Génesis 18:32 - Bible in Tzeltal de Oxchuc y Tenejapa

³² La yalbey xan: —Ma me x'ilinat te ja'at Cajwal, teme ya jc'oponat jun xan buelta: ¿Ja'xan teme ay nax lajuntul ya atae? —xi'. Albot yu'un: —Ta scaj te lajuntule, ma ba ya cac' lajuc —xi'.

Bible in Tzeltal Bachajón

³² La yalbe xan: Ma me x'ilinat, Cajwal, teme ya jc'oponat jun xan buelta: ¿Ha xan teme ay lajuntuhl (10) tey a? xchi. Halbot yu'un: Ma ba ya jlajin ta scaj te lajuntuhl (10), xchi te Jehová.

Génesis 18:32 Referans Kwoze

Jueces 6:39

Ja'uc me to, te Gedeón jich la yal: —Ma me x'ilinat ta jtojol yu'un te ay bi ya calbat xan: yu'un ya jc'an ya jpas jun xan prueba quil. Yo'tic, taquin ac'a jiluc te snujc'ulel chije. Te ts'ujul ta ajc'ubal, ajch'em ac'a jiluc yu'un te lumq'uinale —xi'.

San Mateo 7:7

“C'anbeya te Diose, jich me ya yac'bat. Lea te bila ya ac'ane, jich me ya ata ta leel. C'opojan ta ti'nail, jich me ya sjambat te Diose.

Efesios 3:20

Ta ora to, ac'a chicnajuc yutsilal ta bayuc te Diose. Ya xju' yu'un spasel spisil, c'ax jich te bit'il ya jc'anbeytique soc te bit'il ya jna'tique, ta swenta bit'il yac ta at'el te yu'el ta jtojoltique.

Miqueas 7:18

Ma'yuc yan Dios jich te bit'ilate, melel ya apasbey perdón yu'un te bila amen spasojique, soc ya ach'aybey ta awo'tan stoybail te lum te jilem xan jtebuque. Te ja'at ya awac'botic quiltic te xc'uxul awo'tan; soc ma'yuc ta awo'tan sbajt'el q'uinal te awilimbae.

Isaías 65:8

Te Cajwaltic ya yal: —C'alal ay bayal ya'lel te ts'usube, te ants-winiquetic ma ba ya xch'ayic ni jtebuc, melel ya me xju' sloq'uesic bayal vino. Jich nix me ya jpas te jo'one, ta swenta xc'uxul co'tan ta stojol te abatetic cu'une, ma ba ya jin spamal te nacione.

Proverbios 15:8

Te majt'aniletic ya yaq'uic te mach'atic amen yo'tanic, ya yilay te Cajwaltique; yan te mach'atic toj yo'tanique, bin nax yo'tan ya stsacbey sc'op stuquelic.

Salmos 86:5

Melel ja'at Cajwal, buen lec awo'tan soc jpas-perdonat atuquel; mero jc'uxtaywanejat yu'unic te mach'atic ya yalbat wocole.

Job 33:23

“Pero teme nopol ay ta sts'eel jtul ch'ul abat, manchuc me ay jmil te ya scontroc'optay, teme “Lec ay”, teme xi' sc'oplal yu'un te jtule, soc teme ya yal ta jamal te toj te yat'ele,

Éxodo 32:14

Te Cajwaltic la sujt'es sc'op, scaj te la yalbey te Moisés te ma xyuts'in te lum yu'une.

Génesis 18:30

Soc la yalbey xan wocol: —Ma me x'ilinat ta jtojol, Cajwal, teme ya jc'oponat xan. ¿Ja'xan teme ay nax lajuneb xcha'winic (30)? —xi'. Albot yu'un: —Ma ba ya jpas jich teme ay lajuneb xcha'winic (30) ya jta —xi'.

Génesis 18:31

La yalbey xan: —Cajwal, ya me jc'oponat xan: ¿Ja'xan teme ay nax jtab ya ata? —xi'. Albot yu'un: —Ta swenta te jtab ya awale, ma ba ya cac' lajuc te lume —xi'.

Génesis 44:18

Te Judá noptsaj bael ta stojol te José, jich la yalbey: —Cajwal, wocoluc, aiybon awaiy stojol jc'op, ay bila ya jc'an calbat ta muquen. Ma me xawilintayon te awabatone, melel te ja'ate pajal c'oemat soc te muc' ajwalil faraón.

Jeremías 5:1

Te Cajwaltic ya yal: —Beenanic ta bay calleetic yu'un Jerusalén, ila me awilic ta lec, leaic ta parqueetic, te ayuc mach'a ya ataic tey a te toj ya x'at'eje, te smelelil ya sc'an yac' sba. Teme ay ya ataique, ya me jpasbey perdón te Jerusalén.