Génesis 19:17 - Bible in Tzeltal de Oxchuc y Tenejapa

¹⁷ C'alal loq'uix bael yu'unic a, la yalbey mandal: —Anan me bael, ma me xasujt'es aba ta yilel, soc ma me xjalajat ta spamlej. Anan bael ta witstiquil, teme ma x'ac'an ya xlajate —xiic.

Bible in Tzeltal Bachajón

¹⁷ C'alal loq'uix bahel ta fuera yu'unic a, la yalbeyic: Loc'anic ta ahnel yu'un te acuxlejal, ma me xasut asit ta apat soc ma me ayuc banti ya xhalajat ta spamlej ini; bahan ta ahnel ta witsiltic scuenta yu'un ma ba ya xlajat a, xchihic.

Génesis 19:17 Referans Kwoze

San Lucas 9:62

Te Jesús la yalbey: —Te mach'a ayix ta at'el soc te aradoe, teme ya yil sujt'el te spate, ma xtuun ta abatinel tey a ta banti ay ta ajwalinel te Diose —xi' te Jesuse.

Génesis 19:26

Ja'uc me to, te yinam Lot la sujt'es sba yil, jich a c'atp'uj ta balal ats'am.

Génesis 19:22

Suja aba, baan tey a. Melel ma xju' bi ya jpas ja' to teme ya xc'oat tey a —xi' sc'oplal yu'un. Zoar c'ot sbiil te lume, ta swenta bit'il tsail stuquel.

San Mateo 3:7

Te Juane la yil te tsobol fariseoetic soc saduceoetic te talemic yu'un te ya yac' sbaic ta ich'ja'e. Jich la yalbey yaiyic: —Te ja'exe, ja' sts'umbalex c'oem te jti'awal chanetique. ¿Mach'a la yalbeyex awaiyic te ya xju' ya acoltay abaic loq'uel ta swenta te tulan castigo te nopol ayixe?

Jeremías 48:6

¡Ananic bael, ac'a scoltay sba te mach'a ya xju' yu'une! Jichanic te bit'il ch'ix ta jochol taquin q'uinal.

1 Reyes 19:3

Elías la yaiy te nopol ya xlajix ta milele. Swenta yu'un jich ma xlajinbot xcuxlejal a, bajt' ta lum Beerseba te ay ta sq'uinal Judá. Tey la yijq'uitay a te yabate.

Génesis 13:10

Te Lot la stoy sit, la yil spamal te spamlej yu'un Jordán c'alal ta lum Zoar, la yil ma'yuc swocol yu'un ja' tey a. Yu'un jich ay yilel te bit'il t'ujbil awalts'unubile, ja' pajal yilel soc te sq'uinal Egipto. (Jich ay ta spamlejal te c'alal ma to xjinot yu'un Cajwaltic a te lum Sodoma soc te lum Gomorra.)

Salmos 121:1

C'alal ya jtoy moel jsit ta witstiquil, ya cal ta co'tan: “¿Banti ya xtal te coltayel cu'une?” xoon.

1 Samuel 19:11

Pero Saúl ora la yalbey tulan mandal te swinictac te ya me xbajt'ic ta sna David, swenta yu'un ya me stsajtay yilic soc ya me smilic ta buen sab ta sacubel q'uinal. Pero te Mical te yinam David la yac'bey sna', jich la yalbey: —Teme ma ba ya acoltay aba loq'uel in ajc'ubal to, pajel lajematix a —xi'.

Génesis 18:22

Jich bajt'ic te cheb winiquetique, beenic bael ta stojol Sodoma. Yan te Abraham teq'uel to jilel ta stojol Cajwaltic stuquel.

Hebreos 2:3

¿Bit'il c'an jcoltay loq'uel jbajtic uuc teme ma'yuc sc'oplal ta co'tantic te jcoleltic te c'ax muc' sc'oplale? Yu'un ja' nix Cajwaltic te la xcholbey sc'oplal ta neelal te jcoleltique. Te mach'atic la yaiybeyic stojol te sc'ope, ja'ic la yalbotic te bit'il smelelil c'op te bila la yale.

Génesis 14:10

Ta spamlej Sidim ay bayal ta jsejp lumq'uinal te ay xuch' tey a. Loq'uic ta anel te muc' ajwaliletic yu'un lum Sodoma soc yu'un lum Gomorra, tey ts'ajbajic coel ta xuch'. Te jaytul xan muc' ajwaliletic te jilemique, anic bael ta witstiquil.

Génesis 19:18

Te Lot la yalbey: —Ma niwan, tatiquetic.

Génesis 19:30

Te Lot la xi' te ya xnain ta lum Zoar, jich yu'un ba nainuc ta witstiquil ta nailch'en. La sjoin bael te cheb ach'ixetic, ja' te cheb yantsil-nich'nabe.

Números 16:26

Jich la yalbey te lume: —Loc'anic ta bay snailpaq'uic te bol winiquetic, soc ma me xapicbeyic te bila ay yu'unique, teme repente ya xlajat bael yu'un uuc te smulique —xi'.

1 Reyes 1:12

La', ay me bila ya calbat awaiy, swenta yu'un jich me ya ana' bit'il ma ba ya xlajat soc te awal Salomón.

San Lucas 12:23

Melel ma ja'uc bayal sc'oplal te awe'elique; ja' cajal sc'oplal te acuxlejalique. Soc ma ja'uc bayal sc'oplal te ac'u'-apaq'uique; ja' cajal sc'oplal te abaq'uetalique.