Génesis 19:22 - Bible in Tzeltal de Oxchuc y Tenejapa

²² Suja aba, baan tey a. Melel ma xju' bi ya jpas ja' to teme ya xc'oat tey a —xi' sc'oplal yu'un. Zoar c'ot sbiil te lume, ta swenta bit'il tsail stuquel.

Bible in Tzeltal Bachajón

²² Suja aba, bahan me ta ahnel tey a, yu'un mayuc bin ya xhu' ya jpas ha to teme ya xc'ohat tey a, xchi. (Ha scuentahil te Zoar c'oht sbihil te pueblo.)

Génesis 19:22 Referans Kwoze

Génesis 13:10

Te Lot la stoy sit, la yil spamal te spamlej yu'un Jordán c'alal ta lum Zoar, la yil ma'yuc swocol yu'un ja' tey a. Yu'un jich ay yilel te bit'il t'ujbil awalts'unubile, ja' pajal yilel soc te sq'uinal Egipto. (Jich ay ta spamlejal te c'alal ma to xjinot yu'un Cajwaltic a te lum Sodoma soc te lum Gomorra.)

Génesis 14:2

Te chaneb muc' ajwaliletic la yac'beyic guerra te jo'eb muc' ajwaliletic, ja' te muc' ajwalil yu'un te lum Sodoma te Bera sbiil, soc te muc' ajwalil yu'un te lum Gomorra te Birsa sbiile, soc Sinab te muc' ajwalil yu'un lum Adma, soc Semeber te muc' ajwalil yu'un lum Zeboim soc te muc' ajwalil yu'un lum Bela, ja' te Zoar yan sbiile.

Deuteronomio 9:14

Q'ueja aba ta bay be cu'une, yu'un ya me jlajin soc ya jch'aybey sts'umbalic, jich ya xch'ayic ta balumilal. Pero te ja'ate ya me cac' chicnajuc jun nación ta awenta te mero bayal yip soc te mero stsobole, te c'axem jich a te bit'il te lum in to”, xi'.

Éxodo 32:10

Ora yo'tic ma me bila ya awal, melel mero ilinemon ta stojolic, jich yu'un ya xba jtup' ta jc'axel. Yan te ja'ate muc'ul lum ya cac' xc'oat —xi'.

Tito 1:2

yu'un ya jmaliytic te jcuxlejaltic ta sbajt'el q'uinal. Te Dios te ma spas lote, jich yaloj ta jamal ta xjajch'ibal to tel.

2 Timoteo 2:13

Teme ma junuc co'tantique, ja'uc me to, jun yo'tan ta jtojoltic stuquel. Melel jamal ya yal sba stuquel te Diose”, te xie.

San Marcos 6:5

Jich ma la spas jchajp at'eliletic tey a. Cha'oxtul nax chameletic la scajanbey sc'ab ta sjolic te la scoltaye.

Jeremías 48:34

Te ants-winiquetic ta Hesbón ya x'awunic yu'un xc'uxul te ma'yuquix bi ay yu'unique. Te yawique ja' to ya xc'ot ta Eleale soc Jahaza, soc c'alal ta Zoar ja' to ta Horonaim soc Eglat-selisiya, melel te sloq'uibja'etic yu'un Nimrim taquejiquix.

Isaías 65:8

Te Cajwaltic ya yal: —C'alal ay bayal ya'lel te ts'usube, te ants-winiquetic ma ba ya xch'ayic ni jtebuc, melel ya me xju' sloq'uesic bayal vino. Jich nix me ya jpas te jo'one, ta swenta xc'uxul co'tan ta stojol te abatetic cu'une, ma ba ya jin spamal te nacione.

Isaías 15:5

Co'tan ya jc'anbey coltayel ta swenta Moab; te swinictac ya xloq'uic bael ta anel c'alal ta Zoar, soc c'alal ta Eglat-selisiya. Te bay moel q'uinal yu'un Luhit, ya xmoic bael ta oq'uel; ta sbelal bael Horonaim ya xjajch'ic ta aw yu'un xc'uxul ta stojol te tulan uts'inele.

Génesis 19:21

Albotic yu'un: —Jichuc jiche, teme jich ya sc'an awo'tane, ma ba ya cac' lajuc te lum ya awale.

Génesis 19:23

Loq'uix tel c'aal a te och ta lum Zoar te Lote.

Deuteronomio 34:3

te Néguev, te ti'ti'ja' bael yu'un te muc'ja' Jordán soc te muc'ul spamlej yu'un Jericó, ja' te lum te banti ay bayal palmaetic, c'alal ta Zoar.