Génesis 19:12 - Bible in Tzeltal de Oxchuc y Tenejapa

¹² Te Lot albot yu'un te winiquetique: —¿Ay to bal mach'a ay xan awu'un, ay bal anialtac, soc awal-anich'nab, soc spisil bitic ay awu'un li' ta lum to? Teme aye, loq'uesa me bael.

Bible in Tzeltal Bachajón

¹² Te Lot hich halbot yu'un te winiquetic: ¿Ay bal yan mach'a ay awu'un li'i? Loq'uesa bahel li' ta lugar ini te ani'altac, awal-anich'nab, soc spisil bintic ay awu'un ta pueblo,

Génesis 19:12 Referans Kwoze

Génesis 7:1

Te Cajwaltic la yalbey te Noé: —Ochan ta barco soc spisil mach'a ay awu'un, melel ta spisil te mach'atic ay ta q'uinal, ja'at nax atuquel te ya apasbon sc'anjel co'tan ya quile.

Apocalipsis 18:4

Ay yan mach'a c'opoj tel ta ch'ulchan la caiy te jich la yale: “Ja'ex te lumex cu'un, loc'anic tel tey a ta bay te muc'ul lume, swenta yu'un jich ma ba ya ajoinic ta sleel te smulique soc ma ba ya staex te castigo ya yich'e.

2 Pedro 2:7

Ja'uc me to, Dios la scoltay loq'uel te Lote te toj ta winiquile. Bayal la smel yo'tan yu'un te bit'il la yil te amen te bila la spasic te mach'atic ixta yo'tanique.

2 Pedro 2:9

Jich chican ta jamal te ya xju' yu'un te Cajwaltic te ya yac' ta libre yu'un sujel te mach'atic jun yo'tan yac'oj sbaic ta stojol. Soc ya to sq'uej te mach'atic ma tojuc yo'tanique, swenta yu'un ya yac'bey castigo c'alal ya sta sc'aalelal te ich'el ta c'ope.

Números 16:26

Jich la yalbey te lume: —Loc'anic ta bay snailpaq'uic te bol winiquetic, soc ma me xapicbeyic te bila ay yu'unique, teme repente ya xlajat bael yu'un uuc te smulique —xi'.

Génesis 19:17

C'alal loq'uix bael yu'unic a, la yalbey mandal: —Anan me bael, ma me xasujt'es aba ta yilel, soc ma me xjalajat ta spamlej. Anan bael ta witstiquil, teme ma x'ac'an ya xlajate —xiic.

Jeremías 32:39

Ya me cac' te ayuc yutsil yo'tanic ta jtojol, soc te jc'axel ya yich'onic ta muc' ta spisil xcuxlejal, ta swenta slequilal soc te sts'umbalique.

Génesis 19:22

Suja aba, baan tey a. Melel ma xju' bi ya jpas ja' to teme ya xc'oat tey a —xi' sc'oplal yu'un. Zoar c'ot sbiil te lume, ta swenta bit'il tsail stuquel.

Génesis 19:14

Jich loc' bael te Lot, ba sc'opon te queremetic te chapal ya yic' sbaic soc te yantsil-nich'nabe, jich la yalbey yaiyic: —Jajch'anic, loc'anic tel, yu'un ya yich' lajinel yu'un Cajwaltic te lume —la yut. Ja'uc me to, te queremetic la scuyic te ma meleluc.

Génesis 19:11

Soc la sc'atp'un ta ma'sit te winiquetic, te queremetic, te mamaletic tejc'ajtic ta c'op ta ti'nail. Jich lubic ta sleel te ti'naile.

Génesis 19:13

Yu'un ya me cac'tic lajuc te lume, melel c'otix ta stojol Cajwaltic te smulique. Jich yu'un te Cajwaltic la sticunotiquix tel ta slajinel —xiic.

Jeremías 51:45

Lum cu'un, loc'anix bael tey a; juju-jtul ac'a me scoltay sba loq'uel yu'un te sc'aal quilimbae.