Génesis 18:1 - Bible in Tzeltal de Oxchuc y Tenejapa

¹ Te Cajwaltic la yac' sba ta ilel ta stojol Abraham ta jijte'eltic yu'un Mamre, te bit'il nacal ta sti' snailpac' ta yaiyel axinal yu'un xc'uxul c'aal.

Bible in Tzeltal Bachajón

¹ Te Jehová la yac' sba ta ilel ta stojol Abraham ta jihte' yu'un Mamre te c'alal hucul ta sti'il snahilpac' ta yorahil sc'uxul c'ahc'al.

Génesis 18:1 Referans Kwoze

Génesis 14:13

Ja'uc me to, ay jtul loc' ta anel, c'o yalbey yaiy te Abram, te hebreo-winic, te nainem ta jijte'eltic yu'un te amorreo-winic te Mamre sbiil, te yermano sba soc te Escol soc te Aner, te jun yo'tan sbaic soc Abram.

Génesis 13:18

Jich te Abram la syantesbey yawil te scampamento, c'o ainuc ta jijte'eltic yu'un Mamre, te ay ta nopol lum Hebrón. Tey la spasbey scajtijib ta chiq'uel smajt'an Cajwaltic a te la yac'bey milbil smajt'an ta yalel wocol.

Génesis 48:3

la sc'opon xan te José: —Te Dios te Spisil ya xju' yu'une, la yac' sba ta ilel ta jtojol ta lum te Luz sbiile te ay ta Canaán, soc la yac'bon bendición:

Génesis 26:2

Te Cajwaltic la yac' sba ta ilel ta stojol Isaac, jich la yalbey: —Ma me xcoat bael ta Egipto, nainan te banti ya calbate.

Hechos 7:2

Te Esteban jajch' ta c'op: —Lec ay, jme'-jtat, quermanotac, ya calbeyex awaiyic. Te Dios te ay xojobil yutsilale, la yac' sba ta ilel ta stojol te jtatic Abraham te c'alal ay to ta Mesopotamia, te c'alal ma to xba ainuc ta lum Harán.

2 Crónicas 1:7

Ta ajc'ubal te Dios la yac' sba ta ilel ta stojol te Salomón, jich la yal: —C'anbon te bila ya sc'an awo'tane, jich ya cac'bat —xi' te Diose.

Génesis 17:22

Te Diose laj yo'tan ta sc'oponel te Abraham, jich ijq'uitayot yu'un.

Génesis 15:1

Patil te Abram c'oponot yu'un Dios te chicnaj ta sit yilel, jich albot: —Ma xiwat, Abram, jo'on jcanantaywanejon awu'un, muc' me amajt'an ta bay nax c'alal —xi' sc'oplal.

Génesis 12:7

Te Cajwaltic la yac' sba ta ilel ta stojol Abram, jich la yalbey: —Ya me cac'bey sq'uinalin ats'umbal te q'uinale —xi' sc'oplal yu'un te Cajwaltique. Jich te Abram la spasbey scajtijib ta chiq'uel smajt'an tey a te Cajwaltic te bit'il tey la yac' sba ta ilel ta stojol a.

Éxodo 4:1

La yal te Moisese: —Ma xch'uunbonic jc'op soc ma xyich'onic ta muc'. Ya niwan yalbonic: “Te Cajwaltic ma ba yac'oj sba ta ilel ta atojol”, ya me yutonic —xi' te Moisés.

Hebreos 11:9

Ta swenta xch'uunjel yo'tan te Abrahame, jun yo'tan nain tey a ta bay ma slumaluc te ja' nix te q'uinal te albot yaiy yu'un Dios te ya sq'uinaline. Tey la snain nailpac' a, soc tey nix la snain nailpac' uuc te Isaaque soc uuc te Jacobe, te jich nix albot yaiyic yu'un Dios uuc te ya sq'uinalinique.

Hebreos 13:2

Ma me xch'ay ta awo'tanic te ya awic' ochel ta anaic te mach'atic q'uejel ya xtalique. Melel ay mach'atic la yic' ochel ta snaic ch'ul abatetic te ma la sna'beyic sbae.

Génesis 18:22

Jich bajt'ic te cheb winiquetique, beenic bael ta stojol Sodoma. Yan te Abraham teq'uel to jilel ta stojol Cajwaltic stuquel.

Génesis 20:1

Te Abraham loc' bael tey a, been bael ta sq'uinal Néguev. C'o nainuc ta lum Gerar te ay ta olil q'uinal yu'un Cades soc yu'un Shur.

Génesis 35:27

Te Jacob ba yil te Isaac, ja' te state, te ay ta Mamre, te lum te ja' nix sbiilinej Arba soc Hebrón. Tey nix nain te Abraham soc te Isaac.

Josué 5:13

Jich c'ot ta pasel te c'alal nopol ay ta Jericó te Josué, la yil jtul winic teq'uel ta stojol, soc ay puñal ta sc'ab. Te Josué ba yil, la sjojc'obey: —¿Ja'at bal joyticat, o ja'at te jcontroticate? —la yut.