Génesis 18:23 - Bible in Tzeltal de Oxchuc y Tenejapa

²³ Noptsaj xan bael te Abraham, jich la sjojc'obey: —¿Pajal bal ya awac' lajuc soc mach'a amen yo'tan te mach'a toj yo'tane?

Bible in Tzeltal Bachajón

²³ Nohpoj xan bahel te Abraham, hich la yal: ¿Pajal bal yac awac' lajuc soc mach'a chopol yo'tan te mach'a toj yo'tan?

Génesis 18:23 Referans Kwoze

Números 16:22

Ja'uc me to, la spajc'an sbaic, la stinan sba coel c'alal ta lum, jich la yalic: —Ja'at Diosat, te ya awac'bey xcuxlejal spisil ants-winiquetic, ¿tic' bal ya awilintay spisil lum a ta scaj nax smul te jtul winique? —xiic.

2 Samuel 24:17

C'alal la yil David te ch'ul abat te yac smilel ta chamel te yajwal lume, jich la yalbey te Cajwaltic: —Jo'on te jtaoj jmule. Jo'on te ay bi amen jpasoje. ¿Pero bi spasojic te jlumale? Melel ma'yuc smul stuquelic. Ya calbat wocol te jo'ucon ya xc'ot ta jwenta soc mach'atic ay cu'un te castigo awu'une —xi'.

Génesis 20:4

Ja'uc me to, te Abimelec ma to bay sjoinej ta wayel a, jich yu'un la yal: —Cajwal, ¿lec bal teme ya amilon, te ma'yuc bila amen jpasoje?

Hebreos 10:22

Jich yu'un spisiluc me co'tantic ac'a noptsajucotic ta stojol te Diose, te bit'il jc'axel ay xch'uunjel co'tantique, te melel jc'axel la yutstesbotiquix co'tantic yu'un te jmultique soc pocbilix jbaq'uetaltic yu'un te lequil ja'e.

Job 34:17

Teme ya yilay te toj-o'tanil te Diose, ma ba ya xju' ya xwentainwan te jichuque. ¿Ya bal alebey smul te Mach'a mero stalel toj yo'tan stuquele?

Génesis 18:25

Ma niwan jichuc ya apas te pajal ya amil te mach'atic ma'yuc smulic soc te mach'atic ay smulique, ma niwan jichuc awo'tan te pajal c'oem sc'oplalic awu'un. ¿Ma bal lecuc ya yaiy chajbanwanej te Mach'a swentainej chajbanwanej ta spamal te balumilale? —xi'.

Jeremías 30:21

Ya xloc' ta yolilic te jtsobwanej yu'unique; tey nix ya xloc' ta yolilic jtul ajwalil. Ya me cac' te ya xnoptsaj ta jtojol; ¿ay bal mach'a ya xju' xnoptsaj bael ta jtojol? Ja'ic me te lum cu'une, soc jo'on me Dioson yu'unic. Jo'on Ajwalilon, jich ya cal —xi' te Cajwaltique.

Salmos 73:28

Pero te jo'on ya me xnoptsajon ta stojol Dios, melel ja' mero lec ta co'tan. Ja'at Cajwal, te Diosat cu'une, ja'at anjibalat cu'un; ya me jpuc ta alel spisil te bitic apasoje.

Job 8:3

¿Ya bal xyanaj yu'un Dios te bila toj aye, soc te bila stojil ay ta pasele te Mach'a Spisil ya xju' yu'une?

Santiago 5:17

Jich bit'il te Elías te j'alwanej yu'un te Diose te pajal ch'ich'-baq'uetotic soque. Te c'alal la sc'opon Dios yu'un te ma ba ya xtal te ja'ale, jich ma ba tal ja'al oxeb ja'wil soc waqueb u.

Santiago 5:16

Jich yu'un albeya abaic ta jamal teme ay amul ataojique, soc c'oponbeya abaic Dios swenta yu'un jich me ya xlamaj te chamele. Te c'alal ya sc'opon Dios te mach'a toj yo'tane, bayal yip ya xc'ot.

Génesis 18:24

Te ayuc lajuneb yoxwinic (50) tey ta lum te toj yo'tan stuquelic, ¿pajal bal ya ajin? ¿Ma bal yacuc ac'uxtay te lum ta swenta te lajuneb yoxwinic (50) te toj yo'tan stuquelique?

Éxodo 23:7

“Ma me xawac' aba ta jowil leaw ta c'op te ya achajbanbey sc'oplal ta lajel te mach'a ma'yuc smul te toj yo'tane, yu'un ya me cac'bey castigo te mach'a ya sta smule.