Génesis 17:11 - Bible in Tzeltal de Oxchuc y Tenejapa

¹¹ Ja' me ya ajoybey loq'uel ta bojel snujc'ulel sjol te abaq'uetale, ja' me te circuncisión sbiile. Ja' seña ya xc'ot te trato albil cu'un ta atojolic.

Bible in Tzeltal Bachajón

¹¹ Yac ajoybe loq'uel ta bojel te snuhculel sjol sc'unilic, ha seña ya xc'oht yu'un te chapbil-c'op cu'untic.

Génesis 17:11 Referans Kwoze

Romanos 4:11

La yich' te circuncisión ta swenta seña soc ja' sello yu'un te bit'il toj ilotix yu'un Dios ta swenta nax xch'uunjel yo'tan, te c'alal ma to ba yich'oj a te circuncisione. Ja' swentail te ja' tatil yu'un spisil te mach'atic xch'uunejic Dios te ma ba yich'ojic circuncisione. Jich yu'un te mach'atic ya yac' xch'uunjel yo'tanique, toj ya x'ilotic yu'un te Diose.

Hechos 7:8

Te Diose la spas trato soc te Abrahame te ja' seña c'ot te circuncisione. Jich te Abraham te c'alal ayin te snich'ane, ja' te Isaaque, ta swaxaquebal c'aal yayinel a te la yac'bey yich' te circuncisione. Jich uuc te Isaaque la yac'bey yich' circuncisión te snich'ane, ja' te Jacobe. Soc jich nix uuc te Jacobe la yac'bey yich' circuncisión te snich'nabe, ja' te lajchaytul antiguo tatiletic cu'untique.

Deuteronomio 10:16

“Ac'a ta awo'tanic te smarcail te trato, ma me ja'uc nax chican awo'tanic te bila ya apasic baele.

2 Samuel 3:14

Soc te David la sticun mach'atic ba yalbeyic te Is-boset: “Ac'bon te Mical te quinam te nujbinon soque, te la jel ta jo'winic (100) snujc'ulel sjol sbaq'uetal filisteoetique”, xi'.

Josué 5:3

Josué la spas te cuchilloetique. La yac'bey yich' circuncisión te israel-winiquetic ta wits Aralot.

Éxodo 12:48

Ja'uc me to, teme ay jyanlum winic nainem ta awolilique, teme ya sc'an spas te q'uin Pascua, te yu'un ya yich' ta muc' a te Cajwaltique, neel xawac'bey yich' circuncisión spisil winiquetic ta sna, jich me jun yo'tan ya xju' ya spas te q'uine, jich bit'il te mach'a mero israel-winique. Teme ma yich'ojuc circuncisión, ma me ayuc jich nax ya sti' te chambalame.

Éxodo 4:25

Jich yu'un te Séfora, ja' te yiname, la stsac tel ch'in ton ta ora te buen ay ye. La sbojbey loq'uel snujc'ulel sbaq'uetal a te yale. Te snujc'ulel sbaq'uetale la yac'bey ta yacan Moisés. Jich la yal: —Ta ora to ya calbat te ja'at, jmamlalat ta swenta ch'ich' —xi'.

Génesis 9:12

Te seña trato cu'un ya me cac' sbajt'el q'uinal ta atojolic soc spisil te chambalametique: