Génesis 18:15 - Bible in Tzeltal de Oxchuc y Tenejapa

¹⁵ Te Sara la smuc ta yo'tan: —Ma ba tse'enon —xi' yu'un xiwel. Ja'uc me to, albot yu'un: —Tse'enat nax —xi' sc'oplal.

Bible in Tzeltal Bachajón

¹⁵ Xiw te Sara, la smuc ta yo'tan: Ma ba tse'ejinon, xchi. Pero halbot yu'un: Ma hichuc, tse'ejinat, xchi.

Génesis 18:15 Referans Kwoze

1 Juan 1:8

Teme ya caltic te ma'yuc jmultique, jtuqueltic nax yacotic lo'laybel jbajtic abi, yu'un ma'yucotic tey ta bay te bila melele.

Proverbios 28:13

Te mach'a ya smuc smul, ma lecuc ya xc'ot yu'un; yan te mach'a ya yal ta jamal soc te ya yijq'uitay spasele, ya me sta perdón.

Efesios 4:23

Te ja'exe ya sc'an ya x'ach'ub te awo'tanique.

Salmos 44:21

Te jichuque la awilotic, melel te ja'ate ana'oj spisil te bila muquen yich'oj chapel.

Romanos 3:19

Jna'ojtic stojol te bit'il spisil te bila ya yal te mandalile, ja' sc'oplalic te mach'atic ayic ta swenta te mandalile, swenta yu'un jich macal yeic ya xc'ot spisilic a. Spisil ants-winiquetic quechelic ta yich'el castigo yu'un te Diose.

San Juan 18:17

Te criada, te scanantayej ti'naile, la sjojc'obey te Pedroe: —¿Ma bal ja'uc jnopojelat yu'un uuc te winique? —xi'. La yal te Pedroe: —Ma jo'ocon —xi'.

San Juan 2:25

Ma yejt'aluc te ay mach'a ya yalbey yaiy te bi yilel yo'tanique, melel ya sna' stuquel te bi yilel co'tantic juju-jtulotique.

San Marcos 2:8

Te Jesús la sna' stojol te jich yacalic ta yalel ta yo'tanique. Jich la yalbey: —¿Bi yu'un te jich ya awal ta awo'tanique?

Proverbios 12:19

Te mach'a melel ya xc'opoje, stalel ya x'ain sbajt'el q'uinal; yan te mach'a ma meleluc ya xc'opoje, ajc' nax ay ta q'uinal stuquel.

Job 2:10

La sjac' te Job: —Ants, ma x'ana' q'uinal. Teme jun co'tantic ya quich'tic te bila lec ya yac'botic te Diose, ¿bi yu'un ma ba ya quich'tiquix a jiche te bila amen ya yac'botic tele? —xi' yu'un te Job. Jich ma la sta smul ta stojol Dios te Job. Manchuc me ay swocol, pero ma ba loc' bol c'op ta ye stuquel.

Génesis 12:13

Jich yu'un ya me awalbey yaiyic te bit'il quijts'inat, swenta yu'un jich me lec ya xc'oon ta awenta, soc jich me ya xcuxinon ta awenta —la yut.

Génesis 4:9

Dios la sjojc'obey te Caín: —¿Banti ay te awijts'in Abel? —la yut. La sjac' te Caine: —Ma xquil, ¿yu'un bal jo'on jcanantayej te quijts'ine? —xi'.

Colosenses 3:9

Ma me xapas abaic ta lot juju-jtulex. Ijq'uitaya me te apocol acuxlejalique soc spisil te bila c'aemex ta spasel ta swentae.

Génesis 18:14

Ma'yuc bi wocol ta pasel yu'un te Diose. C'alal ya sta yorail, ya me sujt'on tel ta atojol. Ja' me yorail ya x'ayin yal a te Sara —xi'.

Génesis 18:16

Jajch'ic ta beel te winiquetic, bajt'ic ta stojol te Sodoma, joinotic bael yu'un te Abrahame.

Salmos 44:22

Pero ja'at ta awenta spisil ora te quechelotic ta lajel; jichotic ta yo'tanic te bit'il chijetic ya yich'ic milele.