Génesis 18:12 - Bible in Tzeltal de Oxchuc y Tenejapa

¹² Jich yu'un tse'ej nax la yaiy ta yo'tan te Sarae, jich la yal ta yo'tan: “Te bit'il me'elonix ¿ya to bal caiybey xan yutsilal, melel mamalix uuc te jmamlale?” xi' yu'un.

Bible in Tzeltal Bachajón

¹² Ha yu'un tse'ejin ta yo'tan te Sara, hich la yal: C'alal me'elonix a soc mamalix a te cajwal ¿ya to bal ca'iybe xan yutsil? xchi.

Génesis 18:12 Referans Kwoze

1 Pedro 3:6

Jich bit'il te Sarae, la xch'uunbey smandal te Abrahame. “Cajwal”, xi' ta stojol. Jich yu'un ja'ex antsetic, yantsil-alex Sara teme lec te bila ya apasique, soc teme ma'yuc bila ya xiw awo'tanic yu'un.

Génesis 17:17

Te Abraham la stinan sba coel c'alal ta lum ta stojol te Diose. Jajch' ta tse'ej yu'un, jich la yal ta yo'tan: “¿Ban c'an taluc xan snich'an te mach'a mamalixe, te ayix jo'winic (100) ya'wilale? Soc ¿bit'il c'an alajuc te Sara, te lajuneb yo'winic (90) ya'wilale?”, xi' ta yo'tan.

Génesis 18:13

Te Cajwaltic jich la yalbey te Abraham: —¿Bistuc tse'ej nax la yaiy te Sara, soc bistuc la yal: “¿Ya to bal caiybey xan yutsilal te ya x'alajon te bit'il me'elonixe?” te xie?

Efesios 5:33

Ja'uc me to, ja' sc'oplal uuc te c'ux me x'awaiy ta awo'tanic juju-jtulex te awinamique, jich te bit'il c'ux ya awaiy aba atuquele. Te antse ac'a yich' ta muc' te smamlale.

Salmos 126:2

Ja' yu'un te co'tantic och ta buen tse'ej soc ochotic ta buen aw ta scaj yutsil q'uinal. Te mach'atic xch'uunejic lotil diosetic, jich la yalic: “Te Yajwalic mero muc' sc'oplal bila pasbotic yu'un”, xiic.

Salmos 45:11

Melel te muc' ajwalil ya smulanbat te at'ujbilale; ja' yu'unatix, ja' yu'un, ya me ach'uunbey smandal.

Jueces 19:26

Yaquix ta sacubel tel q'uinal a c'ot te ants ta sna te mamale, te banti ay te smamlale. Tey mero c'o lajuc ta ti'nail.

2 Reyes 4:16

Te Eliseo jich la yalbey: —Te ja'wil ya xtal, jich bit'il ora to, apetoj meix awal a —la yut. La sjac' te antse: —Ma niwan, tatic. Ja'at te swinicat Dios, ma me xalo'layon te jo'on awabatone —xi'.