Génesis 19:2 - Bible in Tzeltal de Oxchuc y Tenejapa

² jich la yal: —Jtatiquetic, ya cal wocol ta atojolic te ya me xbaex ta jna te awabatone. Tey me ya xc'o apoc awacanic a, soc tey me ya xwayex a. Sab pajel ya xjajch'ex, ya xbaex —la yut. Ja'uc me to, albot yu'un: —Manchuc, wocol la awal. Tey ya xwayotic ta calle yo'tic —xiic.

Bible in Tzeltal Bachajón

² hich la yal: Jtatiquetic, awocoluc conic ta sna te a'bat awu'un, yu'un yac apoc awoquic soc ya xwayex tey a, ta sab pajel ya xhahchex xan bahel, xchi. La sjaq'uic: Ma'uc, ya xwayotcotic ta calle ha'i ahc'abal ini, xchihic.

Génesis 19:2 Referans Kwoze

Génesis 18:4

Ya me jc'an tel jtebuc ja' te ya apoc awacanic ae. Cuxa awo'tanic ta yaxinal te te'e.

Hebreos 13:2

Ma me xch'ay ta awo'tanic te ya awic' ochel ta anaic te mach'atic q'uejel ya xtalique. Melel ay mach'atic la yic' ochel ta snaic ch'ul abatetic te ma la sna'beyic sbae.

Hechos 16:15

Jich ac'bot yich' ja' soc spisil te mach'a ay yu'un ta snae. Soc jich la yalbotic wocol: —Teme ana'ojiquix stojol te jun co'tan jch'uunejix te Cajwaltique, la' me talan, ainanic ta jna —xi'. Ma ba laj yo'tan. Puersa la yic'otic bael te ba ainucotic ta snae.

San Lucas 7:44

Jich te Jesús la yil te antse, soc la yalbey te Simone: —¿La bal awil in ants to? Te c'alal julon ta anae ma la awac'bon ja' jpoc cacan a. Yan in ants to, la spocbon cacan ta ya'lel sit, soc la scusbon ta stsotsil sjol.

San Juan 13:5

La sq'ueb ja' ta vasija. Caj spocbey yacan te jnopojeletic yu'une, soc la staquintesbey ta toalla te chucul ta xch'ujt'e.

Génesis 19:1

Yaquix ta ijc'ubel q'uinal a te c'otic ta lum Sodoma te cheb ch'ul abatetique. Te Lot nacal ta yochibal ts'ajc' yu'un te Sodoma, ja' yawil ta bay c'aem ta stsobel sbaic te yajwal lume. C'alal te Lot la yilbey sitic, jajch' bael, la stinan sba coel c'alal ta lum, la sc'opon,

Génesis 19:3

Ja'uc me to, te bit'il ma laj yo'tan ta stojolic, la sjoinic bael. Ochic ta sna, la spasbey swaj swe'ic te ma ba yich'oj levadura, jich la smac'lin sbaic.

Génesis 24:31

Jich c'o yalbey: —Conic ta jna ja'at te awich'oj bendición yu'un te Cajwaltique. ¿Bistuc q'uejel ayat? La jchajbanix te jnae, soc banti ya x'ain te camelloetic awu'une —la yut.

Génesis 43:24

Patil ic'otic ochel ta yutil sna te José. Ac'bot ja' spoc yacanic a, soc ac'bot swe'el te sburroique.

Cantares 5:3

“La jloq'uesix te jc'u'-jpaq'ue; ¿ya to bal jcha'lap xan? La jpoquix te cacane; ¿ya to bal xc'ot xan ta ts'ubil lum?”, xoon yu'un.

2 Samuel 11:8

Patil la sticun bael ta sna, soc la yalbey te yacuc xba scux yo'tan ta sna. Te c'alal loc' bael ta sna muc' ajwalil te Urías, te muc' ajwalil la sticunbey we'elil yu'un smajt'an te Urías.

Job 31:32

te jo'one, ma ba la cac' c'axuc ajc'ubal yu'un ta calle. Spisil ora la jambey jna te jbeometique.

Proverbios 25:17

Teme ya awula'tay te apat-axujq'ue ma me spisiluc ora ya xbaat; repente ya sp'ajat yu'un, jich me ya yilayat ta yo'tan.