Génesis 18:17 - Bible in Tzeltal de Oxchuc y Tenejapa

¹⁷ Jich la yal ta yo'tan te Cajwaltique: “Ma ba ya jmuc ta stojol Abraham te bila ya xc'ot ta pasel cu'un,

Bible in Tzeltal Bachajón

¹⁷ La yal te Jehová: ¿Ya bal jmuc ta stojol Abraham te bin ya xbaht jpas,

Génesis 18:17 Referans Kwoze

Amós 3:7

Ma'yuc bila ya spas Cajwaltic teme ma neeluc ya yac'bey sna'ic te j'alwanejetic yu'une.

Salmos 25:14

Te Cajwaltic ja' me sjoy te mach'a ya yich' ta muq'ue, soc ya me yac'bey sna' stojol te trato yu'une.

San Juan 15:15

Ma ba ya jp'isex xan ta abat, melel te mach'a abate ma sna' te bila ya spas te yajwale. Yan te ja'exe, jun co'tan jbatic, melel spisil cac'ojbeyex ana'ic stojol te bila yalojbon te Jtate.

Santiago 2:23

Jich c'ot ta pasel te bila ts'ibubil jilel ta Sjun te Diose: “Te Abrahame la xch'uun te Diose, jich toj a c'ot ta stojol Dios yu'un”, te xie. Soc jich c'ot sc'oplal te Abrahame te ja' mero sjoy sba soc te Diose.

Génesis 19:24

Te Cajwaltic la yac' tel azufre soc c'ajc' ta ch'ulchan jich bit'il ja'al ta stojol te lum Sodoma soc te lum Gomorra.

2 Crónicas 20:7

Dios cu'untic, ja'at la aticunbey loq'uel yajwal te lumq'uinal ta stojol te lum Israel, la awac'bey yu'unin sbajt'el q'uinal te sts'umbal Abraham te ajoye.

2 Reyes 4:27

Ora c'ot tey ta wits te banti ay te Eliseo, c'o spetbey yacan. Te Giezi noptsaj bael, c'an sjits loq'uel, pero te Eliseo la yal mandal: —Ijq'uitaya, mero bayal swocol. Te Cajwaltic ma ba yalojbon te bi la spase —xi'.

Génesis 18:21

Jich yu'un ya xcoon bael, ya quil teme jich spasojic te bit'il ay sc'oplalic caiyoj stojole. Teme ma jichuque, ya me jna' stojol —xi'.

Génesis 18:22

Jich bajt'ic te cheb winiquetique, beenic bael ta stojol Sodoma. Yan te Abraham teq'uel to jilel ta stojol Cajwaltic stuquel.

Génesis 18:26

La sjac' te Cajwaltique: —Teme ay lajuneb yoxwinic (50) te toj yo'tanic ta lum Sodoma ya jtae, ya me jc'uxtay te lum ta swentaic —xi'.