Génesis 18:25 - Bible in Tzeltal de Oxchuc y Tenejapa

²⁵ Ma niwan jichuc ya apas te pajal ya amil te mach'atic ma'yuc smulic soc te mach'atic ay smulique, ma niwan jichuc awo'tan te pajal c'oem sc'oplalic awu'un. ¿Ma bal lecuc ya yaiy chajbanwanej te Mach'a swentainej chajbanwanej ta spamal te balumilale? —xi'.

Bible in Tzeltal Bachajón

²⁵ Ma hichuc ay ta pasel awu'un te pajal yac awac' lajuc soc te mach'a chopol yo'tan te mach'a toj yo'tan, te pajal bin ya xc'oht ta stojol te mach'a toj yo'tan soc te mach'a chopol yo'tan. ¡Mayuc bin ora te hich yac apas! Te Jchahpanwanej yu'un swohlol te bahlumilal ¿ma bal ha'uc ya spas te bin toj ta pasele? xchi.

Génesis 18:25 Referans Kwoze

Job 8:3

¿Ya bal xyanaj yu'un Dios te bila toj aye, soc te bila stojil ay ta pasele te Mach'a Spisil ya xju' yu'une?

Job 8:20

“Ma ba ya xpijt'esot yu'un Dios te mach'a lequique, soc ma xcoltayot yu'un Dios te mach'atic amen yo'tanique.

Salmos 58:11

Ja' yu'un jich me ya yal: “Mero jich nix ya sc'an a te jun co'tantic ta stojol Dios ya x'ainotique, melel ay Dios te mero stojil ya xchajbanwan ta q'uinale”, xi' me.

Deuteronomio 32:4

Ja' Jcanantaywanej cu'untic, mero lec yat'el stuquel, mero toj spisil te bitic ya spase. Ja' Dios te jun yo'tan ta jtojoltic, ma'yuc lo'laywanej ta yo'tan; ¡mero stojil ya x'at'ej, mero lec stuquel!

Salmos 94:2

Ja' jchajbanwanejat ta balumilal atuquel; jajch'an tel, la', ila aba soc te mach'atic stoyoj sbaique, ac'beya stojic te bit'il ya sc'ane.

2 Corintios 5:10

Melel jpisiltic ya me xc'o jtejc'an jbatic ta bay chajbajibal yu'un te Cristoe, swenta yu'un juju-jtul ya me yich' te bila ya xc'ot ta swentae, chican te bila spasoj te c'alal snainej to a te sbaq'uetale, chican teme leque o teme ma lecuque.

Malaquías 3:18

Jich yu'un te ja'ex ya me ana'ic stojol ta yan buelta, te yan yilel te mach'a leque soc te mach'a amene, soc yan yilel te mach'a ya squejan sba ta xch'uunel Dios soc te mach'a ma squejan sba ta stojole —xi' te Cajwaltique.

Salmos 98:9

ta stojol te Cajwaltic. Melel ya xtal ta mandalteswanej ta spamal balumilal; ya xmandalaj ta swenta stojil-o'tanil, soc mero pajal ya xc'uxtaywan.

Jeremías 12:1

Cajwal, teme ay bila ya xjajch' calbate, ja' smelelil ya awalbon atuquel. Ja'uc me to, ay nix bila ya jc'an jojc'obat a ta swenta in bitic to: ¿Bi yu'un lec ayic te mach'atic amenique? ¿Bi yu'un jun nax yo'tanic ta cuxinel te ay bila muquen ya xchapique?

Eclesiastés 7:15

Ta spisil in to quilojix te jayebix c'aal cuxulon te mero ma'yuc swentail ya caiy te jcuxlejale, mero tojol ta jyalel. Ay mach'atic lajiquix bael, manchuc me lec yo'tanic, soc ay mach'atic mero amen yo'tanic, pero manchuc me mero amen yo'tanic, bayal ja'wil cuxinic.

Hebreos 12:23

te stsoboj sbaic ta sc'ajintayel te Diose, soc ta bay stsoboj sbaic te sbabial alnich'anetic yu'un Dios te nacal sbiilic ta bay te ch'ulchane. Soc noptsajemex ta stojol te Diose te Jchajbanwanej yu'un spisil te ants-winiquetique, soc ta bay ay xch'ulelic te mach'atic xch'uunejbeyic smandal Dios te utstesbilic ta jc'axel yu'une,

Génesis 18:24

Te ayuc lajuneb yoxwinic (50) tey ta lum te toj yo'tan stuquelic, ¿pajal bal ya ajin? ¿Ma bal yacuc ac'uxtay te lum ta swenta te lajuneb yoxwinic (50) te toj yo'tan stuquelique?

