Génesis 18:6 - Bible in Tzeltal de Oxchuc y Tenejapa

⁶ Jich te Abraham ora ba sc'opon te Sara ta yutil nailpac', jich la yalbey: —Pasa we'elil ta ora, p'isa loq'uel tel jtabuc kilo harina ya awots', ts'ajana ta ac'al —la yut.

Bible in Tzeltal Bachajón

⁶ Hich te Abraham ora baht ta nahilpac' te banti ay te Sara, hich la yalbe: Ich'a ta ora oxp'is lequil harina, wots'a, pasa ta pan, xchi.

Génesis 18:6 Referans Kwoze

San Mateo 13:33

Ay yan seña-c'op te la yal te Jesuse: —Te bit'il ay ta ajwalinel te Dios te ay ta ch'ulchane, ja' pajal soc te levadura te la scap ta wots'el soc oxp'is harina te antse, ja' to te pujc' yip ta sc'olol —xi' te Jesuse.

1 Pedro 4:9

Binuc nax me awo'tanic te ya awic' ochel ta anaic te mach'a ya xtal yilexe. Ma me xjajch' ta aiyej awo'tanic yu'un.

Hebreos 13:2

Ma me xch'ay ta awo'tanic te ya awic' ochel ta anaic te mach'atic q'uejel ya xtalique. Melel ay mach'atic la yic' ochel ta snaic ch'ul abatetic te ma la sna'beyic sbae.

Gálatas 5:13

Melel te ja'ex quermanotac, Dios la yiq'uex ta stojol swenta yu'un jich me jc'axel libre ya x'ainex yu'un. In te bit'il libre ayexe, ¿yu'un bal lec teme ya xjajch' apasic spisil te bila stalel ya smulan spasel te jmulawil jbaq'uetaltique? Ja' lec teme talel c'axel ya awac' abaic ta abatinel ta swenta bit'il c'ux ya awaiy abaic ta awo'tanic.

Romanos 12:13

Q'uebanbeya abiluquic teme ay bila ma'yuc yu'un te mach'atic ch'ul lum yu'un te Diose. Binuc nax me awo'tan xawiq'uic ochel te mach'a ya xtal yilate.

Hechos 16:15

Jich ac'bot yich' ja' soc spisil te mach'a ay yu'un ta snae. Soc jich la yalbotic wocol: —Teme ana'ojiquix stojol te jun co'tan jch'uunejix te Cajwaltique, la' me talan, ainanic ta jna —xi'. Ma ba laj yo'tan. Puersa la yic'otic bael te ba ainucotic ta snae.

Isaías 32:8

Yan stuquel te mach'a lec sc'oplale ay nix muc' snopjibal yu'un a, te snopjibal te bila chapal yu'une ma xyanaj yu'un.

Génesis 18:5

Ya xba quich'bat tel jtebuc awe'el, yu'un ma me xcom q'uinal ya awaiyic ta beel. Patil me ya xbaex, melel ja' swentail te talex ta stojol te awabate —la yut. La sjaq'uic: —Jichuc, pasa te bit'il la awale —xiic yu'un.

Génesis 18:7

Animal bajt' ta corral te Abrahame. La stsac jcojt' alal wacax ta bay jujp'ene, la yac'bey spas te yabate, swenta yu'un ya xchajbanbey ta ora.

Génesis 19:3

Ja'uc me to, te bit'il ma laj yo'tan ta stojolic, la sjoinic bael. Ochic ta sna, la spasbey swaj swe'ic te ma ba yich'oj levadura, jich la smac'lin sbaic.

Jueces 6:19

Te Gedeón bajt' ta xchajbanel tel jcojt' ch'in tentsun, soc jtab ta jp'is harina la spas ta pan te ma ba yich'oj levadura. La yac' bael ta moch te ti'bale. Te ya'lel la yac' bael ta oxom. La yich' bael spisil c'alal ta jijte'.

1 Samuel 28:24

Jich te antse, ora la smil jcojt' ch'in jujp'en wacax te ay yu'un ta sna, soc och ta swots'el harina ma'yuc slevadurail, swenta yu'un ya spas ta pan.

2 Samuel 13:6

Te Amnón och bael ta swayib, la spas sba te ay ta chamel. Te c'alal bajt' ta ilel yu'un te muc' ajwalile, te Amnón jich la yalbey: —Wocoluc, ac'a taluc te quijts'in Tamar. Ac'a tel spasbon cha'pejch'uc lequil pan, soc ja' nix ac'a yac'bon jwe' —xi'.

Salmos 119:60

Cac'ojix puersa, ma ba ya xch'ajubon ta spasel te mandaliletic awu'une.