Génesis 18:5 - Bible in Tzeltal de Oxchuc y Tenejapa

⁵ Ya xba quich'bat tel jtebuc awe'el, yu'un ma me xcom q'uinal ya awaiyic ta beel. Patil me ya xbaex, melel ja' swentail te talex ta stojol te awabate —la yut. La sjaq'uic: —Jichuc, pasa te bit'il la awale —xiic yu'un.

Bible in Tzeltal Bachajón

⁵ Ya quich' tal jtebuc we'elil yu'un yac ata xan awipic a, patil ya xbahex; yu'un ha scuentahil te talex ta stojol te awa'bate, xchi. La sjaq'uic: Hichuc, pasa te bin la awale, xchihic.

Génesis 18:5 Referans Kwoze

Jueces 13:15

Te Manoa ma ba sna'oj stojol teme ja' te ch'ul abat yu'un Cajwaltic, jich la yalbey: —Wocoluc a, joinawotic xan, ya jchajbanbat ati' ch'in tentsun —la yut. Ja'uc me to, te ch'ul abat la yal: —Manchuc me ya jcom jba, ma xju' ya jtuuntesbat te awe'ele; ja'uc me to, ya xju' ya achic'bey smajt'anin Cajwaltic te ch'in tentsune —xi'.

Salmos 104:15

ja' te waj te ya x'ac'bot yip yu'un, soc te vino te ya xbujts'naj yo'tan yu'un, soc te aceite te ya x'ach'ub yelaw yu'un.

Jueces 19:5

Ta xchanebal c'aal sab jajch'ic te ya xbajt'iquix; ja'uc me to, te c'alal baeliquix a, te stat te antse la yalbey te sniale: —We'an, manchuc me ch'in xejt' xanix ya awe' te bit'il ma to xbaate, swenta yu'un ay me awip a —xi'.

Jueces 6:18

Wocoluc a, ma to me xbaat ja' to me teme sujt'on tel ta yich'el tel amajt'an, te ya jc'an cac'bate —xi'. Te Cajwaltic la yalbey ta jamal: —Lec ay. Ya jmaliyat te ya sujt'at tele —xi'.

Génesis 33:10

Ja'uc me to, la yal te Jacob: —Wocoluc, ich'bon amajt'anin, teme c'uxon ta awo'tane. Yu'un la quilbey sit Dios la caiy a te bit'il la quilbat asite, soc bin nax co'tan yu'un te bit'il lec awo'tan cu'une.

Génesis 19:8

Aiya awaiyic stojol, ay cheb cantsil-nich'nab te ma ba tabilic ta winic, ya quic' loq'uel tel, chican bi ya awutic. Ja'uc me to, ma me bi xapasbeyic te winiquetic, yu'un ochemic ta jna —la yut.

Isaías 3:1

¡Ilawilic ta lec! Te Cajwaltic te Spisil ya xju' yu'un ya me sloq'ues ta Jerusalén soc ta Judá spisil te mach'atic ya sle te bitic ya xtuun, spisil ta jchajp we'eliletic soc te ja'e.

San Mateo 6:11

Ac'botic we'elil swenta in c'aal to.

Génesis 18:6

Jich te Abraham ora ba sc'opon te Sara ta yutil nailpac', jich la yalbey: —Pasa we'elil ta ora, p'isa loq'uel tel jtabuc kilo harina ya awots', ts'ajana ta ac'al —la yut.

Jueces 6:19

Te Gedeón bajt' ta xchajbanel tel jcojt' ch'in tentsun, soc jtab ta jp'is harina la spas ta pan te ma ba yich'oj levadura. La yac' bael ta moch te ti'bale. Te ya'lel la yac' bael ta oxom. La yich' bael spisil c'alal ta jijte'.

1 Reyes 17:11

Yaquix ta bael ta yich'el tel a te ja'e, te Elías la yic' xan tel, jich la yalbey: —Wocoluc, ich'bon tel soc jpejch'uc waj —la yut.