Génesis 19:16 - Bible in Tzeltal de Oxchuc y Tenejapa

¹⁶ Te bit'il yoquelal ma xloc' te Lot, te cheb winiquetic la stsacbeyic sc'ab, soc la stsacbeyic sc'ab te yinam soc te cheb yantsil-nich'nabe. La yiq'uic loq'uel ta lum te bit'il ayic ta c'uxtayel yu'un te Diose.

Bible in Tzeltal Bachajón

¹⁶ Te bin ut'il yoquelal ma xloc' te Lot, te cheb winiquetic la stsacticlambeyic sc'ab soc te sc'ab te yihnam soc te cheb yantsil-nich'nab, la yiq'uic loq'uel ta pueblo, ta scaj te na'bot yo'bolil sbahic yu'un te Jehová.

Génesis 19:16 Referans Kwoze

2 Pedro 2:9

Jich chican ta jamal te ya xju' yu'un te Cajwaltic te ya yac' ta libre yu'un sujel te mach'atic jun yo'tan yac'oj sbaic ta stojol. Soc ya to sq'uej te mach'atic ma tojuc yo'tanique, swenta yu'un ya yac'bey castigo c'alal ya sta sc'aalelal te ich'el ta c'ope.

Tito 3:5

Melel te jo'otique, ma ta swentauc cat'eltic te la scoltayotique; ta swenta nax xc'uxul yo'tan te la quich'tic atintesel yu'un, la yac' cha'ayinucotic xan, soc la yac'botic quich'tic yach'il cuxlejal ta swenta te Ch'ul Espiritue.

2 Corintios 1:3

Jelawen yutsil te Diose te Stat te Cajwaltic Jesucristoe. Ja' Jtatic uuc te bayal ya xc'uxtayotique, soc ja' Dios cu'untic te ya smuc'tes q'uinal caiytic spisil orae.

San Juan 6:44

Ma'yuc mach'a ya xtal jtuluc ta jtojol te manchuc ja'uc ya yic' tel te Jtat te ticunbilon tel yu'une, soc ya me jcha'cuxes tel ta slajibal c'aal.

San Lucas 18:13

“Yan te jc'an-patane, q'uejel to la stejc'an sba jilel stuquel. La stinan sba ta stojol Dios. Ma la sc'an stoy moel te site. La smajulay yo'tan. Jich la yal: “Dios cu'un, pasbon perdón te bit'il jmulawilon ta atojol”, xi'.

Lamentaciones 3:22

Ja' te xc'uxul yo'tan te Cajwaltique, ma'yuc slajibal stuquel, ma xch'ay te yutsil yo'tane.

Isaías 63:9

yu'un spisil te swocolique. Ma yu'unuc yan mach'a la sticun tel te tal ta coltaywaneje; ja' nix tal stuquel te Cajwaltique. Ta swenta xc'uxul yo'tan la yac' ta libre soc yutsil yo'tan, la sjach, la stsac ta sc'ab. Jich la spas spisil ora.

Salmos 136:1

Albeyaic wocol te Cajwaltic. Albeyaic wocol te Cajwaltique, melel lec yo'tan stuquel, sbajt'el q'uinal ay te xc'uxul yo'tane.

Salmos 119:60

Cac'ojix puersa, ma ba ya xch'ajubon ta spasel te mandaliletic awu'une.

Salmos 118:1

Albeyaic wocol te Cajwaltic. Albeyaic wocol te Cajwaltique, melel lec yo'tan stuquel, soc te xc'uxul yo'tan sbajt'el q'uinal ay.

Salmos 111:4

Ma'yuc bay ch'ayem ta co'tantic ta jpisiltic te bitic jchajp nax yutsil spasoje. Te Cajwaltic t'ujbil yutsil yo'tan ta sna'el yo'bolil jbatic;

Salmos 107:1

Albeyaic wocol te Cajwaltique, melel lec yo'tan stuquel; te xc'uxul yo'tane sbajt'el q'uinal ay.

Salmos 106:8

Ja'uc me to, Dios la scoltay soc la yac'bey sna'bey sba yu'el, swenta yu'un ya x'ac'ot ta ich'el ta muc' yu'un a.

Salmos 106:1

¡Bin nax yutsil te Cajwaltique! Albeyaic wocol te Cajwaltic, melel lec yo'tan stuquel; te xc'uxul yo'tane sbajt'el q'uinal ay.

Salmos 103:13

Te Cajwaltic ay xc'uxul yo'tan ta stojol te mach'atic ya x'ich'ot ta muc' yu'unic, jich bit'il tatil te c'ux ya yaiy ta yo'tan te snich'nabe.

Salmos 86:15

Pero ja'at Cajwal, Diosat te ya xtal xc'uxul awo'tan ta jtojol, te ya ana'bon yo'bolil jba, soc te ma orauc ya x'ilinat ta jtojol. Bayal xc'uxul awo'tan, soc muc' te smelelil ac'ope.

