génesis 13:12

Te Abram tey jil ta nainel ta sq'uinal Canaán stuquel. Yan te Lot tey c'o nainuc ta lumetic ayic ta spamlej, nopol ay ta lum Sodoma.

Génesis 18:17

Jich la yal ta yo'tan te Cajwaltique: “Ma ba ya jmuc ta stojol Abraham te bila ya xc'ot ta pasel cu'un,

Génesis 19:23

Loq'uix tel c'aal a te och ta lum Zoar te Lote.

Éxodo 9:23

Te Moisés la stoy moel te sbastone. Te Cajwaltic la yac' tel chawuc, tsantsewal soc bat ta lumq'uinal. Jich tal bat ta spamal Egipto.

Job 1:16

Ma to xlaj yo'tan ta c'op a te winique, c'ot yan winic, jich c'o yal: —Yal tel c'ajc' ta ch'ulchan, spisil lajinotic te jcanan-chijetic, soc laj spisilic te chijetique. Jo'on xanix colon jilel te tal calbat awaiye —xi'.

Isaías 30:33

Ayix bayal c'aal chajbanbil ta swenta Asiria soc ta swenta te muc' ajwalil yu'un, te yawil woclajel, te muc' sjamalul soc najt' coel. Ay tsumbil c'ajc' tey a, te yac ta tilel soc c'axem to xan bayal si'il. Ya me stiles c'ajc' a te ic' ya xloc' ta ye te Cajwaltique, jich me ya xtal te azufre te bit'il snojel ja'.

Deuteronomio 28:24

Te Cajwaltic ya me yac'bat yaluc coel ta atojol ts'ubil lum soc ji', ma me ja'aluc ya yac'bat tel, asta ja' to teme lajat

Deuteronomio 29:22

Te mach'atic jaycaj xan ya xchicnajique, ja' te patil alnich'anetic awu'unic te ya xchicnajic xan tel ta q'uinale, ja' nix jich te jyanlumetic te ya xtalic ta c'ubul q'uinale, ya me yilic te castigo soc chameletic ya yac'bey tel Cajwaltic ta stojol te lumq'uinal in to.

Jeremías 23:14

Quiloj te j'alwanejetic ta Jerusalén, ya spasic bitic ilaybil: ya spasic mulwej soc lo'laywanej, ya sjajch'bey xan yo'tanic mach'atic amenic te ma'yuc mach'a ya yijq'uitay sba yu'un te bila amen ya spase. Ja'ic soc te mach'atic yajwal te lume jich c'oemic ta co'tan te bit'il Sodoma soc Gomorra.