Génesis 18:30 - Bible in Tzeltal de Oxchuc y Tenejapa

³⁰ Soc la yalbey xan wocol: —Ma me x'ilinat ta jtojol, Cajwal, teme ya jc'oponat xan. ¿Ja'xan teme ay nax lajuneb xcha'winic (30)? —xi'. Albot yu'un: —Ma ba ya jpas jich teme ay lajuneb xcha'winic (30) ya jta —xi'.

Bible in Tzeltal Bachajón

³⁰ Te Abraham la yalbe xan: Ma me x'ilinat, Cajwal, teme ya jc'oponat xane. ¿Ha xan teme ay lajuneb scha'winic (30) ta tuhl tey a? xchi. Ma ba ya jpas teme ay lajuneb scha'winic (30) ta tuhl ya jta tey a, xchi te Jehová.

Génesis 18:30 Referans Kwoze

Isaías 6:5

La cal ta co'tan: “¡Obol jba, ya xlajon! La quilix soc jsit te Muc' Ajwalil, ja' te Cajwaltic te Spisil ya xju' yu'une, te jo'one ma ba lecon ta winiquil soc que, soc nainemon ta yolil te lum te boloben yeique”, xoon.

Salmos 89:7

Mero muc' Diosat, ayat ta xi'el; joytaybilat yu'un spisil bitic cuxajtic ta ch'ulchan.

Salmos 10:17

Cajwal, ya awaiybey stojol sc'op te ya sc'oponat te mach'atic peq'uelique, ja'at ya awac'bey yip yo'tan, soc ya awentain.

Salmos 9:12

Dios ya sna' te mach'atic ya smel yo'tanique; ma ba ya xch'ay ta yo'tan yu'un te yajc'anique, soc ya yac'bey castigo te mach'atic ya x'uts'inwanique.

Job 40:4

—¿Bi ya xju' ya cal ta sjaq'uel te bit'il mero jxujt'on te jo'one? Ja' mero lec ya caiy te ma ba ya xc'opojone.

Jueces 6:39

Ja'uc me to, te Gedeón jich la yal: —Ma me x'ilinat ta jtojol yu'un te ay bi ya calbat xan: yu'un ya jc'an ya jpas jun xan prueba quil. Yo'tic, taquin ac'a jiluc te snujc'ulel chije. Te ts'ujul ta ajc'ubal, ajch'em ac'a jiluc yu'un te lumq'uinale —xi'.

Génesis 44:18

Te Judá noptsaj bael ta stojol te José, jich la yalbey: —Cajwal, wocoluc, aiybon awaiy stojol jc'op, ay bila ya jc'an calbat ta muquen. Ma me xawilintayon te awabatone, melel te ja'ate pajal c'oemat soc te muc' ajwalil faraón.

Génesis 18:29

La xcha'c'opon xan Dios te Abraham: —¿Ja'xan teme ay nax cha'winic (40) ta jtul te toj yo'tanique? —xi'. Albot yu'un: —Ma ba ya cac' lajuc ta swenta te cha'winic (40) ya awale —xi'.

Génesis 18:31

La yalbey xan: —Cajwal, ya me jc'oponat xan: ¿Ja'xan teme ay nax jtab ya ata? —xi'. Albot yu'un: —Ta swenta te jtab ya awale, ma ba ya cac' lajuc te lume —xi'.