Salmos 86:5

Melel ja'at Cajwal, buen lec awo'tan soc jpas-perdonat atuquel; mero jc'uxtaywanejat yu'unic te mach'atic ya yalbat wocole.

Salmos 34:12

¿Ya bal ac'an xcuxinat bayal c'aal? ¿Ya bal ac'an awaiybey yutsilal te acuxlejale?

1 Crónicas 16:34

“Albeyaic wocol te Cajwaltic, te melel lec yo'tan. Te xc'uxul yo'tan sbajt'el q'uinal ay stuquel.

Deuteronomio 4:31

te bit'il mero lec yo'tan stuquel, ma me ba ya spijt'esex, soc ma me ba ya slajinex. Ma ba ya xch'ay ta yo'tan te trato la spas soc te antiguo ame'-atatic, te jc'axel yaloj te ya sc'otes ta pasele.

Números 14:18

Awaloj te ma orauc nax ya x'ilinat, te mero muc' ta jyalel te xc'uxul awo'tan, soc te ya apasbey perdón yu'un smulic soc te stoybailique. Ya jna' te ma xch'ay castigo ta stojol te mach'a ay smul, te ya awac'bey castigo soc snich'nab smamatac c'alal ta xchancajal.

Éxodo 34:6

C'ax ta stojol te Moisés, tulan a c'opoj: —¡Jo'on Ajwalilon! ¡Jo'on Ajwalilon! Jo'on te Dioson te ya jna'bat yo'bolil aba, soc t'ujbil yutsil co'tan. Ma orauc ya x'ilinon, soc mero muc' xc'uxul co'tan. Ma jpasat ta lot.

Romanos 9:18

Jich yu'un ja' chican yo'tan stuquel te Dios te mach'a ya xc'uxtaye, soc ja' chican yo'tan te mach'a ya yac' tulanubuc yo'tane.

Josué 6:22

Te Josué la yalbey te jtsajtaywanejetic yu'un te q'uinale: —Baanic ta sna te jmulawil antse, loq'uesaic tel ta sna soc spisil te mach'atic ay yu'une, jich me te bit'il la awalbeyic jilele —xi'.

2 Pedro 2:7

Ja'uc me to, Dios la scoltay loq'uel te Lote te toj ta winiquile. Bayal la smel yo'tan yu'un te bit'il la yil te amen te bila la spasic te mach'atic ixta yo'tanique.

Génesis 19:15

C'alal yaquix ta sacubel tel te q'uinale, te cheb ch'ul abatetic la sujic te Lot, jich la yalbeyic: —Jajch'an, suja aba, ic'a bael te awiname, soc te cheb awantsil-nich'nab ajoineje, ma me pajaluc ya awich'ic castigo soc te lume —la yutic.

Éxodo 34:7

Ma xch'ay xc'uxul co'tan ta stojol jmil ta caj awal-anich'an. Ya jpasbey perdón yu'un te stoybailic, te xc'axintayel jmandal, soc spisil te smulique. Ja'uc me to, ma xch'ay castigo ta stojol te mach'a ay bila smulineje. Ya me cac'bey castigo yu'un stoybailic te sme'-static, te snich'nabic soc te snich'nabic uuc te snich'nabe, c'alal ta yoxcajal, xchancajal te yal-snich'nabe —xi' te Cajwaltique.

Deuteronomio 5:15

Na'a me te ja' nix jich c'axat ta mozoil ta Egipto, te tey la jloq'uesat tel a te Ajwalilon te Dioson awu'un ta swenta smuc'ul yip cu'el. Ja' yu'un te Ajwalilon te Dioson awu'une ya jpasat ta mandal te ya acanantay te sc'aalelal cux-o'tane.

Deuteronomio 6:21

jich me xawalbeyic: “Melel te jo'otique smozootic faraón ta Egipto a. Te Cajwaltique ta swenta smuc'ul yu'el te la sloq'uesotic tel tey a.

Deuteronomio 7:8

Te Cajwaltic la sloq'uesex tel ta sq'uinal Egipto te banti ayex ta mozoile. Ta swenta smuc'ul yip yu'el la scoltayex loq'uel tel ta sc'ab faraón ta swenta nax te c'uxex ta yo'tan, soc jich la yac' c'otuc ta pasel a te bila chapal yu'un soc te antiguo jme'-jtatique.

Salmos 32:10

Te mach'atic amenic ya me yaiybeyic bayal xc'uxul; ja'uc me to, te xc'uxul yo'tan Cajwaltic ya me spots a te mach'atic ya smuc'ulin yo'tanique.

Salmos 33:18

Yan te Cajwaltic spisil ora ya scanantay te mach'atic ya yich'ic ta muc' soc te ja' smuc'ulinej yo'tanic te xc'uxul yo'tane,

Salmos 33:19

swenta yu'un ya scoltay ta lajel soc ya me yac'bey bitic ya xcuxinic a ta yorail te wi'nale.

Génesis 43:10

Melel te manchuc lajuc acomotique, xchebal meix buelta cu'untic a te jichuque —xi'.