Génesis 17:19 - Bible in Tzeltal de Oxchuc y Tenejapa

¹⁹ Ja'uc me to, la yal te Diose: —La calbat awaiy, ja' la calbat te ya me x'ayin yal te awinam Sara, Isaac sbiil ya xc'ot awu'un. Jc'axel ya jpas trato soc stuquel, swenta sbajt'el q'uinal soc te jayeb sts'umbale.

Bible in Tzeltal Bachajón

¹⁹ La sjac' te Diose: Ya me x'ayin squerem-al te awihnam Sara, ya me awa'be sbihilin Isaac. Ha nix hich ya ca'be te chapbil-c'op cu'un scuenta chapbil-c'op yu'un te sts'umbal ta patil bahel te ma xlaj sc'oblal.

Génesis 17:19 Referans Kwoze

Génesis 21:6

Jich la yal ta yo'tan te Sara: “Dios la yac' tse'enucon yu'un, soc jich me ya xbujts'naj yo'tanic spisil mach'atic ya yaiyic stojol te ayix ch'in alal cu'une.

Génesis 26:3

Tey me xnainat a te bay q'uinal ayate, ya me joinat, soc ya me cac'bat bendición. Yu'un ya me cac'bat aq'uinalin spisil soc ats'umbal te q'uinale, soc ya me cac' c'otuc ta pasel te bila la calbey te atat Abrahame.

Génesis 17:21

Yan te Isaac jc'axel me ya jpas trato soc stuquel, ja' me te anich'an ya x'ayin ta swenta Sara ta yan ja'wil, jich ora te bit'il to —xi' sc'oplal yu'un.

San Lucas 1:55

jich nix te bit'il yalojbey te namey q'uinal tatiletic cu'untique, ja' te Abrahame soc spisil sts'umbal sbajt'el q'uinal —xi' te Mariae.

Hebreos 11:11

Soc ta swenta xch'uunjel yo'tan te Sarae, te bit'il ma x'alaje ac'bot xan yip sbaq'uetal yu'un yiq'uel te yale, manchuc teme c'axemix yorail te bit'il ya x'alaje. Jich ayin yal, yu'un xch'uunej yo'tan te ya yac' c'otuc ta pasel Dios te bila yalojixe.

Génesis 9:16

C'alal ya xchicnaj te arco iris ta yolil tocal, ya me quil soc jich me ya jna' te trato calojbey ta stojol spisil bitic cuxajtic te ayic ta balumilale.

Génesis 17:7

Soc jc'axel ya jpas trato ta atojol ja'at soc jayeb ats'umbal ta patil. Swenta sbajt'el q'uinal te trato cu'un: te jo'on Dioson awu'un, soc Dioson yu'un jayeb ats'umbal ta patil.

Génesis 17:16

Ya me cac'bey bendición, soc ay me awal-anich'an ya xc'oat soc. Melel me xcal, ya me cac'bey bendición. Sme' bayal ta jchajp nacionetic ya xc'ot, ya xchicnaj ta swenta bayal ta jtul ajwaliletic —xi' sc'oplal.

Génesis 17:18

Te Abraham la yalbey te Diose: —Ja' lec ja'uc ya awac'bey bendición ta stojol te Ismaele —xi'.

Génesis 26:2

Te Cajwaltic la yac' sba ta ilel ta stojol Isaac, jich la yalbey: —Ma me xcoat bael ta Egipto, nainan te banti ya calbate.

Génesis 16:11

Melel awic'ojix awal, soc ya me x'alajat. Te querem ya x'ayin, Ismael sbiil ya xc'ot awu'un, yu'un yaiyoj stojol te Cajwaltic te bit'il ay awocole.