Génesis 19:13 - Bible in Tzeltal de Oxchuc y Tenejapa

¹³ Yu'un ya me cac'tic lajuc te lume, melel c'otix ta stojol Cajwaltic te smulique. Jich yu'un te Cajwaltic la sticunotiquix tel ta slajinel —xiic.

Bible in Tzeltal Bachajón

¹³ yu'un ya me jlajincotic te lugar ini, como bayel c'opetic ta scontra te yajwal te pueblo ini te c'ohtix ta stojol Jehová; ha yu'un te Jehová la sticonotcotic talel ta slajinel, xchihic.

Génesis 19:13 Referans Kwoze

Génesis 18:20

Jich la yal Cajwaltic ta stojol Abraham: —Te yajwal Sodoma soc Gomorra bolobeniquix, esmajix smulic ta jyalel.

Judas 1:7

Jich bit'il te lum Sodoma soc Gomorra soc te yan lumetic te ayic ta sjoylejale, pajalic soc te ch'ul abatetic te la calixe. La sle smulic ta sbaq'uetalic. C'aic ta spasel te sjoy sbaic nax ta winiquil te ya yuts'inbey sbaic sbaq'uetalique. Ja' in lumetic to, ja' ejemplo ta stojol spisil ants-winiquetic te ac'botic castigo ta c'ajc' sbajt'el q'uinal.

Hechos 12:23

Ta ora nax tal jtul ch'ul abat yu'un te Cajwaltique, la yejch'entes te Herodese, scaj te ma ja'uc la yac' ta ich'el ta muc' te Diose. Jich laj ta ti'el yu'un yalja. Jc'axel laj yu'un.

Santiago 5:4

Aiya awaiy stojol, yac ta c'op ta atojolic te stojol sc'ab te j'at'eletic awu'unic te at'ejemic ta aq'uinalique. Ta scaj te la alo'layique jich ma la atojic. Te yoq'uel te j'at'eletic awu'unique, c'otix ta xchiquin te Cajwaltic te Spisil ya xju' yu'une.

Isaías 37:36

Te ch'ul abat yu'un Cajwaltic bajt', ba smil jo'eb slajunwinic ta jmil (185,000) soldadoetic ta scampamento te asiriaetique; ta xchebal c'aalil spisilic lajemiquix a te sacub q'uinale.

Isaías 36:10

Soc xan ¿yu'un bal ya acuy te jich nax talon ta guerra, te ma swentauc te Awajwalique? Ja' nix la yal mandal te tal cac'beytic guerra soc ta sjinel te lume —xi'.

Isaías 3:11

¡Obol sba te mach'a c'ax amen yat'ele, melel amen ya xc'ot ta loq'uel! Dios me ya yac'bey stoj, ja' chican te bit'il ay te yat'ele.

Génesis 13:13

Ja'uc me to, amen yat'elic te yajwal lum Sodoma, mero jmulawiletic ta stojol te Cajwaltique.

Génesis 19:12

Te Lot albot yu'un te winiquetique: —¿Ay to bal mach'a ay xan awu'un, ay bal anialtac, soc awal-anich'nab, soc spisil bitic ay awu'un li' ta lum to? Teme aye, loq'uesa me bael.

Levítico 26:30

Jo'on me ya jlajinbeyex te toyol ch'uunjibaletic stuquelique, ya me jxet'beyex ta olil te scajtijib ta chiq'uel majt'anil pom awu'unique. Ya me jbusanbeyex abaq'uetalic te ma ba cuxulix ta sba te loc'ombaetic awu'unique. Ya me cac'beyex awilic te ilaybilex cu'une.

Deuteronomio 4:26

ja' me testigoetic cu'un te ch'ulchan soc te balumilale, ora me ya awich'ic ch'ojel loq'uel ta lumq'uinal te ya xba awu'uninic ta jejch' ja' Jordán. Ma me jaluc c'aal ya xnainex ta q'uinal, ya me awich'ic lajinel ta jc'axel.

Deuteronomio 28:45

“Ta spisil ta jchajp castigo ya me xtal ta atojol, ya awich' nutsel yu'un, ya me staat asta ya slajinat ta jc'axel. Jich ya xc'ot, melel ja'at nix ma ba la ac'an ach'uunbey smandal te Cajwaltic Dios, soc ma ba la ac'an la apasbey bael ta spisil te mandaliletic yu'un te la yalbat apase.

Jeremías 44:22

Ja'uc me to, te Cajwaltic ma xcujch'ix yu'un te sbolil awat'elic te la apasic te ja'exe, ma lecuc yo'tan yu'un. Jich yu'un te alumalique jinemix ta jc'axel yo'tic, ma'yuquix mach'a nainemic tey a; c'atp'ujex ta ejemplo yu'un castigo, te ya yac' xiwele.

Números 16:21

—Q'ueja abaic loq'uel ta yolil te lume, ta ora nax me ya jlajin —xi'.