Génesis 18:26 - Bible in Tzeltal de Oxchuc y Tenejapa

²⁶ La sjac' te Cajwaltique: —Teme ay lajuneb yoxwinic (50) te toj yo'tanic ta lum Sodoma ya jtae, ya me jc'uxtay te lum ta swentaic —xi'.

Bible in Tzeltal Bachajón

²⁶ Ha yu'un la sjac' te Jehová: Teme ya jta lajuneb yoxwinic (50) ta tuhl ta Sodoma te toj yo'tanic, ma ba ya jlajin te pueblo ta scuentahic, xchi.

Génesis 18:26 Referans Kwoze

Jeremías 5:1

Te Cajwaltic ya yal: —Beenanic ta bay calleetic yu'un Jerusalén, ila me awilic ta lec, leaic ta parqueetic, te ayuc mach'a ya ataic tey a te toj ya x'at'eje, te smelelil ya sc'an yac' sba. Teme ay ya ataique, ya me jpasbey perdón te Jerusalén.

San Mateo 24:22

Te manchuc yacuc scombey sc'aalelal te Diose, ma'yuc mach'a ya xcol jtuluc te jichuque. Ja'uc me to, chapalix yu'un te ya yich' comel ta scaj te mach'atic tsabilic yu'une.

Ezequiel 22:30

La jleix ta yolilic te mach'a ay bila lec ya spasbey ta stojol te lume, te yacuc stejc'an sba ta c'op cu'un ta stojol te lume, swenta yu'un jich ma ba ya jlajin a te jichuque. Pero ma'yuc banti jtaoj.

Isaías 65:8

Te Cajwaltic ya yal: —C'alal ay bayal ya'lel te ts'usube, te ants-winiquetic ma ba ya xch'ayic ni jtebuc, melel ya me xju' sloq'uesic bayal vino. Jich nix me ya jpas te jo'one, ta swenta xc'uxul co'tan ta stojol te abatetic cu'une, ma ba ya jin spamal te nacione.

Isaías 19:24

Ja' me jich c'aalil, te Israel jun nax ya yac' sba soc Egipto soc Asiria, ja' me bendición ta spamal balumilal abi.

Isaías 10:22

Te ja'at lum Israel, manchuc me mero bayal awajtalul, teme jich ma xju'at ta ajtayel jichuc sji'al mar; ja'uc me to, ma me ayuquix lec awipal ya sujt'ex. Albilix te jinel ta atojolique, ya me yich' pasel te castigo te bit'il nix ya sc'ane.

Isaías 6:13

Teme ay jtul ya xjil ta lajlajuneb te lume, ja' ni me jich ya yich'ic jinel. Jich bit'il ya yich' ts'etel jijte', ja' nax ya xjil te xchumante'al —xi'. (Ja'uc me to, ta xchumante'al, ya me xloc' tel xch'ul spul.)

Génesis 18:17

Jich la yal ta yo'tan te Cajwaltique: “Ma ba ya jmuc ta stojol Abraham te bila ya xc'ot ta pasel cu'un,