Génesis 18:9 - Bible in Tzeltal de Oxchuc y Tenejapa

⁹ C'alal laj yo'tanic ta we'el, la sjojc'obeyic: —¿Banti ay te awinam Sara? —xiic. —Ay ta yutil nailpac' —xi' te Abrahame.

Bible in Tzeltal Bachajón

⁹ La sjoc'oyic: ¿Banti ay te awihnam Sara? xchihic. Ay ta nahilpac', xchi.

Génesis 18:9 Referans Kwoze

Tito 2:5

soc te lecuc ya xc'opojique, te ma'yuc mulil ta yo'tanique, te ya sna'ic scanantayel te snaique, te ay yutsil yo'tanique, soc te jun yo'tan ya xch'uunbeyic smandal te smamlalique, swenta yu'un ma'yuc ta toybac'optayel te sc'op Diose.

Génesis 24:67

Jich te Isaac la yic' yinamin te Rebeca, la yic' ochel ta nailpac' te bay nain te anima sme'e, ja' te Sara. Nujbin soc, buen c'ux ta yo'tan la yaiy. Jich muc'ub q'uinal la yaiy te Isaac te bit'il lajemix te sme'e.

Génesis 31:33

Jich yu'un te Labán och slebey ta yutil snailpac' te Jacob, soc ta yutil snailpac' te Lea, soc ta yutil snailpac' te cheb criadaetique. Ma'yuc bi la sta. Loc' ta snailpac' te Lea, och bael ta snailpac' te Raquel.

Génesis 4:9

Dios la sjojc'obey te Caín: —¿Banti ay te awijts'in Abel? —la yut. La sjac' te Caine: —Ma xquil, ¿yu'un bal jo'on jcanantayej te quijts'ine? —xi'.

Hebreos 11:9

Ta swenta xch'uunjel yo'tan te Abrahame, jun yo'tan nain tey a ta bay ma slumaluc te ja' nix te q'uinal te albot yaiy yu'un Dios te ya sq'uinaline. Tey la snain nailpac' a, soc tey nix la snain nailpac' uuc te Isaaque soc uuc te Jacobe, te jich nix albot yaiyic yu'un Dios uuc te ya sq'uinalinique.

Génesis 3:9

Te Dios la yawtay tel sc'opon te winique, jich la sjojc'obey: —¿Banti ayat? —la yut.

Génesis 18:8

Soc la yich' tel queso soc leche, soc te alal wacax te la yich' chajbanel yu'une, la spajch'anbey swe'ic. Soc la stejc'an sba ta nopol ta yet'al te', ochic ta we'el.

Génesis 18:10

Albot yu'un te jtule: —Jamal ya calbat, ya to me xcha'talon xan quilat ta yan ja'wil. Ja' me yorail te ya x'alaj te Sara, ja' te awiname —xi'. Te Sara ay ta bay sti' nailpac' ta spatic, jich la yaiy stojol te bi la yich' alele.