Génesis 17:23 - Bible in Tzeltal de Oxchuc y Tenejapa

²³ Jich yu'un te Abraham la yic' tel yac'bey circuncisión te snich'ane, ja' te Ismael, soc la yac'bey circuncisión spisil mach'a ayinemic ta sna soc spisil mach'a smanoj ta staq'uin. Spisil winiquetic te ay ta abatinel yu'un te Abraham, la yac'bey circuncisión ta ora nax, jich bit'il pasot ta mandal yu'un te Diose.

Bible in Tzeltal Bachajón

²³ Ha yu'un te Abraham la yic' tal te Ismael te snich'an, soc spisil te a'batetic te ayinemic ta sna soc spisil te mach'atic smanoj ta staq'uin, spisil te winiquetic te ay ta sna, la ya'be yich'ic circuncisión, hich te bin ut'il halbot yu'un Dios.

Génesis 17:23 Referans Kwoze

Proverbios 27:1

Ma me xatoy aba ta swenta pajel; melel ma x'ana' te bi ya xc'ot ta pasel te pajele.

Eclesiastés 9:10

Spisil te bi ya xju' awu'un spasele, pasa me. Jun me awo'tan xapas, melel ta muquenal te banti quechel ya xbaate, ma'yuc bi ya xju'ix ta pasel tey a, soc ma'yuquix bi ay ta na'el, ma'yuquix bi ay ta nopel, soc ni ayuc xan swentail tey a te p'ijil c'ope.

Salmos 119:60

Cac'ojix puersa, ma ba ya xch'ajubon ta spasel te mandaliletic awu'une.

Génesis 34:24

Spisil te mach'atic jich ya'wilal te ya xtuun ta soldadoile la xch'uunbeyic sc'op te Hamor soc te Siquem, la xch'uunic yich'el circuncisión ta spisilic.

Génesis 18:19

Melel tsabil cu'un te ya me spas ta mandal yal-snich'nab soc te mach'atic ay yu'un ta patil bael, te ya spasic spisil te bitic ya cac'bey snopique, te ya me spasic spisil te bitic lec soc te bitic toj ta pasele, swenta yu'un jich me ya jc'otes ta pasel te bila calojbey sc'oplal ta jamale”, xi' ta yo'tan.

Gálatas 6:15

Melel ta swenta Cristo Jesús, ma'yuquix sc'oplal teme quich'ojtic circuncisión, o teme ma ba quich'ojtique. Ja' ay sc'oplal teme ach'ubenotiquixe.

Gálatas 5:6

Melel ta swenta te Cristo Jesuse, jich ma'yuc sc'oplal teme quich'ojtic circuncisión o teme ma ba quich'ojtique. Te bila ay sc'oplale, ja' te ay xch'uunjel co'tantique. In te xch'uunjel co'tantique, ya yac' cuxinucotic soc xc'uxul co'tantic.

Hechos 16:3

Te Pablo la sc'an yo'tan te ya yic' sjoine. Jich yu'un la yac'bey yich' circuncisión ta scaj te judioetic te ayic tey a, melel sna'ojic ta spisilic te griego-winic te state.

Génesis 14:14

C'alal la yaiy stojol te Abram te bit'il ic'ot bael ta chuquel te yermano, la xchajbanbey yat'ejib te abatetic yu'un te ainemic ta snae, waxaclajuneb swaclajunwinic (318) ta jtul. La snutsic bael te muc' ajwaliletic, c'alal ta sq'uinal Dan.

Génesis 17:9

Albot xan yu'un Dios te Abraham: —Te ja'ate ya me awich'bon ta muc' te trato albil cu'un ja'at soc jayeb ats'umbal.