Génesis 17:13 - Bible in Tzeltal de Oxchuc y Tenejapa

¹³ Te mach'a ya x'ayin ta ana, soc te mach'atic manbil ta ataq'uin, ya me yich' circuncisión ta puersa. Ja' seña ta abaq'uetalic te trato cu'un ya xc'ot sbajt'el q'uinal.

Bible in Tzeltal Bachajón

¹³ Te mach'a ya x'ayin ta ana soc te mach'a mambil awu'un ta ataq'uin, ya me yich' te circuncisión. Ha seña ta abaq'uetalic te chapbil-c'op cu'un te stalel ay.

Génesis 17:13 Referans Kwoze

Éxodo 12:44

Yan teme abat te manbil ta taq'uine, ya me xju' sti' stuquel teme neel yich'oj circuncisión.

Nehemías 5:8

Jich la calbey: —Te jo'otic, te bay c'alal ju'em cu'untic la cac'tiquix ta libre yu'un sbetic te jlumaltic judioetic, te chonbilic ta stojol yantic lumetic te ma ba xch'uunejic te cuxul Diose. ¿Yo'tic ja'ex bal ya awaq'uic ta mozoinel xan, swenta yu'un ya jcha'cac' xan ta libre jiche? —la cut. Lamajic bael yu'un, melel ma wejt' te bila la yalic yu'un te jc'ope.

Génesis 37:36

Te madianetic c'o xchonic te José ta sc'ab Potifar ta Egipto. Ay yat'el ta comandante yu'un jcanantaywanejetic ta stojol faraón te muc' ajwalil yu'un Egipto.

San Mateo 18:25

Te bit'il ma ju' yu'un stojel te sbete, la yal mandal te muc' ajwalile te ya yich' chonel bael soc yinam snich'nab soc spisil te bila ay yu'une, swenta yu'un jich me ya xtojob a te sbete.

Nehemías 5:5

—Te jo'otique pajal israelotic soc te jlumalique. Te cal-jnich'antique, pajal yilelic soc te yal-snich'anique. Pero te jo'otique puersa ya cac'tic ta mozoil te queremetic soc te ach'ixetic cu'untique. Ay baemiquix ta criadail te cantsil-nich'nabtique. Ma'yuc bi ya xju' ya jcoltaytic a, melel te jq'uinaltique soc te jts'usubiltique yan mach'atic yich'ojiquix —xiic.

Éxodo 21:16

“Ja' nix jich teme ay mach'a ya yelc'an loq'uel jtuluc te ya xchone, o teme sjoinej ya xtaote, ya me xchajbanbot sc'oplal ta lajel.

Éxodo 21:4

Yan teme ac'bot yinam yu'un te yajwale, te alaletic ya x'ayin yu'unique, ya me xjil soc sme' ta sna te yajwale, te abate stuquel me ya xbajt'.

Éxodo 21:2

“Teme ya aman jtul hebreo ya awabatin, waqueb nax me ja'wil ya x'at'ej awu'un. Ta sjuquebal ja'wil ya me xjil ta libre.

Génesis 39:1

Te José c'ot ta Egipto te bit'il la yiq'uic bael te ismaeletique. Tey manot yu'un jtul egipcio-winic te Potifar sbiile, te ay yat'el ta stojol te faraón, ay ta comandante yu'un te jcanantaywanejetique.

Génesis 37:27

Ja' lec ya jchonbeytic bael te ismaeletique. Ma me jmiltic te jo'otique, te melel quijts'intic, jun jme'-jtatic soc —xi'. Jich c'ot ta yo'tanic spisilic.

Génesis 14:14

C'alal la yaiy stojol te Abram te bit'il ic'ot bael ta chuquel te yermano, la xchajbanbey yat'ejib te abatetic yu'un te ainemic ta snae, waxaclajuneb swaclajunwinic (318) ta jtul. La snutsic bael te muc' ajwaliletic, c'alal ta sq'uinal Dan.

Génesis 9:16

C'alal ya xchicnaj te arco iris ta yolil tocal, ya me quil soc jich me ya jna' te trato calojbey ta stojol spisil bitic cuxajtic te ayic ta balumilale.

Génesis 17:7

Soc jc'axel ya jpas trato ta atojol ja'at soc jayeb ats'umbal ta patil. Swenta sbajt'el q'uinal te trato cu'un: te jo'on Dioson awu'un, soc Dioson yu'un jayeb ats'umbal ta patil.

Levítico 22:11

“Teme ay ya sman ta staq'uin yabat te sacerdote, ya me xju' ya swe' stuquel te bila ch'ultesbil te abate. Ja' nix jichic te mach'atic tey ayinix ta q'uinal ta sna te sacerdote, ya me xju' ya swe'bey swe'el te sacerdote.