Génesis 18:2 - Bible in Tzeltal de Oxchuc y Tenejapa

² La stoy sit, la yil oxtul winiquetic teq'uelic ta stojol. C'alal la yilbey sitic, la yic' tel ta ora. Animal ba sc'opon, la stinan sba coel c'alal ta lum.

Bible in Tzeltal Bachajón

² Te Abraham la shach sit, la yil oxtuhl winiquetic te tec'ajtic ta stojol. C'alal la yil, ahnimal loc' bahel ta sti'il snahilpac', baht sta tal, la spahcan sba ta lum,

Génesis 18:2 Referans Kwoze

Hebreos 13:2

Ma me xch'ay ta awo'tanic te ya awic' ochel ta anaic te mach'atic q'uejel ya xtalique. Melel ay mach'atic la yic' ochel ta snaic ch'ul abatetic te ma la sna'beyic sbae.

Génesis 18:22

Jich bajt'ic te cheb winiquetique, beenic bael ta stojol Sodoma. Yan te Abraham teq'uel to jilel ta stojol Cajwaltic stuquel.

Génesis 19:1

Yaquix ta ijc'ubel q'uinal a te c'otic ta lum Sodoma te cheb ch'ul abatetique. Te Lot nacal ta yochibal ts'ajc' yu'un te Sodoma, ja' yawil ta bay c'aem ta stsobel sbaic te yajwal lume. C'alal te Lot la yilbey sitic, jajch' bael, la stinan sba coel c'alal ta lum, la sc'opon,

Jueces 13:3

Te ants chicnaj ta stojol te ch'ul abat yu'un te Cajwaltique. Jich la yalbey: —Te ja'at ma'yuc ataoj awalatac; ja'uc me to, ya me x'alajat. Ay me ch'in querem awu'un ta patil.

Génesis 23:7

Jich yu'un te Abraham la stejc'an sba jajch'el, la stinan sba ta yalel wocol ta stojol te mach'atic nainemic tey a, ja' te sts'umbal Het.

Josué 5:13

Jich c'ot ta pasel te c'alal nopol ay ta Jericó te Josué, la yil jtul winic teq'uel ta stojol, soc ay puñal ta sc'ab. Te Josué ba yil, la sjojc'obey: —¿Ja'at bal joyticat, o ja'at te jcontroticate? —la yut.

Génesis 44:14

C'otic ta sna José te Judá soc te yermanotaque, nacal c'o staic te José, la stinan sbaic coel ta stojol c'alal ta lum.

Génesis 43:28

La yalbeyic: —Lec ay te jtatic cu'untic, te awabaton soque. Cuxul to —xiic. La stinan xan sbaic coel c'alal ta lum.

Génesis 43:26

Ta patil och tel ta sna te José. Jich yu'un la yac'beyic te majt'anil te xchajbanejique, la stinan sbaic coel ta stojol c'alal ta lum.

Génesis 32:24

Stuquel xanix jil te Jacob. Sjunal ajc'ubal la stsac sba soc jtul winic ja' to chican sacub te q'uinale.

Génesis 18:16

Jajch'ic ta beel te winiquetic, bajt'ic ta stojol te Sodoma, joinotic bael yu'un te Abrahame.

Rut 2:10

Te Rut la squejan sba, la stinan sba coel c'alal ta lum, la yalbey te Booz: —¿Bit'il ay a te ya atojlinon ta c'uxtayel, soc te bayal yutsil awo'tan ta jtojol te bit'il jyanlumone? —xi'.

1 Pedro 4:9

Binuc nax me awo'tanic te ya awic' ochel ta anaic te mach'a ya xtal yilexe. Ma me xjajch' ta aiyej awo'tanic yu'un.

Romanos 12:13

Q'uebanbeya abiluquic teme ay bila ma'yuc yu'un te mach'atic ch'ul lum yu'un te Diose. Binuc nax me awo'tan xawiq'uic ochel te mach'a ya xtal yilate.

2 Reyes 2:15

Te j'alwanejetic yu'un Dios te ayic ta Jericó te yac ta yilel ta c'ubul, jich la yalic te c'alal la yilic: “¡Te espíritu yu'un te Elías, jilix ta swenta Eliseo!” xiic. Ba staic tel, la squejan sbaic ta stojol,

Génesis 17:3

Jich te Abram la stinan sba coel c'alal ta lum ta stojol Dios, jich c'oponot xan yu'un:

Génesis 18:3

Jich la yal: —Tatic, teme lecon ta ilel ya awile, wocoluc, ma me xc'axat bael ta stojol te awabate.

Génesis 24:63

Te Isaac loc' bael ta teq'uetel ta paxeal ta aquiltic ta mal c'aal. La stoy sit, la yil yac ta talel te camelloetique.

Génesis 23:12

Te Abraham la stinan xan sba ta sit spisil yajwal te q'uinale.

Génesis 42:6

Te José swentainej spamal sq'uinal Egipto, soc swentainej xchonbeyel trigo spisil mach'a te bayuc ya xtalique. C'otic te sbanquiltac José, la spajc'an sbaic ta stojol c'alal ta lum.

Génesis 48:12

Te José la sjits loq'uel te snich'nab ta bay sjol yacan te state. La stinan sba coel c'alal ta lum ta stojol te state.