Deuteronomio 1:16

Ja' nix ta yorail a, te juecetic awu'unic la cac'bey snopic te bit'il ya x'at'ejique, jich la calbey: “Chajbanaic ta spisilic, mero stojil me xachajbanic, teme ja'ic te jun alumalic soc, o ja'ic te jyanlumetique.

Deuteronomio 1:17

Te c'alal ya awaiyic chajbanwanej, ma me x'awaiyic tsaojel ta stojolic: pajal xachajbanic te mach'atic me'baetic soc te mach'atic jc'ulejetique, ma me ayuc mach'a x'axi'ic, melel te chajbanwanej ja' yu'un te Diose. Teme ay bila chujc'ul ya ataic ta stojolique, ticunbonic tel ta jtojol, swenta yu'un jo'on me ya jchajban”, xoon ta atojolic.

Jueces 11:27

Ma'yuc bi amen jpasojtic ta atojol. Ja'at me atuquel te ma lecuc bila ya xtal apasbotic ta jtojoltic, te ya xtal awac'botic guerra. Ja'uc me to, te Cajwaltic ja' me juez stuquel, ya me yilbey yat'el te israeletic, soc nix te amonetique”, xi'.

2 Crónicas 19:7

Ja' yu'un, ich'aic ta muc' te Cajwaltic, soc tsajtaya me abaic yu'un te bila ya apasique, melel te Cajwaltic Dios cu'untic ma me smulan te bay ma lequil chajbaneluque, soc te bay tsabil nax awu'une, soc teme ya awaiy chajbanwanej ta swenta taq'uin —xi' te Josafat.

Nehemías 9:33

Pero te ja'ate, mero ma'yuc amul ta spisil te bitic la awac' c'otuc ta jtojoltique. Melel te ja'ate, jun awo'tan ta jtojoltic, yan te jo'otique yacalotic ta spasel te bitic amene.

Job 34:10

Pero ja'ex te ay ap'ijilique, aiybon me awaiyic jc'op. Ma me xcal ta co'tantic te ya spas te bila amen soc te bila ma stojiluc te Dios te Spisil ya xju' yu'une.

Eclesiastés 3:17

Ja' yu'un te ya cale, te Dios ya xchajbanot yu'un te mach'a lec yo'tane, soc Dios ya xchajbanot yu'un te mach'a amen yo'tane. Melel ay yorail yu'un spisil te bitic ya xchicnaje, soc ay yorail yu'un te bitic ya xc'ot ta pasele.

Jeremías 11:20

Ja'uc me to, te ja'at Cajwal te Spisil ya xju' awu'une, ja'at tojat ta juecil atuquel; ja'at ya ana' c'alal to ta mero yutil co'tantic. Ac'bon quil te bit'il ya awac'bey castigo te winiquetique, melel cac'ojbatix ta ac'ab te c'op cu'une.

Ezequiel 18:25

Te ja'exe ya wan awalic te ma stojiluc yacon ta at'ele. Pero ya me awaiyic, lum Israel, ¿ya bal xtal ta awo'tanic te ma stojiluc yacon ta at'ele? Ma jichuc, ja'ex te ma stojiluc yacalex ta at'ele.

Números 16:22

Ja'uc me to, la spajc'an sbaic, la stinan sba coel c'alal ta lum, jich la yalic: —Ja'at Diosat, te ya awac'bey xcuxlejal spisil ants-winiquetic, ¿tic' bal ya awilintay spisil lum a ta scaj nax smul te jtul winique? —xiic.

1 Crónicas 16:33

Ac'a awunuc yu'un sbujts' yo'tan te te'etic ta ja'mal ta stojol te Cajwaltic te ya xtal mandalajucta balumilale.

Job 34:12

Ta mero melel, te Diose, ja' te Spisil ya xju' yu'une, ma'yuc ya spas te bila amene, stalel toj yo'tan stuquel;

Salmos 7:12

Teme ay mach'a ma sujt'es yo'tan ta stojol Dios, ya sjuxbey ye te spuñale, snitojix te st'ime,

Salmos 50:6

Te ch'ulchan ya yac' ta na'el te ja' toj ya xchajbanwan te Diose.

Salmos 75:3

Te c'alal ya xnijc' te lumq'uinal soc ta spisil te mach'atic nainemic tey ae, ma ba ya cac'bey sjin sba te yiptajibe”, xi'.