Génesis 18:7 - Bible in Tzeltal de Oxchuc y Tenejapa

⁷ Animal bajt' ta corral te Abrahame. La stsac jcojt' alal wacax ta bay jujp'ene, la yac'bey spas te yabate, swenta yu'un ya xchajbanbey ta ora.

Bible in Tzeltal Bachajón

⁷ Te Abraham ahnimal baht ta banti ay te wacaxetic, la stsac jcoht alal wacax te tut soc lec, la ya'be te ya'bat te la schahpan ta ora.

Génesis 18:7 Referans Kwoze

San Lucas 15:30

Yan te c'alal sujt' tel te alequil-nich'an te la sjowil-lajinbat ataq'uin ta jmulawil-ants, ja' la amilbeyix jujp'en tat wacax stuquel”, xi' te banquilale.

San Lucas 15:27

La yal te abate: “Yu'un ja' sujt'ix tel te awijts'ine. Jich te atate bin nax yo'tan la yac' ta milel jujp'en tat wacax, yu'un lec sujt' tel te awijts'ine”, xi' te abate.

San Lucas 15:23

Soc ic'aic tel te jujp'en tat wacaxe, milaic jti'tic, yu'un ya me jpastic q'uin.

San Mateo 22:4

La sticun xan yan abatetic. Jich la spas bael ta mandal: “Albeya te mach'atic ic'bilique: ‘Chapalix cu'un te we'elile. La caq'uix ta milel te toroetic cu'une soc te jujp'en chambalametique. Spisil chapalix. Jich yu'un la'ic me ta yilel ta ora te nujbinele’, uta me”, xi' te ajwalile.

Malaquías 1:14

Ch'aybil me ya xc'ot te mach'a ya xlo'laywan te ya yal ta jamal te lec ayic ta sc'op te xchamsbalam te ya xtal smilbonic te bolobene. Jo'on te muc' Ajwalilon, jo'on xi'bilon yu'un spisil te nacionetic —xi' te Cajwaltic te Spisil ya xju' yu'une.

Amós 6:4

Ya ats'ean abaic ta t'ujbil nactijibal te ch'albil ta marfil, tey ya amejts'an abaic ta we'el yu'un q'uin; ya awe'elinic alal chijetic soc jujp'en alal wacaxetic.

Génesis 19:3

Ja'uc me to, te bit'il ma laj yo'tan ta stojolic, la sjoinic bael. Ochic ta sna, la spasbey swaj swe'ic te ma ba yich'oj levadura, jich la smac'lin sbaic.

Génesis 18:6

Jich te Abraham ora ba sc'opon te Sara ta yutil nailpac', jich la yalbey: —Pasa we'elil ta ora, p'isa loq'uel tel jtabuc kilo harina ya awots', ts'ajana ta ac'al —la yut.

Génesis 18:8

Soc la yich' tel queso soc leche, soc te alal wacax te la yich' chajbanel yu'une, la spajch'anbey swe'ic. Soc la stejc'an sba ta nopol ta yet'al te', ochic ta we'el.

1 Samuel 28:24

Jich te antse, ora la smil jcojt' ch'in jujp'en wacax te ay yu'un ta sna, soc och ta swots'el harina ma'yuc slevadurail, swenta yu'un ya spas ta pan.